સિંહ બનીને ફરતી ટીમ ઈન્ડિયા ઘરઆંગણે શિયાળ બની:ઘરઆંગણે સ્ટાર ખેલાડીઓનો ફ્લોપ શો, કિવીઝને હળવાશથી લેવાનું ભારે પડ્યું

ન્યૂઝીલેન્ડ સામેની સિરીઝની શરૂઆત પહેલા, ભારતને વર્લ્ડ ટેસ્ટ ચેમ્પિયનશિપ (WTC)ની ફાઇનલમાં પહોંચવા માટે ચાર જીતની જરૂર હતી. ચાહકોથી લઈને નિષ્ણાતો સુધી, એવી આગાહી કરી હતી કે ભારતીય ટીમ ન્યૂઝીલેન્ડ સામેની ત્રણેય ટેસ્ટ મેચ જીતશે અને ઓસ્ટ્રેલિયા પ્રવાસ પર ઓછામાં ઓછી એક મેચ જીતીને ફાઈનલમાં સ્થાન નિશ્ચિત કરશે. પરંતુ, પરિણામ તેનાથી વિપરીત આવ્યું છે. કિવી ટીમે ભારતમાં સતત ત્રણ ટેસ્ટ મેચમાં ભારતને હરાવીને શ્રેણી 3-0થી ક્લીન સ્વીપ કરી લીધી છે. 24 વર્ષ બાદ કોઈ ટીમે ભારતને ભારતીય ધરતી પર હરાવ્યું છે. અગાઉ વર્ષ 2000માં સાઉથ આફ્રિકાએ ભારતમાં ભારતને 2-0થી હરાવ્યું હતું. શા માટે ભારતીય ટીમને ન્યૂઝીલેન્ડ સામે આવી પરિસ્થિતિનો સામનો કરવો પડ્યો, ચાલો 5 ફેક્ટર્સમાં સમજીએ… 1. સુપરસ્ટાર બેટર્સનો ફ્લોપ શો
કાગળ પર, ભારતીય બેટિંગ ન્યૂઝીલેન્ડની તુલનામાં ઘણી સારી દેખાતી હતી, પરંતુ પિચ પર, ભારતીય સ્ટાર્સ ભીગી બીલીની જેમ રહ્યા હતા. આંતરરાષ્ટ્રીય ક્રિકેટમાં 80 સદી ફટકારનાર વિરાટ કોહલીએ આ સિરીઝની ત્રણ ટેસ્ટ મેચની 6 ઇનિંગ્સમાં માત્ર 92 રન બનાવ્યા હતા. ટીમના કેપ્ટન રોહિત શર્માએ વિરાટ (93 રન) કરતા બે રન ઓછા બનાવ્યા હતા. તેણે 6 ઇનિંગ્સમાં 91 રન બનાવ્યા હતા. યુવા બેટર યશસ્વી જયસ્વાલ અને સરફરાઝ ખાન પણ તેમની 6-6 ઇનિંગ્સમાં માત્ર એક જ વાર 50નો સ્કોર પાર કરી શક્યા હતા. એક હકીકત સાથે સમજો કે ભારતીય બેટિંગ કેવી રીતે ફ્લોપ રહી. ન્યૂઝીલેન્ડના ત્રણ બેટર્સે શ્રેણીમાં 200-200થી વધુ રન બનાવ્યા હતા. તે જ સમયે, ભારત તરફથી માત્ર રિષભ પંત 200 રનનો આંકડો પાર કરી શક્યો. 2. ન્યૂઝીલેન્ડના લેફ્ટ આર્મ સ્પિનરો છવાઈ ગયા
ન્યૂઝીલેન્ડના લેફ્ટ આર્મ સ્પિનરોએ શ્રેણીમાં ભારતીય બેટર્સ પછાડી દીધા હતા. બેંગલુરુમાં પ્રથમ ટેસ્ટ હાર્યા પછી, ભારતીય ટીમ મેનેજમેન્ટે સ્પિન ફ્રેન્ડલી પિચ બનાવવાનો નિર્ણય કર્યો, પરંતુ સિરીઝની હાર ટાળી શકી નહીં. ઓવરઓલ સિરીઝમાં એજાઝ પટેલે 15 અને મિચેલ સેન્ટનરે 13 વિકેટ લીધી હતી. પુણે ટેસ્ટમાં મિચેલ સેન્ટનર અને મુંબઈ ટેસ્ટમાં એજાઝ પટેલે ભારતીય બેટર્સને બિનઅસરકારક સાબિત કર્યા હતા. સેન્ટનરે પુણેમાં કુલ 13 વિકેટ લીધી હતી જ્યારે એજાઝ પટેલે મુંબઈ ટેસ્ટમાં 11 વિકેટ ઝડપી હતી. તેણે પુણે અને બેંગલુરુમાં 2-2 વિકેટ પણ મેળવી હતી. 3. રવિચંદ્રન અશ્વિનની નિષ્ફળતા
