રાહા પ્યારથી કાલીઘેલી ભાષામાં બોલી ‘મા મા’:આલિયા ભટ્ટના વીડિયોએ ચાહકોનાં દિલ જીતી લીધાં; રાહાનો અવાજ સાંભળી કહ્યું- તે કેટલો ક્યૂટ અને સુંદર લાગે છે

આલિયા ભટ્ટ અને રણબીર કપૂરની પુત્રી રાહા હાલમાં દેશની લોકપ્રિય સ્ટાર કિડ છે અને સોશિયલ મીડિયાનો ધબકાર બની રહે છે. રાહાની તસવીરો અને ક્યૂટ વીડિયો સોશિયલ મીડિયા પર છવાયેલા રહે છે. તેની એક ઝલક પણ ચાહકોને તેમનો પ્રેમ વરસાવવા માટે મજબૂર કરે છે. આ દરમિયાન આલિયાનો એક નવો વીડિયો સામે આવ્યો છે, જેમાં ક્યૂટ રાહાનો અવાજ સંભળાય છે. રાહાનો અવાજ સાંભળીને ચાહકો ઓવારી ગયા છે અને તેના પર ઘણો પ્રેમ વરસાવી રહ્યા છે. રાહાની દરેક સ્ટાઇલ ચર્ચાનો વિષય બની રહે છે. ક્યારેક તે વીડિયોમાં ફની અને આશ્ચર્યજનક એક્સપ્રેશન આપતી જોવા મળે છે તો ક્યારેક તે ચહેરાના જુદા જુદા હાવભાવ દર્શાવે છે અને આ જોઈને ફેન્સને આલિયા યાદ આવી જાય છે. થોડા સમય પહેલા મુંબઈ એરપોર્ટ પરથી રાહાનો એક વીડિયો વાયરલ થયો હતો, જેમાં તે દાદી નીતુ કપૂરને જોઈને ખુશ દેખાતી હતી અને તેને કંઈક કહેતી જોવા મળી હતી. હવે આલિયા ભટ્ટના નવા વીડિયોએ ધૂમ મચાવી દીધી છે. રાહાનો અવાજ સંભળાયો – મા
આલિયા એક વીડિયો બનાવી રહી હતી, જે તેણે તેના ઈન્સ્ટાગ્રામ એકાઉન્ટ પર શેર કરી હતી. આમાં તે કહી રહી છે કે તેનું પ્રોડક્શન હાઉસ આ વર્ષે એક ફિલ્મ ફેસ્ટિવલ સાથે ભાગીદારી કરી રહ્યું છે. તે તેના વિશે ખૂબ જ ઉત્સાહિત છે, અને તેના વિશે વાત કરી રહી હતી. ત્યારે પાછળથી રાહાનો અવાજ સંભળાય છે – મા. ચાહકોએ પ્રેમ વરસાવ્યો
આ વીડિયો પર ફેન્સ તરફથી ઘણી કોમેન્ટ્સ આવી રહી છે. એક ફેને લખ્યું છે કે, ‘જુઓ કેવી રીતે રાહા આલિયાને મા કહી રહી છે.’ બીજી કમેન્ટ છે, ‘વાહ, રાહાનો અવાજ.’ અન્ય એક ફેને લખ્યું, ‘ઓએમજી, રાહા આલિયાને મા કહી રહી છે. કેટલું સારું લાગી રહ્યું છે. રાહાનો જન્મ નવેમ્બર 2022માં થયો હતો
આલિયા અને રણબીરે 14 એપ્રિલ, 2022ના રોજ લગ્ન કર્યા હતા અને તે જ વર્ષે નવેમ્બરમાં તેઓ પુત્રી રાહાના માતા-પિતા બન્યા હતા. આલિયા અને રણબીરે શરૂઆતમાં રાહાને પાપારાઝીથી દૂર રાખી હતી, પરંતુ 2023માં ક્રિસમસના અવસર પર તેઓએ દરેકને તેમની પુત્રી રાહાની ઝલક બતાવી હતી.