પંજાબી સિંગર દિલજીત દોસાંઝ તેની ‘દિલ-લુમિનાટી’ ટૂર પર છે. તાજેતરમાં તેને અમદાવાદમાં પરફોર્મ કર્યું હતું. તેને જોવા માટે હજારો લોકોની ભીડ ઉમટી પડી હતી. કોન્સર્ટનો એક વીડિયો વાઈરલ થઈ રહ્યો છે, જેમાં દિલજીત ટિકિટ ખરીદ્યા વિના હોટલની બાલ્કનીમાંથી શો જોઈ રહેલા ફેન્સ માટે એક વાત કહી રહ્યો છે. મફતમાં હોટલની બાલ્કનીમાંથી લોકોએ શો માણ્યો!
વાઈરલ વીડિયોમાં દિલજીત સ્ટેજ પર પરફોર્મ કરી રહ્યો છે. અચાનક જ તેનું ધ્યાન સામે આવેલ હોટલ તરફ જાય છે અને તે કોન્સર્ટ અટકાવે છે. હોટલ તરફ ઈશારો કરતાં કહે છે, બાલ્કનીમાં બેઠા છે, તેને તો મસ્ત વ્યૂ મળી ગયો યાર! આ તો હોટલવાળા ગેમ કરી ગયા. ટીકીટ વગર છો? કેમેરો હોટલના રૂમ તરફ ફરે છે ત્યારે જોવા મળે છે કે ઘણા લોકો બાલ્કનીમાં બેસીને દિલજીતનો કોન્સર્ટ સાંભળી રહ્યાં છે. જોકે, આટલું કહી તે ફરીથી ગીત ગાવા લાગે છે. આ વીડિયો સોશીયલ મીડિયા પર ખૂબ જ વાઈરલ થઈ રહ્યો છે. દિલજીતનો વીડિયો જોયા બાદ લોકોના રિએકશન
આ વીડિયો જોયા બાદ ઘણાં લોકોના રિએકશન સામે આવ્યાં. એક યુઝરે લખ્યું, દિલજીત દોસાંઝ આગામી સમયથી હોટલ પણ બુક કરાવશે. તો બીજા યુઝરે કહ્યું, ટિકિટના ભાવ કરતાં વધુ કિંમત હોટલના રૂમની હશે. અન્ય યુઝરે કહ્યું, દિલજીતને બહુ મોટું નુકસાન થયું. આ પહેલા પણ આ જ કોન્સર્ટમાં દિલજીતે દેશભરમાં દારૂ વિરુદ્ધ અભિયાન શરૂ કરવાનું કહ્યું હતું. તેણે કહ્યું હતું કે, જો દેશભરમાં દારૂની દુકાનો બંધ થશે તો તે પણ આવા ગીતો ગાવાનું બંધ કરી દેશે. બોલિવૂડમાં હજારો ગીતો દારૂ પર આધારિત છે- દિલજીત
ગાયકે વધુમાં કહ્યું કે, બોલિવૂડમાં ડઝનેક હજારો ગીતો દારૂ પર બને છે. મારી પાસે એક ગીત છે, વધુમાં વધુ 2-4 ગીતો હશે. હું તે પણ નહીં ગાઈશ, આજે પણ હું તે ગીતો નહીં ગાઈશ. મારા માટે તે ખૂબ જ સરળ છે કારણ કે હું પોતે દારૂ પીતો નથી. પરંતુ બોલિવૂડના કલાકારો દારૂની જાહેરાત કરે છે, દિલજીત દોસાંઝ એવું નથી કરતા. હું જ્યાં જાઉં છું ત્યાં ચૂપચાપ મારો પ્રોગ્રામ કરીને જતો રહું છું’ દિલજીતે આગળ કહ્યું, આપણાં જે પણ રાજ્યો છે, જો તેઓ પોતાને ડ્રાય સ્ટેટ્સ જાહેર કરે તો બીજા જ દિવસે દિલજીત દોસાંઝ દારૂ પર કોઈ ગીત નહીં ગાય. હું વ્રત કરું છું. કોરોનાને કારણે બધું બંધ હતું, કોન્ટ્રાક્ટ બંધ નહોતા થયા સાહેબ. તમે શું કહી રહ્યા છો. તમે યુવાનોને મૂર્ખ બનાવી શકતા નથી. દિલજીતે સરકારને ઓફર આપી હતી
આગળ ગાયકે એમ પણ કહ્યું, ચાલો હું તમને વધુ એક ઓફર આપું. મારા જ્યાં પણ શો છે, તમે એક દિવસ માટે દારૂ પર પ્રતિબંધ લગાવો, હું દારૂ પર આધારિત ગીતો નહીં ગાઉં. આ મારા માટે ખૂબ જ સરળ છે. હું નવો કલાકાર છું અને તમે કહેશો, હું આ ગીત ગાઈ શકતો નથી, હું તે ગીત ગાઈશ નહીં, અરે, હવે મારે શું કરવું જોઈએ? હું ગીત બદલીશ અને તે એટલું જ મજા આવશે. જો ગુજરાતમાં દારૂ પર પ્રતિબંધ છે તો હું સરકારનો ચાહક છું. હું ઈચ્છું છું કે અમૃતસરમાં પણ દારૂ પર પ્રતિબંધ લાદવામાં આવે. હું દારૂ પર ગાવાનું બંધ કરીશ, તમે દેશના કોન્ટ્રાક્ટ બંધ કરો.
ખરાં ગુજરાતી હો!:મફતમાં હોટલની બાલ્કનીમાંથી માણ્યો શો, કોન્સર્ટ અટકાવી દિલજીતે કહ્યું- હોટલવાળા તો ગેમ કરી ગયા
