અક્ષય કુમાર, ગોવિંદા અને પરેશ રાવલની સુપરહિટ જોડી ફરી એકવાર દર્શકોને હસાવવા માટે આવી રહી છે. આ ત્રિપુટીએ 2006માં આવેલી કોમેડી ફિલ્મ ‘ભાગમ ભાગ’માં લોકોનું ખૂબ મનોરંજન કર્યું હતું. હવે આ ફિલ્મની સિક્વલની જાહેરાત કરવામાં આવી છે. 18 વર્ષ બાદ ફરી એકવાર સ્ક્રીન ધમાલ મચાવશે ત્રિપુટી
અક્ષય કુમાર અને ગોવિંદાની કોમેડી ફિલ્મ ‘ભાગમ ભાગ’ લોકોને ઘણી પસંદ આવી હતી અને તે બોક્સ ઓફિસ પર સફળ પણ રહી હતી. આ ત્રિપુટી 20 વર્ષ બાદ ફરી એકવાર સ્ક્રીન પર એકસાથે જોવા માટે ચાહકો લાંબા સમયથી રાહ જોઈ રહ્યા છે. ‘ભાગમ ભાગ 2’ની તૈયારીઓ શરૂ
‘ભાગમ ભાગ’ની આ સિક્વલમાં અક્ષય કુમાર, ગોવિંદા અને પરેશ રાવલ ફરી એકવાર કોમેડીથી દર્શકોને હસાવવા માટે આવી રહ્યા છે. પિંકવિલાના રિપોર્ટ અનુસાર, ‘ભાગમ ભાગ 2’ની તૈયારીઓ શરૂ થઈ ગઈ છે અને આ ફિલ્મનું ટૂંક સમયમાં શૂટિંગ શરૂ થશે. અક્ષય કુમારે શેમારૂ પાસેથી રાઇટ્સ ખરીદ્યા
એવું કહેવામાં આવી રહ્યું છે કે અક્ષય કુમારે શેમારૂ પાસેથી ‘ભાગમ ભાગ’ના રાઇટ્સ ખરીદ્યા છે અને તે ટૂંક સમયમાં ‘ભાગમ ભાગ 2’ બનાવશે. જો બધું પ્લાન મુજબ ચાલશે તો આ ફિલ્મનું શૂટિંગ વર્ષ 2025માં શરૂ થશે અને તે વર્ષ 2026માં સિનેમાઘરોમાં રિલીઝ થશે. અક્ષય કુમાર ઘણી સિક્વલમાં જોવા મળશે
વર્ક ફ્રન્ટ વિશે વાત કરીએ તો, અક્ષય કુમારની ‘સિંઘમ અગેન’ હાલમાં સિનેમાઘરોમાં ચાલી રહી છે. તેની પાસે ઘણી વધુ ફિલ્મો પાઇપલાઇનમાં છે, જેમાં કેટલીક સિક્વલનો સમાવેશ થાય છે. આ ફિલ્મોમાં ‘હાઉસફુલ 5’, ‘વેલકમ ટુ ધ જંગલ’, ‘સ્કાય ફોર્સ’, ‘ભૂત બંગલા’ અને ‘જોલી LLB 3’ સામેલ છે.
‘ભાગમ ભાગ’ની સિક્વલ પર તૈયારીઓ શરૂ:અક્ષય-ગોવિંદા અને પરેશ રાવલની ત્રિપુટી 20 વર્ષ બાદ ફરી ધૂમ મચાવશે, ફિલ્મ 2026માં થશે રિલીઝ
