‘CM યોગીનો બાબા સિદ્દીકી જેવો જ હાલ કરીશું’:10 દિવસમાં રાજીનામું ન આપ્યું તો…, યોગી આદિત્યનાથને મળી જાનથી મારી નાખવાની ધમકી

​​​​​​યુપીના સીએમ યોગી આદિત્યનાથને ફરી એકવાર જાનથી મારી નાખવાની ધમકી મળી છે. આ વખતે મુંબઈ પોલીસ કંટ્રોલ રૂમમાં એક નંબર પરથી મેસેજ આવ્યો. તેમાં લખ્યું હતું કે જો યોગી 10 દિવસમાં રાજીનામું નહીં આપે તો તેમના હાલ પણ બાબા સિદ્દીકી જેવા થશે. શનિવારે સાંજે ધમકીભર્યો મેસેજ મળ્યા બાદ મુંબઈ પોલીસે યુપી પોલીસને જાણ કરી હતી. મુંબઈ પોલીસ ધમકી આપનાર વ્યક્તિને પકડવાના પ્રયાસ કરી રહી છે. તેમજ, ભાસ્કરે આ મુદ્દે યુપી પોલીસના એક સીનિયર પોલીસ અધિકારી સાથે વાત કરી. તેમણે કહ્યું કે મુંબઈ પોલીસ દ્વારા મળેલા મેસેજની તપાસ કરવામાં આવી રહી છે. મુંબઈ પોલીસ આ મેસેજ ક્યાંથી અને કોણે મોકલ્યો તે શોધી રહી છે. આ પહેલા પણ સીએમ યોગીને ઘણી વખત ધમકીઓ મળી ચુકી છે. બાબા સિદ્દીકીની 12 ઓક્ટોબરે હત્યા કરવામાં આવી હતી
NCP નેતા બાબા સિદ્દીકીની મુંબઈમાં 12 ઓક્ટોબરે દશેરાના દિવસે હત્યા કરવામાં આવી હતી. સિદ્દીકી પુત્ર ઝીશાનની ઓફિસમાંથી બહાર નીકળ્યા હતો. ત્યારબાદ તેમના પર 6 રાઉન્ડ ફાયરિંગ કરવામાં આવ્યું હતું. બે ગોળી સિદ્દીકીના પેટમાં અને એક છાતીમાં વાગી હતી. તેને તાત્કાલિક લીલાવતી હોસ્પિટલમાં દાખલ કરવામાં આવ્યો હતો, જ્યાં રાત્રે 11.27 વાગ્યે તેને મૃત જાહેર કરવામાં આવ્યો. આ હુમલાની જવાબદારી લોરેન્સ ગેંગે લીધી હતી. આ પહેલા પણ સીએમ યોગીને મળી ચૂકી છે ધમકી- CMની સુરક્ષામાં 25 કમાન્ડો દરેક સમયે હોય છે. 25 NSG (નેશનલ સિક્યુરિટી ગાર્ડ) કમાન્ડો દરેક સમયે સીએમ યોગીની સાથે રહે છે, એટલે કે જો તેમની શિફ્ટ 8 કલાકની હોય તો કુલ 75 કમાન્ડો તહેનાત કરવામાં આવ્યા છે. તેઓ બ્લેક યુનિફોર્મમાં રહે છે. કાળા યુનિફોર્મ પર બેજ લગાવેલો હોય છે. સીએમ યોગીને આપવામાં આવેલી ઝેડ પ્લસ સુરક્ષામાં 5 બુલેટપ્રૂફ વાહનો પણ સામેલ છે. આવી સુરક્ષા દેશની પસંદગીની વ્યક્તિઓને આપવામાં આવે છે. યોગીની સુરક્ષા પાછળ દર મહિને 1 કરોડ 39 લાખનો ખર્ચ
2017માં એસપીના શત્રુદ્ર પ્રકાશે યોગીની સુરક્ષા પર થઈ રહેલા ખર્ચ પર સવાલ ઉઠાવ્યા હતા. સરકાર તરફથી જવાબ આવ્યો કે દર મહિને 1 કરોડ 39 લાખ રૂપિયાનો ખર્ચ થઈ રહ્યો છે. એક અધિક પોલીસ અધિક્ષક, સાત નાયબ પોલીસ અધિક્ષક, 52 ઈન્સ્પેક્ટર, 21 સબ ઈન્સ્પેક્ટર, 23 ચીફ કોન્સ્ટેબલ અને 127 કોન્સ્ટેબલ સુરક્ષા માટે તહેનાત કરવામાં આવ્યા છે. જો કે, આમાં NSGના ખર્ચનો સમાવેશ થતો નથી.