અમેરિકન SECએ ગૌતમ-સાગર અદાણીને સમન્સ મોકલ્યા:21 દિવસમાં માગ્યો જવાબ, અદાણી સહિત 8 લોકો પર લાંચ અને છેતરપિંડીનો આરોપ

અદાણી ગ્રૂપના ચેરમેન ગૌતમ અદાણી અને તેમના ભત્રીજા સાગર અદાણીને શનિવારે યુએસ સિક્યોરિટીઝ એન્ડ કમિશન (SEC) દ્વારા સમન્સ પાઠવવામાં આવ્યા છે. યુએસ એસઈસીએ અદાણીને તેમના પર લાગેલા લાંચ અને છેતરપિંડીના આરોપો અંગે તેમનું વલણ સ્પષ્ટ કરવા માટે સમન્સ પાઠવ્યું છે. ન્યૂઝ એજન્સીના જણાવ્યા અનુસાર, અમદાવાદમાં અદાણીના શાંતિવન ફાર્મ હાઉસ અને તેના ભત્રીજા સાગરની બોડકદેવ રેસિડેન્સીને 21 દિવસમાં SECને જવાબ આપવા માટે સમન્સ મોકલવામાં આવ્યા છે. ન્યૂયોર્ક ઈસ્ટર્ન ડિસ્ટ્રિક્ટ કોર્ટ દ્વારા મોકલવામાં આવેલી નોટિસ જણાવે છે કે ‘આ સમન્સના 21 દિવસની અંદર, તમારે SECને ફરિયાદનો જવાબ આપવો પડશે અથવા ફેડરલ એ મોશન સિવિલ પ્રોસિજરના નિયમોના નિયમ 12 હેઠળ સેવા આપવી આવશ્યક છે. જો તે જવાબ આપવામાં નિષ્ફળ જશે તો અદાણી સામે ફરિયાદમાં માગવામાં આવેલી રાહત માટે ચુકાદો લેવામાં આવશે. જવાબ કોર્ટમાં દાખલ કરવાનો રહેશે. ગૌતમ અદાણી સહિત 8 લોકો પર અબજો રૂપિયાની છેતરપિંડીનો આરોપ
21 નવેમ્બરે ઉદ્યોગપતિ ગૌતમ અદાણી સહિત 8 લોકો પર અમેરિકામાં અબજો રૂપિયાની છેતરપિંડીનો આરોપ છે. યુનાઇટેડ સ્ટેટ્સ એટર્ની ઓફિસનું કહેવું છે કે ભારતમાં સૌર ઉર્જા સંબંધિત કોન્ટ્રાક્ટ મેળવવા માટે અદાણીએ ભારતીય અધિકારીઓને $265 મિલિયન (લગભગ રૂ. 2200 કરોડ)ની લાંચ આપી અથવા આપવાની યોજના બનાવી. આ સમગ્ર મામલો અદાણી ગ્રુપની કંપની અદાણી ગ્રીન એનર્જી લિમિટેડ અને અન્ય એક ફર્મ સાથે સંબંધિત છે. આ કેસ 24 ઓક્ટોબર 2024ના રોજ ન્યૂયોર્કની ફેડરલ કોર્ટમાં નોંધવામાં આવ્યો હતો. બુધવારે તેની સુનાવણીમાં ગૌતમ અદાણી, તેમના ભત્રીજા સાગર અદાણી, વિનીત એસ જૈન, રણજીત ગુપ્તા, સિરિલ કેબેનિસ, સૌરભ અગ્રવાલ, દીપક મલ્હોત્રા અને રૂપેશ અગ્રવાલને આરોપી બનાવવામાં આવ્યા છે. રોયટર્સના અહેવાલ મુજબ ગૌતમ અદાણી અને સાગર વિરુદ્ધ ધરપકડ વોરંટ પણ જારી કરવામાં આવ્યું છે. સાગર અદાણી ગ્રીન એનર્જી લિમિટેડના અધિકારી છે.