‘પુષ્પા-2’ રિલીઝ પહેલાં જ વિવાદમાં!:બહિષ્કાર કરવાની ધમકી મળી, મહાકાળીના અવતારમાં જોવા મળ્યો અલ્લુ અર્જુન, ફિલ્મમાંથી સીન હટાવવાની માગ

અલ્લુ અર્જુન અને રશ્મિકા મંદાના સ્ટારર ફિલ્મ ‘પુષ્પા 2’ની લાંબા સમયથી રાહ જોવામાં આવી રહી છે. એવામાં ફિલ્મને લઈ રિલીઝ પહેલાં જ વિવાદ સર્જાયો છે. હરિયાણાના હિસાર જિલ્લાના એક ગામમાં પોલીસ ફરિયાદ દાખલ કરવામાં આવી છે. આ ફરિયાદમાં ધાર્મિક ભાવનાઓને ઠેસ પહોંચાડવામાં આવી હોવાનું કહેવામાં છે. પોલીસે આ મામલે હજુ સુધી કોઈ કેસ નોંધ્યો નથી. આ કેસના તપાસ અધિકારી ગૌતમ કુમારનું કહેવું છે કે હમણાં જ ફરિયાદ મળી છે. ઉચ્ચ અધિકારીઓ સાથે ચર્ચા કર્યા બાદ જ આ અંગે આગળની કાર્યવાહી કરવામાં આવશે. આ ફરિયાદ હિસારના જુગલાનના રહેવાસી કુલદીપ કુમારે નોંધાવી છે. કુલદીપે કહ્યું છે કે પૈસાની ખાતર જાણીજોઈને કોઈ ચોક્કસ ધર્મનું અપમાન કરવાનો પ્રયાસ કરવામાં આવી રહ્યો છે. જો ફિલ્મ આ જ રીતે ચાલવામાં આવશે તો તે તેને હિસાર (હરિયાણા)માં રિલીઝ થવા દેશે નહીં. કુલદીપે પોલીસ સ્ટેશનમાં નોંધાવેલી ફરિયાદ… કુલદીપ કુમારે ફરિયાદમાં શું લખ્યું
ફિલ્મ ‘પુષ્પા 2 ધ રૂલ’નું ટ્રેલર 17 નવેમ્બર, રવિવારના રોજ પટનાના ગાંધી મેદાનમાં લોન્ચ કરવામાં આવ્યું હતું. આ ફિલ્મ 5 ડિસેમ્બરના રોજ રીલિઝ થશે, એક્ટર અલ્લુ અર્જુન અને રશ્મિકા મંડન્નાએ પણ આ કાર્યક્રમમાં હાજરી આપી હતી. મેં જોયું કે ટ્રેલરમાં મહાકાળી જેવી તસવીર બતાવવામાં આવી છે. એક્ટર અલ્લુ અર્જુન અર્ધનારીશ્વર અવતારમાં જોવા મળ્યો હતો, જેના કારણે સનાતન ધર્મ સાથે જોડાયેલા લોકો અને મારા ધર્મની આસ્થાને ઠેસ પહોંચી છે. હું ફિલ્મની સાથે સાથે તમામ કલાકારોનું સન્માન કરું છું, પરંતુ કેટલાક કલાકારો એવા છે જે પૈસાની ખાતર એક ચોક્કસ ધર્મની આસ્થાને ઠેસ પહોંચાડવાનો પ્રયાસ કરી રહ્યા છે. જો આ સીનને ફિલ્મમાંથી હટાવવામાં નહીં આવે તો ‘પુષ્પા 2 ધ રૂલ’ને હરિયાણાના હિસારમાં રિલીઝ થવા દેવામાં આવશે નહીં. ફરિયાદમાં એક્ટર અલ્લુ અર્જુનનું ઈમેલ આઈડી અને કાયમી સરનામું આપવામાં આવ્યું છે. કુલદીપે પોલીસ પ્રશાસન પાસે માગ કરી છે કે દિગ્દર્શક અને કલાકારો સામે કાયદેસરની કાર્યવાહી કરવામાં આવે. ‘પુષ્પા 2’ની સ્ટાર કાસ્ટ
‘પુષ્પા 2’ ની કાસ્ટ વિશે વાત કરવામાં આવે તો અલ્લુ અર્જુન સિવાય, રશ્મિકા મંદાના, ફહદ ફાસિલ, રાવ રમેશ, અનુસૂયા ભારદ્વાજ, અજય ઘોષ અને ધનંજયનો સમાવેશ થાય છે. આ ફિલ્મમાં જગપતિ બાબુ પણ જોવા મળશે. 500 કરોડના બજેટમાં બનેલી ફિલ્મ સુકુમાર ‘પુષ્પા 2’ ફિલ્મનું નિર્દેશન કરી રહ્યા છે. પહેલો ભાગ પણ ડિરેક્ટ કર્યો હતો. મીડિયા રિપોર્ટ્સ અનુસાર, આ ફિલ્મ 500 કરોડના બજેટમાં બની છે. રિલઝી પહેલાં જ અધધ…કમાણી! મીડીયા રિપોર્ટ મુજબ આ ફિલ્મે રિલીઝ પહેલા જ 900 કરોડ રૂપિયાની કમાણી કરી લીધી છે, આ તેના OTTઅને સેટેલાઇટ રાઇટ્સની કમાણી છે. જોકે, ફિલ્મ મેકર્સ તરફથી આવું કોઈ સત્તાવાર નિવેદન આવ્યું નથી. કેટલાક રિપોર્ટ્સમાં એવો પણ દાવો કરવામાં આવી રહ્યો છે કે ફિલ્મના થિયેટર રાઇટ્સ 650 કરોડ રૂપિયામાં વેચાયા છે. ‘પુષ્પા 2’નું ટ્રેલર , આ પણ વાંચો… અલ્લુ અર્જુન અને રશ્મિકા મંદાનાની શાનદાર કેમેસ્ટ્રીની ઝલક પણ ટ્રેલરમાં જોઈ શકાય છે. ફિલ્મ એકદમ પાવરફુલ લાગે છે. ફિલ્મ 5 ડિસેમ્બરે સિનેમાઘરોમાં રિલીઝ થઈ રહી છે. આ ફિલ્મ માટે ચાહકો ખૂબ જ ઉત્સાહિત છે. સંપૂર્ણ સમાચાર વાંચો…..