ભારતના અનુભવી સ્પિનર ​​રવિચંદ્રન અશ્વિન આ શ્રેણીમાં સંપૂર્ણપણે નિષ્ફળ રહ્યો હતો. તે ત્રણ ટેસ્ટમાં માત્ર 9 વિકેટ લઈ શક્યો હતો. જ્યારે મિચેલ સેન્ટનરે માત્ર એક મેચ રમીને 13 વિકેટ લીધી હતી. 4. પ્રથમ ટેસ્ટમાં સીમ અને સ્વિંગ રમી શક્યા નહોતા
બેંગલુરુમાં સિરીઝની શરૂઆતની મેચમાં કિવિઓના ઉછાળા અને સ્વિંગ સામે ભારતીય બેટિંગ પડી ભાંગી હતી. ત્યાં રોહિત શર્મા પિચની સ્થિતિ વાંચી શક્યો ન હતો. આ મેચમાં ન્યૂઝીલેન્ડના ફાસ્ટ બોલરોએ 17 વિકેટ ઝડપી હતી. જેમાંથી 8 વિકેટ મેટ હેનરીએ, 7 વિકેટ વિલિયમ ઓ’રોર્કે અને 2 વિકેટ ટિમ સાઉથીએ લીધી હતી. આ મેચમાં ભારતીય ટીમ પ્રથમ દાવમાં 46 રનમાં ઓલઆઉટ થઈ ગઈ હતી. કોહલી, સરફરાઝ, કેએલ રાહુલ, રવીન્દ્ર જાડેજા અને રવિચંદ્રન અશ્વિન આ ઇનિંગમાં ખાતું પણ ખોલી શક્યા ન હતા. 5. ભારતે ન્યુઝીલેન્ડને હળવાશથી લીધું, કિવી વધુ સારી તૈયારી સાથે આવી
ન્યૂઝીલેન્ડની ટીમ 1955થી ભારતનો પ્રવાસ કરી રહી છે, પરંતુ તે પહેલા ક્યારેય અહીં ટેસ્ટ શ્રેણી જીતવામાં સફળ રહી ન હતી. આ કારણે ભારતીય મેનેજમેન્ટે કદાચ ન્યૂઝીલેન્ડને ગંભીરતાથી લીધું ન હતું. આ સિરીઝ પહેલા કિવી ટીમને શ્રીલંકામાં હારનો સામનો કરવો પડ્યો હતો. મોટાભાગના ભારતીય ચાહકો અને નિષ્ણાતોને વિશ્વાસ હતો કે ન્યૂઝીલેન્ડ સામેની શ્રેણી જીતવી એ ભારત માટે કેક-વોક સાબિત થશે. ઊલટું થયું. શ્રીલંકામાં સ્પિન સામે સારી પ્રેક્ટિસ ભારતમાં ન્યૂઝીલેન્ડ માટે કામમાં આવી. ટેસ્ટ ક્રિકેટ સાથે જોડાયેલા આ સમાચાર પણ વાંચો… ભારતને 24 વર્ષ પછી ઘરઆંગણે ક્લીન સ્વીપ, ન્યૂઝીલેન્ડે મુંબઈ ટેસ્ટ 25 રને જીતી ન્યૂઝીલેન્ડે ત્રીજી ટેસ્ટમાં ભારતને 25 રને હરાવ્યું છે. આ સાથે ટીમે ત્રણ મેચની શ્રેણી 3-0થી જીતી લીધી છે. કિવી ટીમે પ્રથમ વખત ભારતમાં ટેસ્ટ શ્રેણી જીતી છે. ભારતીય ટીમને 24 વર્ષ બાદ ઘરઆંગણે ક્લીન સ્વીપ મળી છે. આ પહેલા ટીમ ઈન્ડિયાનો વર્ષ 2000માં દક્ષિણ આફ્રિકાની સામે 2 મેચની ટેસ્ટ વ્હાઇટ વોશ થયું હતું. સંપૂર્ણ સમાચાર વાંચો…