આજે એટલે કે 7મી નવેમ્બરે સોનાના ભાવમાં મોટો ઘટાડો જોવા મળી રહ્યો છે. ઈન્ડિયા બુલિયન એન્ડ જ્વેલર્સ એસોસિએશન (IBJA) અનુસાર, 24 કેરેટ સોનાનો 10 ગ્રામનો ભાવ રૂ. 1,580 ઘટીને રૂ. 76,556 થયો હતો. આ પહેલા તેની કિંમત 78,136 રૂપિયા પ્રતિ દસ ગ્રામ હતી. તેમજ, ચાંદીના ભાવમાં પણ આજે ઘટાડો થયો હતો. તે રૂ. 2,748 ઘટીને રૂ. 90,153 પ્રતિ કિલો પર આવી ગઈ હતી. અગાઉ ચાંદીનો ભાવ રૂ.92,901 હતો. 23 ઓક્ટોબરે ચાંદીએ રૂ. 99,151 અને 30 ઓક્ટોબરના રોજ સોનું રૂ. 79,681ની ઓલ-ટાઇમ હાઇ પર હતું. 4 મેટ્રો અને ભોપાલમાં સોનાનો ભાવ સોનું ખરીદતી વખતે આ 3 બાબતોનું ધ્યાન રાખો 1. માત્ર સર્ટિફાઈડ સોનું જ ખરીદો હંમેશાં બ્યૂરો ઓફ ઈન્ડિયન સ્ટાન્ડર્ડ્સ (BIS)ના હોલમાર્ક સાથે સર્ટિફાઈડ સોનું ખરીદો. સોના પર 6 અંકનો હોલમાર્ક કોડ છે. એને હોલમાર્ક યુનિક આઇડેન્ટિફિકેશન નંબર એટલે કે HUID કહેવામાં આવે છે. આ નંબર આલ્ફાન્યૂમેરિક છે, એટલે કે કંઈક આના જેવું – AZ4524. હોલમાર્કિંગ દ્વારા એ જાણી શકાય છે કે સોનું કેટલા કેરેટનું છે. 2. કિંમત તપાસો બહુવિધ સ્ત્રોતો (જેમ કે ઇન્ડિયા બુલિયન એન્ડ જ્વેલર્સ એસોસિયેશનની વેબસાઇટ) પરથી ખરીદીના દિવસે સોનાનું ચોક્કસ વજન અને તેની કિંમત ક્રોસ ચેક કરો. સોનાની કિંમત 24 કેરેટ, 22 કેરેટ અને 18 કેરેટ પ્રમાણે બદલાય છે. 24 કેરેટ સોનાને સૌથી શુદ્ધ સોનું માનવામાં આવે છે, પરંતુ તેમાંથી જ્વેલરી બનાવવામાં આવતી નથી કારણ કે તે ખૂબ જ નરમ હોય છે. 3. રોકડ ચૂકવશો નહીં, બિલ લો
સોનું ખરીદતી વખતે, રોકડ ચુકવણીને બદલે UPI (જેમ કે BHIM એપ્લિકેશન) અને ડિજિટલ બેંકિંગ દ્વારા ચુકવણી કરવી વધુ સારું છે. જો તમે ઈચ્છો તો ડેબિટ અથવા ક્રેડિટ કાર્ડ દ્વારા પણ પેમેન્ટ કરી શકો છો. આ પછી બિલ લેવાનું ભૂલશો નહીં. જો તમે ઓનલાઈન ઓર્ડર કર્યો હોય તો ચોક્કસપણે પેકેજીંગ તપાસો.
સોના-ચાંદીના ભાવમાં ઘટાડો:સોનું ₹1,580 ઘટીને ₹76,556 થયું , ચાંદી ₹2,748 સસ્તી થઈને ₹90,153 પ્રતિ કિલો વેચાઈ રહી
