મોડલમાંથી પંજાબી એક્ટ્રેસ બનેલી હિમાંશી ખુરાનાના પિતા કુલદીપ ખુરાનાને ફિલૌર કોર્ટે 14 દિવસ માટે જેલમાં મોકલી દીધા છે. લગભગ 5 મહિના પહેલા ગોરાયામાં લોકસભા ચૂંટણી દરમિયાન ફરજ પરના નાયબ તહસીલદાર પર હુમલો કરવા અને દુર્વ્યવહાર કરવા બદલ કુલદીપ ખુરાના વિરુદ્ધ કેસ નોંધવામાં આવ્યો હતો. જે અંતર્ગત તેમની ધરપકડ કરીને કોર્ટમાં રજૂ કરવામાં આવ્યા. જે બાદ કોર્ટે તેને જેલ મોકલવાનો નિર્ણય સંભળાવ્યો હતો. ગોરાયા પોલીસ સ્ટેશનના એસએચઓ પલવિંદર સિંહે આ વાતની પુષ્ટિ કરી છે. તેમણે કહ્યું કે ફરજ પર હતા ત્યારે કામમાં અવરોધ ઉભો કરવા બદલ ધરપકડ કરવામાં આવી છે. વીડિયોના આધારે FIR નોંધવામાં આવી હતી
એસએચઓ હરપ્રીત સિંહે જણાવ્યું કે નાયબ તહસીલદાર જગપાલ સિંહે 5 મહિના પહેલા તેમની સામે ફરિયાદ નોંધાવી હતી. જ્યારે તેઓ પોતાની ડ્યુટી માટે ઓફિસથી નીકળી રહ્યા હતા ત્યારે બીજી બાજુથી કુલદીપ ખુરાના આવ્યા અને અપશબ્દો બોલવા લાગ્યો. આ દરમિયાન તેમની સાથે હાજર એક કર્મચારીએ સમગ્ર ઘટનાનો વીડિયો બનાવી લીધો. આ વીડિયોના આધારે પોલીસે કુલદીપ ખુરાના વિરુદ્ધ કેસ નોંધ્યો છે. લુધિયાણામાંથી ગુપ્ત માહિતીના આધારે ધરપકડ કરવામાં આવી
કેસ નોંધાયા બાદ પોલીસ હિમાંશી ખુરાનાના પિતા કુલદીપ ખુરાનાને શોધી રહી હતી. આ અંગે લુધિયાણામાં પોલીસ દ્વારા અનેક દરોડા પાડવામાં આવ્યા હતા. પણ કંઈ થયું નહીં. ગઈકાલે પોલીસને ગુપ્ત બાતમી મળી હતી કે ઉક્ત આરોપી તેના ઘરે આવ્યા છે. માહિતીના આધારે પોલીસે દરોડો પાડી તેમની ધરપકડ કરી હતી. જે બાદ કુલદીપ ખુરાનાને ફિલૌર કોર્ટમાં રજૂ કરવામાં આવ્યો હતો. જ્યાં કોર્ટે ખુરાનાને જેલમાં મોકલી આપ્યા. પોલીસ દ્વારા ખુરાનાને કપૂરથલા જેલમાં રાખવામાં આવ્યા છે.
એક્ટ્રેસ હિમાંશી ખુરાનાના પિતાની ધરપકડ:ફરજ પરના તહેસીલદાર પર હુમલો, 14 દિવસની જ્યુડિશિયલ કસ્ટડીમાં મોકલવામાં આવ્યા
