આજે સોનાના ભાવમાં વધારો અને ચાંદીના ભાવમાં ઘટાડો જોવા મળ્યો છે. મંગળવારે (5 નવેમ્બર) 24 કેરેટ સોનાના 10 ગ્રામની કિંમત 48 રૂપિયા વધીને 78,566 રૂપિયા થઈ ગઈ છે. એક દિવસ પહેલા સોનાનો ભાવ 78,518 રૂપિયા હતો. તે જ સમયે, ચાંદીની કિંમત 221 રૂપિયા ઘટીને 94,261 રૂપિયા પ્રતિ કિલો પર પહોંચી ગઈ છે. અગાઉ ચાંદીનો ભાવ રૂ.94,482 હતો. આ જ મહિનામાં 23 ઓક્ટોબરે ચાંદીએ રૂ. 99,151ની સર્વકાલીન ઊંચી સપાટી બનાવી હતી. 30 ઓક્ટોબરે ટ્રેડિંગ દરમિયાન સોનું રૂ. 79,681ની સર્વકાલીન ઊંચી સપાટીએ પહોંચ્યું હતું. 4 મહાનગર અને ભોપાલમાં સોનાનો ભાવ આગામી દિવાળી સુધીમાં સોનું 87 હજાર રૂપિયા સુધી જઈ શકે
એચડીએફસી સિક્યોરિટીઝના કોમોડિટી અને કરન્સી હેડ અનુજ ગુપ્તાના જણાવ્યા અનુસાર, ભૌગોલિક રાજકીય તણાવ અને તહેવારોની સિઝનની શરૂઆતના કારણે સોનાને ટેકો મળી રહ્યો છે. જેના કારણે આગામી દિવસોમાં સોના-ચાંદીમાં વધારો જોવા મળી શકે છે. આગામી મહિના સુધી સોનું 87 હજાર રૂપિયા પ્રતિ 10 ગ્રામ સુધી જઈ શકે છે. પ્રમાણિત સોનું જ ખરીદો
બ્યુરો ઓફ ઇન્ડિયન સ્ટાન્ડર્ડ્સ (BIS) ના હોલમાર્ક ધરાવતું પ્રમાણિત સોનું હંમેશા ખરીદો. સોના પર 6 અંકનો હોલમાર્ક કોડ છે. તેને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે એટલે કે કંઈક આના જેવું – AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે.
આજે સોનાના તેજી અને ચાંદીના ભાવ ઘટાડો:સોનું ₹48 વધીને ₹78,566 થયું, ચાંદી ₹221 સસ્તી થઈને ₹94,261 પ્રતિ કિલો વેચાઈ
