વડાપ્રધાન નરેન્દ્ર મોદીએ રવિવારે ગોધરા કાંડ પર બનેલી ફિલ્મ ‘ધ સાબરમતી રિપોર્ટ’ની પ્રશંસા કરી હતી. વડાપ્રધાન મોદીએ એક યુઝરની ટ્વીટ પર રીટ્વીટ કરી. આ ટ્વિટ ફિલ્મ ‘ધ સાબરમતી રિપોર્ટ’ પર હતી.
‘સત્ય સામે આવે જ છે…’-પીએમ મોદી
પીએમ મોદીએ કહ્યું, “સારી વાત છે કે સત્ય બહાર આવી રહ્યું છે, તે પણ એવી રીતે કે સામાન્ય લોકો પણ તેને જોઈ શકે. ખોટા ખ્યાલ થોડા સમય માટે જ ટકી શકે છે, આખરે તથ્યો બહાર આવે છે.”
ફિલ્મ ‘ધ સાબરમતી રિપોર્ટ’ ક્યારે રિલીઝ થઈ?
ફિલ્મ ‘ધ સાબરમતી રિપોર્ટ’ 2 દિવસ પહેલા 15 નવેમ્બરના રોજ સિનેમાઘરોમાં રિલીઝ થઈ હતી. આ ફિલ્મમાં વિક્રાંત મેસી લીડ રોલમાં છે. આ ફિલ્મ કર્યા પછી એક્ટરે વિક્રાંત મેસીએ કહ્યું હતું કે, તેને ધમકીઓ મળી રહી છે.
પીએમ મોદીએફિલ્મના કર્યા વખાણ
પીએમ મોદીએ રીટ્વીટ કરેલું ટ્વીટ એક પત્રકારનું છે. ફિલ્મ અંગે કહેવામાં આવ્યું છે કે, આ ફિલ્મ જોવી જ જોઈએ. આ ફિલ્મ આપણા ઈતિહાસની સૌથી શરમજનક ઘટનાનું સત્ય બહાર લાવે છે. મેકર્સે તેને બનાવતી વખતે આદર અને સંવેદનશીલતાનું ખૂબ ધ્યાન રાખ્યું છે. આ ફિલ્મમાં બતાવવામાં આવ્યું છે કે કેવી રીતે કેટલાક રાજકારણીઓએ એક નેતાની છબીને ખરાબ કરવા માટે ટ્રેનમાં મુસાફરોને સળગાવવાની ઘટનાનો ઉપયોગ કર્યો હતો. પીએમ મોદીએ ‘ધ કાશ્મીર ફાઇલ્સ’ અને ‘આર્ટિકલ 370’ની પણ પ્રશંસા કરી હતી
પીએમ મોદીએ અગાઉ ‘ધ કાશ્મીર ફાઇલ્સ’ અને ‘આર્ટિકલ 370’ ફિલ્મોની પ્રશંસા કરી હતી. 12 માર્ચ, 2022 ના રોજ, કાશ્મીર ફાઇલ્સના નિર્માતાઓ પીએમને મળ્યા હતા. મીટિંગના ફોટો શેર કરતા ફિલ્મના પ્રોડ્યુસર અભિષેક અગ્રવાલે લખ્યું – ‘માનનીય વડાપ્રધાન નરેન્દ્ર મોદીજીને મળીને ખૂબ જ સારું લાગ્યું. આ મીટિંગ વધુ ખાસ બની કારણ કે તેણે ‘ધ કાશ્મીર ફાઇલ્સ’ની પ્રશંસા કરી હતી. અમે આ ફિલ્મનું નિર્માણ કરીને ગર્વ અનુભવીએ છીએ. આભાર મોદીજી. તે જ સમયે, આ વર્ષે 22 ફેબ્રુઆરીએ, જમ્મુમાં એક રેલી દરમિયાન, પીએમ મોદીએ કહ્યું, ‘મેં સાંભળ્યું છે કે આ અઠવાડિયે ‘આર્ટિકલ 370’ પર એક ફિલ્મ રિલીઝ થવા જઈ રહી છે… આ સારી વાત છે, કારણ કે તે લોકોને સાચી માહિતી આપશે. ‘ધ સાબરમતી રિપોર્ટ’ ગોધરા કાંડ પર આધારિત ક્રાઈમ-થ્રિલર ફિલ્મ
‘ધ સાબરમતી રિપોર્ટ’ 2002ની ગોધરા કાંડ પર આધારિત ક્રાઈમ-થ્રિલર ફિલ્મ છે. આ ફિલ્મમાં 27 ફેબ્રુઆરી 2002ના રોજ સાબરમતી એક્સપ્રેસની S6 બોગીમાં લાગેલી આગ અને તેમાં માર્યા ગયેલા 59 કાર સેવકોનું સત્ય ઉજાગર કરવાનો પ્રયાસ કરવામાં આવ્યો છે. ફિલ્મની સ્ટોરી સમર કુમાર (વિક્રાંત મેસી) નામના હિન્દી પત્રકારની આસપાસ ફરે છે, જે આ ઘટનાની વાસ્તવિક સત્યતાને ઉજાગર કરવા માટે સંઘર્ષ કરે છે. ફિલ્મમાં રિદ્ધિ ડોગરા અને રાશિ ખન્ના પણ મહત્વની ભૂમિકામાં છે.. વાંચો ગુજરાત રમખાણો સંબંધિત આ માહિતી..
