માર્કેટ કેપિટલાઇઝેશનના સંદર્ભમાં, દેશની ટોપ-10 કંપનીઓમાંથી 6ની વેલ્યૂ ગયા સપ્તાહે કંબાઈંડ રીતે રૂ. 1.07 લાખ કરોડનો વધારો થયો છે. સ્ટેટ બેંક ઓફ ઈન્ડિયા (SBI) આ સમયગાળા દરમિયાન ટોપ ગેનર રહી છે. એક સપ્તાહના કારોબાર બાદ બેંકનું માર્કેટ કેપ 36,100 કરોડ રૂપિયા વધીને 7.33 લાખ કરોડ રૂપિયા થઈ ગયું છે. SBI ઉપરાંત ICICI બેંક, રિલાયન્સ ઇન્ડસ્ટ્રીઝ, ITC અને હિન્દુસ્તાન યુનિલિવરના માર્કેટ કેપમાં વધારો થયો છે. તેમજ, આ દરમિયાન ઇન્ફોસિસ ટોપ લૂઝર રહી હતી. કંપનીનું માર્કેટ કેપ રૂ. 38,054 કરોડ ઘટીને રૂ. 7.31 લાખ કરોડ થયું છે. ગયા સપ્તાહે બજાર 321 પોઈન્ટ વધ્યું હતું શુક્રવાર (નવેમ્બર 1), સપ્તાહના છેલ્લા ટ્રેડિંગ દિવસે, શેરબજાર સાંજે 6:0 થી 7:0 વાગ્યા સુધી એક કલાકના સ્પેશિયલ મુહૂર્ત ટ્રેડિંગ માટે ખુલ્લું હતું. સેન્સેક્સ 335 પોઈન્ટના વધારા સાથે 79,724 પર બંધ રહ્યો હતો. તેમજ, નિફ્ટીમાં 99 પોઇન્ટનો ઉછાળો આવ્યો હતો અને તે 24,304 પર બંધ થયો હતો. ટ્રેડિંગ પછી, સેન્સેક્સના તમામ 30 શેરોમાંથી, 26માં તેજી રહી હતી, જ્યારે 4 ડાઉન હતા. તેમજ, નિફ્ટીના 50માંથી 42 શેરોમાં તેજી જોવા મળી હતી. એક સપ્તાહના ટ્રેડિંગ પછી બજાર 321.83 પોઈન્ટ અથવા 0.40% વધ્યું હતું. માર્કેટ કેપિટલાઇઝેશન શું છે? માર્કેટ કેપ એ કોઈપણ કંપનીના ટોટલ આઉટસ્ટેન્ડિંગ શેરો એટલે કે તે તમામ શેર જે હાલમાં તેના શેરધારકો પાસે છેસ તેની વેલ્યૂ છે. કંપનીના જાહેર કરાયેલા શેરની કુલ સંખ્યાને શેરની કિંમત દ્વારા ગુણાકાર કરીને તેની ગણતરી કરવામાં આવે છે. માર્કેટ કેપનો ઉપયોગ કંપનીઓના શેરનું વર્ગીકરણ કરવા માટે રોકાણકારોને તેમની જોખમ પ્રોફાઇલ અનુસાર તેમને પસંદ કરવામાં મદદ કરવા માટે થાય છે. જેમ કે લાર્જ કેપ, મિડ કેપ અને સ્મોલ કેપ કંપનીઓ. માર્કેટ કેપ = (આઉટસ્ટેન્ડિંગ શેરની સંખ્યા) x (શેરનો ભાવ) માર્કેટ કેપ કેવી રીતે કામ કરે છે? કંપનીના શેરો નફો આપશે કે નહીં તેનો અંદાજ ઘણા પરિબળોને જોઈને લગાવવામાં આવે છે. આ પરિબળોમાંનું એક માર્કેટ કેપ છે. રોકાણકારો માર્કેટ કેપ જોઈને જાણી શકે છે કે કંપની કેટલી મોટી છે. કંપનીનું માર્કેટ કેપ જેટલું વધુ હોય તેટલી સારી કંપની ગણાય. માંગ અને પુરવઠા અનુસાર શેરના ભાવ વધે- ઘટે છે. તેથી, માર્કેટ કેપ એ તે કંપનીનું જાહેરમાં માનવામાં આવતું મૂલ્ય છે. માર્કેટ કેપમાં કેવી રીતે વધઘટ થાય છે? માર્કેટ કેપના ફોર્મૂલા પરથી તે સ્પષ્ટ છે કે કંપનીના શેરની કિંમત દ્વારા શેરની કુલ સંખ્યાને ગુણાકાર કરીને તેની ગણતરી કરવામાં આવે છે. એટલે કે જો શેરની કિંમત વધે તો માર્કેટ કેપ પણ વધશે અને જો શેરના ભાવ ઘટશે તો માર્કેટ કેપ પણ ઘટશે.
