પાકિસ્તાનમાં ઈમરાન ખાનની મુક્તિ માટે વિરોધ કરી રહેલા દેખાવકારોનો કાફલો રાજધાની ઈસ્લામાબાદ તરફ આગળ વધી રહ્યો છે. ઇમરાન ખાનની અપીલ પર રવિવારે 24 નવેમ્બરે પ્રદર્શન શરૂ થયું હતું. ઈમરાને આ વિરોધને ‘ફાઈનલ કોલ’ નામ આપ્યું છે. પ્રદર્શનને રોકવા માટે પોલીસે 4 હજારથી વધુ ઈમરાન સમર્થકોની ધરપકડ કરી છે. જેમાં 5 સાંસદોનો પણ સમાવેશ થાય છે. દરમિયાન, પાકિસ્તાનમાં ચાલી રહેલા વિરોધને સમગ્ર વિશ્વમાંથી સમર્થન મળી રહ્યું છે. વિશ્વના 60થી વધુ શહેરોમાં પીટીઆઈ સમર્થકો ઈમરાન ખાનની મુક્તિની માગ કરી રહ્યા છે. પીટીઆઈએ તેના સોશિયલ મીડિયા પ્લેટફોર્મ પર કેનેડા, અમેરિકા, બ્રિટનના ઘણા શહેરોના પ્રદર્શનની તસવીરો શેર કરી છે. બેલારુસના રાષ્ટ્રપતિ એલેક્ઝાંડર લુકાશેન્કોની આજે પાકિસ્તાનની મુલાકાતને ધ્યાનમાં રાખીને શાહબાઝ શરીફ સરકારે પહેલેથી જ કડક સુરક્ષા વ્યવસ્થા કરી દીધી છે. ખાન વિરુદ્ધ 100થી વધુ કેસ છે
ઈમરાન ખાન વિરુદ્ધ 100થી વધુ કેસ પેન્ડિંગ છે. ઈસ્લામાબાદની સ્થાનિક કોર્ટે 5 ઓગસ્ટ, 2023ના રોજ તોશાખાના કેસમાં તેમને દોષિત ઠેરવ્યા હતા. આ પછી તેમને ઈસ્લામાબાદના જમાન પાર્ક સ્થિત તેમના ઘરેથી ધરપકડ કરીને જેલમાં મોકલી દેવામાં આવ્યા હતા. બાદમાં તેમને વધુ 2 કેસમાં દોષિત ઠેરવવામાં આવ્યા હતા. અંગ્રેજી અખબાર ડૉન અનુસાર, જો ઈમરાન જેલમાંથી બહાર આવશે તો તે પાકિસ્તાનમાં ફરી ચૂંટણીની માગ ઉઠાવશે.
પાકિસ્તાનમાં ઈમરાનના હજારો પ્રોટેસ્ટર્સની ધરપકડ:ઈસ્લામાબાદમાં રેલી માટે જઈ રહ્યા હતા, 60 વિદેશી સ્થળોએથી ખાનની મુક્તિ માટે સમર્થન મળ્યું
