‘દીકરી સાથે રહેવા માટે જે કરવું પડશે તે કરીશ’:અભિષેક બચ્ચને આરાધ્યા વિશે કરી વાત, લાંબા સમયથી ચાલી રહી છે ડિવોર્સની અફવાઓ

અભિષેક બચ્ચન તેની ફિલ્મ ‘આઈ વોન્ટ ટુ ટોક’ના કારણે ચર્ચામાં છે. આ ફિલ્મમાં એક્ટરે કેન્સરના દર્દીની ભૂમિકા ભજવી છે. ફિલ્મમાં વ્યક્તિ ઘણી મુશ્કેલીઓ છતાં પોતાની દીકરી માટે જીવન જીવવા ઈચ્છે છે. આ ફિલ્મનું નિર્દેશન શૂજિત સરકાર દ્વારા કરવામાં આવ્યું છે. ફિલ્મ અંગત જીવન સાથે જોડાય છે- અભિષેક
ફિલ્મના ડાયરેક્ટર શૂજિત સરકાર સાથે વાત કરતી વખતે અભિષેક બચ્ચને કેટલીક અંગત વાતો અને સ્ટોરીઓ શેર કરી. આ દરમિયાન તેણે કહ્યું કે, આ પહેલી ફિલ્મ છે જે મારા અંગત જીવન સાથે જોડાયેલી છે કારણ કે આ ફિલ્મની સ્ટોરી પિતા અને પુત્રીના સંબંધો પર આધારિત છે. આરાધ્યા-અભિષેક પાસેથી પ્રેરણા મળી
અભિષેકે કહ્યું કે, મને આ ફિલ્મ માટે મારી પુત્રી પાસેથી પ્રેરણા મળી છે. જ્યારે આરાધ્યા નાની હતી ત્યારે તે બાળકોનું પુસ્તક વાંચતી હતી. પુસ્તકમાંથી એક પંક્તિ મારા દિલને સ્પર્શી ગઈ. પુસ્તકના પાત્રે ‘મદદ’ને સૌથી બહાદુર શબ્દ તરીકે વર્ણવ્યો છે, કારણ કે મદદ માંગવાનો અર્થ એ છે કે તમે આગળ વધવા અને મુશ્કેલીઓનો સામનો કરવા તૈયાર છો. તેનો અર્થ એ છે કે તમે હાર માનવા માંગતા નથી અને આગળ વધવા માટે તમે જે પણ કરશે તે કરશો. ‘દીકરીના લગ્નમાં ડાન્સ કરવાનું પિતાનું સપનું’
અભિષેક બચ્ચને કહ્યું, ફિલ્મ ‘આઈ વોન્ટ ટુ ટોક’ની સ્ટોરી પિતા અને પુત્રીની જોડીની છે. જેમાં પિતા પાસે જીવવા માટે માત્ર 100 દિવસ છે અને તે પોતાની પુત્રીને આપેલા વચનો પૂરા કરવા માંગે છે. તેની પુત્રી તેને પૂછે છે કે તમે મારા લગ્નમાં ડાન્સ કરશો? તેના પર અભિષેકે કહ્યું, મને લાગે છે કે કોઈપણ પિતા માટે તેની પુત્રીના લગ્ન તેના જીવનની સૌથી મોટી ક્ષણ હોય છે, એક પિતાનું સ્વપ્ન હોય છે કે તે તેની પુત્રીના લગ્નમાં ડાન્સ કરે. અભિષેકે કહ્યું, ‘મારી દીકરી હજુ નાની છે પરંતુ પિતા હોવાને કારણે હું એવી લાગણી અનુભવું છું કે મારી દીકરી સાથે રહેવા માટે મારે જે કરવું પડશે તે કરીશ.’ આરાધ્યા બચ્ચન 13 વર્ષની થઈ અભિષેક બચ્ચન અને ઐશ્વર્યા રાય બચ્ચનની પુત્રી આરાધ્યા થોડા દિવસો પહેલા જ 13 વર્ષની થઈ ગઈ છે. તે જ સમયે, એક્ટરની ફિલ્મ ‘આઈ વોન્ટ ટુ ટોક’ આજે સિનેમાઘરોમાં રિલીઝ થઈ છે. , આ સાથે જોડાયેલા બીજા સમાચાર પણ વાંચો- અભિષેક-એશના ડિવોર્સની વાતમાં ‘બિગ બી’ બગડ્યા!:કહ્યું- ‘અલગ થવા હિંમત, વિશ્વાસ ને સત્યની જરૂર પડે, પ્રશ્નાર્થ પાછળ સંતાઈને અફવાઓ કેમ ફેલાવો છો? ‘ અમિતાભ બચ્ચને તેમની બ્લોગ પોસ્ટમાં લખ્યું છે કે “અલગ થવા માટે ઘણી હિંમત, વિશ્વાસ અને સત્યની જરૂર પડે છે. હું મારા પરિવાર વિશે બહુ ઓછી વાત કરું છું, કારણ કે તે મારું ડોમેન છે અને હું એની ગોપનીયતા જાળવી રાખું છું. અટકળો માત્ર અટકળો જ છે. ખોટી અને પસંદગીયુક્ત માહિતીને પ્રશ્નાર્થ ચિહ્નમાં પૂછવી તેમના માટે કાયદાકીય રક્ષણ હોઈ શકે છે, પરંતુ આ જ પ્રશ્નાર્થ દ્વારા શંકાસ્પદ વિશ્વાસનાં બીજ વાવવામાં આવે છે. વધુ વાંચો…..