હુમા કુરેશીએ તાજેતરમાં જ ખુલાસો કર્યો હતો કે તેણે એક કે બે ફિલ્મોની ઓફર ફગાવી દીધી હતી કારણ કે ફિલ્મના અન્ય અભિનેતાને ઓછો અનુભવ હતો અને તેને યોગ્ય પૈસા નહોતા મળતા. હુમાએ એમ પણ કહ્યું કે સોશિયલ મીડિયા પર કોઈ વધુ લોકપ્રિય હોવાને કારણે તે નક્કી કરી શકાતું નથી કે ફિલ્મ કે શો તેના કારણે હિટ થશે. ઈન્ડિયા ટુડે સાથે વાત કરતી વખતે, હુમા કુરૈશીને પૂછવામાં આવ્યું કે ઇન્ડસ્ટ્રીમાં નવા પ્રોજેક્ટ્સને ના કહેવા વિશે તે શું વિચારે છે. તેણે કહ્યું કે તેના માટે ઈમાનદારી સૌથી મહત્ત્વની છે. આ કારણે તેણે તાજેતરમાં એક-બે લીડ ફિલ્મો રિજેક્ટ કરી હતી. હુમા કુરેશીએ કહ્યું, ‘હું નામ નહીં લઉં, પરંતુ મને એક ફિલ્મની ઓફર મળી હતી. આ બે છોકરીઓ વિશેની ફિલ્મ હતી. મેં તેને નકારી કાઢી કારણ કે અન્ય અભિનેત્રી ખૂબ લોકપ્રિય હતી, પરંતુ તેને મારા જેવો સ્ટ્રીમિંગનો અનુભવ નહોતો. હું ફિલ્મમાં કામ કરવા તૈયાર હતી, પરંતુ જ્યાં સુધી મારા પાત્રને ફિલ્મમાં અન્ય કલાકારોની જેમ સમાન મહત્ત્વ આપવામાં ન આવે ત્યાં સુધી નહીં. હુમાએ કહ્યું, ‘મને લાગે છે કે હું મારી કારકિર્દીના આ તબક્કે નથી જ્યાં મારે કોઈ સમાધાન કરવાની જરૂર છે. ટીમે મને ખાતરી આપી કે તે બે મુખ્ય ભૂમિકાવાળી ફિલ્મ છે. ત્યારે મેં કહ્યું કે એક વરિષ્ઠ અભિનેત્રી તરીકે મને ટોપ બિલિંગ અને વધુ પૈસા મળવા જોઈએ. પરંતુ જ્યારે આ અંગે કોઈ સહમતિ ન બની શકી ત્યારે મેં તે પ્રોજેક્ટ છોડી દીધો. હુમાએ કહ્યું, ‘મને લાગે છે કે સોશિયલ મીડિયા પર વધુ ફોલોઅર્સ હોવાના કારણે લોકો તમારો શો કે ફિલ્મ જોશે કે નહીં તે નક્કી નથી કરતું.’ વર્ક ફ્રન્ટની વાત કરીએ તો હુમા કુરેશી તાજેતરમાં વેબ સિરીઝ ‘મિથ્યા’ની બીજી સીઝનમાં જોવા મળી હતી. તેની આગામી ફિલ્મોમાં ‘ગુલાબી’ અને ‘બયાન’નો સમાવેશ થાય છે. આ સિવાય પિંકવિલા અનુસાર હુમા ટૂંક સમયમાં જ ‘જોલી એલએલબી 3’માં જોવા મળશે.
