Fact Check: ‘ચૂંટણી પૂર્ણ થતાં જ વસૂલી શરૂ’:અમુલના દૂધમાં અચાનક ભાવ વધ્યા?, યુઝર્સે લખ્યું- હજારો કરોડ મહારાષ્ટ્રમાં વહેંચ્યા તે હવે વસૂલ કરશે; જાણો વાઇરલ વીડિયોનું સત્ય

મહારાષ્ટ્રમાં ભાજપ ગઠબંધન સરકાર બનાવશે એ હવે ચિત્ર સ્પષ્ટ થઈ ગયું છે. આ દરમિયાન સોશિયલ મીડિયા પર એક વીડિયો વાઇરલ થઈ રહ્યો છે. આ 1 મિનિટના વીડિયો સાથે એવો દાવો કરવામાં આવી રહ્યો છે કે, મહારાષ્ટ્રમાં ચૂંટણી પૂરી થતાની સાથે જ દૂધના ભાવ અને ટોલ ટેક્સ વગેરેમાં વધારો કરવામાં આવ્યો છે. સતેન્દ્ર નામનો વેરિફાઈડ એક્સ યુઝર લખે છે કે- ચૂંટણી પૂરી થતાંની સાથે જ વસૂલાત શરૂ થઈ ગઈ, જે હજારો કરોડ મહારાષ્ટ્રમાં વહેંચવામાં આવ્યા હતા તે હવે વસૂલ કરવામાં આવશે. ( આર્કાઇવ ટ્વિટ ) ટ્વિટ જુઓ: તે જ સમયે સીમા બુધ નામના એક્સ યુઝરે તેના ટ્વીટમાં લખ્યું- ચૂંટણી પૂરી થઈ, વસૂલાત શરૂ થઈ ગઈ જે હજારો કરોડ રૂપિયા મહારાષ્ટ્રમાં વહેંચવામાં આવ્યા છે તે હવે પૂરા થશે.😉( આર્કાઇવ ટ્વિટ ) ટ્વિટ જુઓ: સમાચાર લખાય ત્યાં સુધી સીમા બુધની ટ્વીટ પર 2600 લાઈક્સ હતી. ત્યાંજ તેને 1000થી વધુ લોકોએ રિપોસ્ટ કરી ચૂક્યા હતા. નેત્રમ મીણા નામના વેરિફાઈડ એક્સ યુઝરે પણ આવી જ ટ્વિટ કરી હતી. ( આર્કાઇવ ટ્વિટ ) ટ્વિટ જુઓ: શું છે વાઇરલ દાવાની સત્યતા?
દાવામાં કેટલી સચ્ચાઈ છે તે જાણવા માટે અમે તેને લગતા સમાચાર માટે ગૂગલ પર ઓપન સર્ચ કર્યું. સર્ચ દરમિયાન અમને એવા કોઈ સમાચાર મળ્યા નથી કે જે મહારાષ્ટ્રની ચૂંટણી બાદ દૂધના ભાવમાં વધારો થયો હોય. સ્ક્રીનશોટ જુઓ: દાવાની તપાસ કરતી વખતે અમને સમાચાર એજન્સી ANI તરફથી એક ટ્વિટ મળ્યું. આ ટ્વીટ 02 જૂન 2024 ના રોજ કરવામાં આવી હતી. આ ટ્વીટમાં ગુજરાત કો-ઓપરેટિવ મિલ્ક માર્કેટિંગ ફેડરેશન (GCMMF)ની એક પ્રેસનોટ હતી જેમાં લખ્યું હતું- અમૂલ દૂધના ભાવમાં પ્રતિ લિટર રૂ. 2નો વધારો કરવામાં આવ્યો છે. અમૂલ ગોલ્ડ, અમૂલ શક્તિ અને અમૂલ ફ્રેશના ભાવમાં વધારો કરવામાં આવ્યો છે. દૂધના વધેલા ભાવ 03 જૂન, 2024થી લાગુ થશે. ટ્વિટ જુઓ: તે સ્પષ્ટ છે કે વાઇરલ વીડિયો હાલનો નથી, પરંતુ 4 જૂન 2024નો છે. 3 જૂન, 2024 ના રોજ અમૂલ દૂધના ભાવમાં પ્રતિ લિટર રૂ. 2 નો વધારો કરવામાં આવ્યા બાદ તે બનાવવામાં આવ્યો હતો. આ વીડિયોનો મહારાષ્ટ્રની તાજેતરની ચૂંટણી સાથે કોઈ સંબંધ નથી. સોશિયલ મીડિયા પર કરવામાં આવી રહેલા દાવા ખોટા અને ભ્રામક છે . નકલી સમાચાર સામે અમારી સાથે જોડાઓ. જો તમને કોઈપણ માહિતી અંગે કોઈ શંકા હોય તો કૃપા કરીને અમને ઇમેલ @fakenewsexpose@dbcorp.in અને 9201776050 આ નંબર પર વોટ્સએપ કરો.