આલિયા ભટ્ટના બોડી ગાર્ડની ઉદ્ધતાઈ:સેલ્ફી લેનાર ફેન્સનો શર્ટ ખેંચી ખસેડ્યો, એસ્ટ્રેસ સિક્યુરિટી પર્સન પર ગુસ્સાથી લાલઘૂમ

બોલિવૂડ અભિનેત્રી આલિયા ભટ્ટને આજે કોઈ ઓળખની જરૂર નથી. આલિયાએ ખૂબ જ ઓછા સમયમાં ઈન્ડસ્ટ્રીમાં પોતાની ખાસ જગ્યા બનાવી લીધી છે. પોતાના કરિયરમાં ઘણી સુપરહિટ ફિલ્મો આપનાર આલિયાની ફેન ફોલોઈંગ ખૂબ જ મોટી છે. ચાહકો હંમેશા તેની એક ઝલક મેળવવા આતુર હોય છે. આવી સ્થિતિમાં આલિયાનો એક વીડિયો ઇન્ટરનેટ પર ચર્ચામાં છે. આ વીડિયોમાં આલિયાના બોડીગાર્ડે ફેન સાથે જે કર્યું તે જોઈને યુઝર્સ ખૂબ ગુસ્સે છે, પરંતુ એક્ટ્રેસે જે કર્યું તેના વખાણ થઈ રહ્યા છે. આલિયાના ફેનને બોડી ગાર્ડે ધક્કો માર્યો
આલિયા ભટ્ટ હાલમાં જ એરપોર્ટ પર જોવા મળી હતી. આ દરમિયાન એક્ટ્રેસ સાથે તેનો બોડીગાર્ડ પણ હાજર હતો. હંમેશની જેમ, આલિયાને જોયા પછી તેના ચાહકોની ખુશીની કોઈ સીમા ન રહી. આલિયાને જોતાંની સાથે જ ચાહકો તેની સાથે સેલ્ફી લેવા માટે પડાપડી કરવા લાગ્યા. આવી સ્થિતિમાં, આલિયાની નજીક આવેલા એક ચાહકને તેના બોડીગાર્ડે તેના શર્ટથી ખેંચી લીધો હતો. આ જોઈને આલિયા ગુસ્સે થઈ ગઈ. તેણે તેના બોડીગાર્ડને આવું કરવાથી સ્પષ્ટપણે મનાઈ કરી હતી. તેણે કહ્યું કે આ કોઈની સાથે ન કરો, કોઈને સ્પર્શ કરશો નહીં, આલિયાને તેના બોડીગાર્ડની આ હરકત બિલકુલ પસંદ ન પડી. આ પછી આલિયાએ પોતે તે ફેનને બોલાવ્યો કર્યો અને તેની સાથે ફોટો ક્લિક કરાવ્યો. આલિયાના આ વર્તનને જોઈને ચાહકો તેના વખાણ કરી રહ્યા છે. રાહાનો જન્મ દિવસ મનાવ્યો
નોંધનીય છે કે હાલમાં જ આલિયા અને રણબીર કપૂરે તેમની પુત્રી રાહાનો જન્મદિવસ ઉજવ્યો હતો. આ પ્રસંગે, તેઓએ એક ભવ્ય પાર્ટી આપી, જેમાં રાહાના નાના-નાની દાદી સોની રાઝદાન અને મહેશ ભટ્ટ, તેની દાદી નીતુ કપૂર સહિત ઘણા ફિલ્મ સ્ટાર્સે હાજરી આપી હતી. રાહાના બીજા જન્મદિવસની થીમ કાર્ટૂન પર આધારિત હતી. કેકથી લઈને ડેકોરેશન સુધીની દરેક વસ્તુ કાર્ટૂન પર આધારિત હતી