ઐશ્વર્યા રાય અને અભિષેક બચ્ચન આ દિવસોમાં તેમના છૂટાછેડાની અફવાઓને કારણે ચર્ચામાં છે. જોકે, આ કપલે હજુ સુધી આ અફવાઓ પર કોઈ પ્રતિક્રિયા આપી નથી. દરમિયાન, અભિષેક બચ્ચનનો એક જૂનો વીડિયો સામે આવ્યો છે, જેમાં અભિનેતા તેની પત્ની ઐશ્વર્યાના ટ્રોલર્સને ઠપકો આપતો જોવા મળે છે. વાસ્તવમાં, અગાઉ ઐશ્વર્યાને એમ કહીને ટ્રોલ કરવામાં આવી હતી કે તે પ્લાસ્ટિક જેવી છે, દેખાવે સારી છે, પરંતુ તેનામાં કોઈ ટેલેન્ટ નથી. અભિષેકે ઐશ્વર્યાને ટ્રોલ કરનારાઓને સખત ઠપકો આપ્યો હતો
ટાઈમ્સ ઓફ ઈન્ડિયાના અહેવાલ મુજબ, બીબીસી એશિયન નેટવર્કને આપેલા જૂના ઈન્ટરવ્યૂમાં અભિષેકે કહ્યું, ‘હું પતિ તરીકે નથી બોલી રહ્યો, હું એક કો-સ્ટાર અને એક અભિનેતા તરીકે બોલી રહ્યો છું. ઐશ્વર્યાએ પોતાના કરિયરમાં ઘણા પડકારજનક રોલ કર્યા છે. કોઈપણ કલાકાર તેની સુંદરતા માટે જાણીતો છે, પરંતુ ઐશ્વર્યાને આ માટે નકારાત્મક ટિપ્પણીઓનો સામનો કરવો પડ્યો હતો.’ અભિષેકે કહ્યું, ‘ઐશ્વર્યાએ નિર્દેશક જગ મુન્દ્રાની પ્રોવોક્ડ (2006), રિતુપર્ણો ઘોષની ચોખેર બાલી (2003) અને ‘રેઈનકોટ’ (2004), અને ‘મણિરત્નમ’ની ગુરુ (2007) જેવી ફિલ્મોમાં કામ કર્યું છે. જે ઐશ્વર્યાને તેની સુંદરતાના આધારે જ નહીં પરંતુ તેની પ્રતિભાના આધારે પણ મળી હતી. આગામી ફિલ્મમાં ઐશ્વર્યા-અભિષેક સાથે જોવા મળશે
તમને જણાવી દઈએ કે, છેલ્લા ઘણા મહિનાઓથી ઐશ્વર્યા રાય બચ્ચન અને અભિષેક બચ્ચન છૂટાછેડાના સમાચારને કારણે ચર્ચામાં છે. આ દરમિયાન એક સમાચાર સામે આવ્યા હતા, જેમાં કહેવામાં આવ્યું હતું કે બંને ટૂંક સમયમાં એક ફિલ્મમાં સાથે જોવા મળવાના છે. મણિરત્નમ આ બંને પર ફિલ્મ બનાવવાનું વિચારી રહ્યા છે. ઐશ્વર્યા-અભિષેકના લગ્ન વર્ષ 2007માં થયા હતા
અભિષેક બચ્ચન અને ઐશ્વર્યા રાયના લગ્ન વર્ષ 2007માં થયા હતા. બંનેના લગ્નને 17 વર્ષ થયા છે. બંનેને એક પુત્રી પણ છે જેનું નામ આરાધ્યા છે. છેલ્લા ઘણા સમયથી ઐશ્વર્યા અને અભિષેક વચ્ચે છૂટાછેડાના સમાચાર આવી રહ્યા છે.
અભિષેકે ઐશ્વર્યાને ટ્રોલ કરનારાઓને ઝાટકી નાખ્યા હતા:છૂટાછેડાની અફવા વચ્ચે જૂનો વીડિયો થયો વાયરલ, 17 વર્ષ પહેલા થયા હતા લગ્ન
