વેલનેસથી જીવનને લાંબું અને નિરોગી બનાવવા પ્રયાસ…:એક કેપ્સ્યૂલથી દિવસભરનો થાક દૂર થઇ રહ્યો છે; હર્બલ ડ્રિન્કથી ફેટી લિવર રિવર્સ થઇ રહ્યું છે

ડેનિસ સ્ટૂક્સબરી (59 વર્ષ) માને છે કે તેમની ઉંમર રિવર્સ થઇ રહી છે. વેલનેસ સાથે જોડાવાના કારણે તે પોતાને 43 વર્ષની અનુભવી રહી છે. તેણીએ જીવનને આવી રીતે જીવવા માટે શરૂઆત કરી દીધી છે. પતિ સ્ટિવ પણ ડેનિસના રસ્તા પર ચાલી નીકળ્યા છે. ડેનિસ અને સ્ટિવ જેવા 2 હજાર લોકો વેસ્ટ પામ બીચ પર થયેલી પ્રથમ યુડેમોનિયા સમિટમાં જોડાયા હતા. અહીં એક વ્યક્તિની ફી ર. 1.3 લાખ હતી. જાણો શું હતું આ ઇવેન્ટમાં… ઇન્ફ્લુએન્સરોએ વર્ચ્યુઅલ રિયાલિટી લાઇટ થેરાપી અને 2 વાર શ્વાસ લેવાથી માનસિક સ્વાસ્થ્યમાં સુધારાનો દાવો કર્યો…
પ્રખ્યાત કોશિકા વૈજ્ઞાનિક ક્રિશ્ચિયન ડ્રેપોએ એવા શક્તિશાળી સપ્લીમેન્ટ બનાવ્યા છે જે પ્રાકૃતિક સુધાર તંત્રને સક્રિય કરી નાખે છે. તેમની કંપની સ્ટેમરેજેનના ઉત્પાદન એથ્લીટોની વચ્ચે લોકપ્રિય છે. કૅપ્સ્યૂલ તેમણે ઊંડાણપૂર્વકની કસરત પછી સુધારો લાવવામાં મદદ કરે છે. એથ્લીટોએ અનુભવ શૅર કર્યો છે કે કૅપ્સ્યૂલ ખાધા પછી એવું લાગે છે કે જેમ કે ગત દિવસોમાં કંઇ કર્યુ જ નથી.
પુલિત્ઝર પુરસ્કાર વિજેતા ભારતીય-અમેરિકન ઑન્કોલૉજિસ્ટ સિદ્ધાર્થ મુખર્જીએ જીન-એડિટિંગ, સેલ્યુલર-એન્જિનિયરિંગના ઉભરતાં પરિદૃશ્ય અને કેન્સર સારવારમાં થઇ રહેલા ઇનોવેશનથી લોકોને વાકેફ કર્યા છે. તેમણે એઆઈ આધારિત ઇમ્યુનોથેરાપીના માધ્યમથી કેન્સરની સારવારમાં ક્રાંતિની વાત કરી છે. લૉન્ગેવિટી ઇન્ફ્લુએન્સર ડેવ એસ્પ્રેએ સવારે અચાનક ઊંઘ ઊડવાની બાબતને બ્લડ ગ્લુકોઝના ઉતાર-ચઢાવને જવાબદાર દર્શાવ્યું છે. તેનાથી બચવા માટે તેમણે સૂતા પહેલાં મધ તથા કોલેજનની યોગ્ય માત્રાવાળા ખોરાક ખાવાની સલાહ આપી છે. ન્યુરોસાયન્ટિસ્ટ એન્ડ્રયુ હુબરમેને 2 વાર શ્વાસ લઇને ધીરે ધીરે મોંથી છોડવાનો ઉપાય દર્શાવ્યો છે. તેનાથી મગજને તરત જ આરામ મળે છે. ચિંતા-તણાવ દૂર થાય છે. લંડનથી આવેલા સિગ્ગી ક્લેવિયનનો દાવો છે કે તેમનું હર્બલ ડ્રિન્ક “ડી-લીવર-એન્સ’ ફેટી લિવરની સમસ્યાને રિવર્સ કરી નાખે છે. પ્રખ્યાત ફ્રાન્સિસી હેજ ફંડ મેનેજર આર્કી બુસાન તેનાથી ફાયદો ઉઠાવી ચૂક્યા છે. પૂર્વ ઓલિમ્પિયન ઇવા ક્રચોવાએ વીઆર લાઇટ થેરાપીથી સારી ઊંઘ, મૂડ રેગ્યુલેશન અને માનસિક સ્વાસ્થ્યમાં સુધારા જેવા ફાયદા દર્શાવ્યા છે. આવું ઝનૂન કેમ : મેકિન્ઝીના પ્રમાણે અમેરિકાનું વેલનેસ માર્કેટ રૂ. 40 લાખ કરોડનું છે અને દર વર્ષે 10%ના દરે વધી રહ્યું છે. લાંબુ વેઇટિંગ, ડૉક્ટરોની ઘટતી વિઝિટ, મોટા ખર્ચે પણ લોકોને વેલનેસ ઇન્ડસ્ટ્રીથી જોડાવવા માટે મજબૂર કર્યા છે.