ધનુષ Vs નયનથારા વચ્ચે ફિલ્મ ફૂટેજનો વિવાદ:નયનથારાના સમર્થનમાં આવી શ્રુતિ હાસન, 8 વધુ એક્ટ્રેસે પણ આપી પ્રતિક્રિયા

ધનુષ સાથે કામ કરી ચૂકેલી શ્રુતિ હાસન અને ઐશ્વર્યા રાજેશ જેવી ઘણી તમિલ અભિનેત્રીઓએ નયનથારાના ખુલ્લા પત્ર પર પ્રતિક્રિયા આપી છે. શનિવારે નયનથારાએ ધનુષને ખરું-ખોટું સંભળાવને તમિલ ફિલ્મ ઈન્ડસ્ટ્રીમાં હલચલ મચાવી દીધી હતી. તેણે કહ્યું કે, ધનુષે તેની આગામી ડોક્યુમેન્ટ્રી ‘નયનથારાઃ બિયોન્ડ ધ ફેરી ટેલ’માં 2015ની ફિલ્મ ‘નાનુમ રાઉડી ધાન’ના BTS વીડિયોનો ઉપયોગ કરવા બદલ તેમની સામે 10 કરોડનો દાવો દાખલ કર્યો છે. નયનથારાનું નિવેદન દર્શાવે છે કે ધનુષ પાસેથી પરવાનગી મેળવવા માટે તેને મુશ્કેલીઓનો સામનો કરવો પડ્યો હતો. નયનથારાએ પણ ધનુષ પર કટાક્ષ કર્યો અને તેને ઢોંગી ગણાવ્યો. નયનથારાએ ખુલ્લા પત્રમાં લખેલું નિવેદન વાયરલ થયું છે અને ધનુષ સાથે કામ કરી ચૂકેલી ઘણી અભિનેત્રીઓએ તેના પર પોતાની પ્રતિક્રિયા આપી છે. શ્રુતિ હાસને ધનુષ સાથે 3 (મૂનુ) માં કામ કર્યું છે, તેણે નયનથારાની પોસ્ટને ‘લાઇક’ કરીને નયનથારાના સમર્થનમાં હોવાનો સંકેત આપ્યો હતો. આટલું જ નહીં, ધનુષની ઘણી કો-એક્ટ્રેસ જેવી કે ઐશ્વર્યા રાજેશ (વડા ચેન્નાઈ), ઐશ્વર્યા લક્ષ્મી (જગમે થંડીરામ), નાઝરિયા ફહદ (નૈયંડી), અનુપમા પરમેશ્વરન (કોડી), પાર્વતી થિરુવોથુ (મરિયન), મંજીમા મોહન (નિલાવુકુ એન્મેલ એન્નાડી કોબમ) ), અને ગૌરી જી કિશન (કર્ણન) એ પણ નયનથારાની પોસ્ટને ‘લાઈક’ કરીને તેમનો ટેકો આપ્યો છે. પાર્વતીએ તેની ઇન્સ્ટાગ્રામ સ્ટોરીઝ પર પોસ્ટ પણ શેર કરી અને નયનથારાને હેટ્સ ઑફ કહ્યું છે. નયનથારાની ડોક્યુમેન્ટરી નેટફ્લિક્સ પર રિલીઝ થશે
નયનથારાની ડોક્યુમેન્ટ્રી ‘નયનથારાઃ બિયોન્ડ ધ ફેરી ટેલ’ નેટફ્લિક્સ પર 18 નવેમ્બરે રિલીઝ થશે. તાજેતરમાં તેનું ટ્રેલર લોન્ચ કરવામાં આવ્યું હતું. ડોક્યુમેન્ટ્રીમાં નયનથારાના જીવનના ઉતાર-ચઢાવ બતાવવામાં આવશે. ડોક્યુમેન્ટ્રીમાં, વિગ્નેશ શિવન સાથેની તેની લવ સ્ટોરી પણ જોવા મળશે, જે ‘નાનુમ રાઉડી ધાન’ના સેટ પર શરૂ થઈ હતી. નયનથારા સામે કેસ દાખલ કર્યો
તેના ખુલ્લા પત્રમાં નયનથારાએ ધનુષ પર ફિલ્મના ફૂટેજનો ડોક્યુમેન્ટરીમાં ઉપયોગ કરવાની તેની NOC વિનંતીનો જવાબ ન આપવાનો આરોપ મૂક્યો હતો. તેણે કહ્યું કે ત્યારે ટીમે ફિલ્મના ફૂટેજનો ઉપયોગ છોડી દેવાનો અને પડદા પાછળના વીડિયોનો ઉપયોગ કરવાનો નિર્ણય કર્યો, જે ઓનલાઈન ઉપલબ્ધ છે, ત્યારે ધનુષે તેની પરવાનગી વિના ફૂટેજનો ઉપયોગ કરવા બદલ તેમની સામે કેસ કર્યો.