હ્યુન્ડાઈ મોટરને ₹5 કરોડની ટેક્સ નોટિસ:મહારાષ્ટ્ર સ્ટેટ ટેક્સ ઓથોરિટીએ કંપનીને આ કારણ બતાવો નોટિસ મોકલી

દેશની અગ્રણી ઓટોમોબાઈલ ઉત્પાદક કંપનીઓમાંની એક હ્યુન્ડાઈ મોટર ઈન્ડિયા લિમિટેડ (HMIL)ને રૂ. 5 કરોડથી વધુની ટેક્સ નોટિસ મળી છે. મહારાષ્ટ્ર સ્ટેટ ટેક્સ ઓથોરિટીએ નાણાકીય વર્ષ 2020-21 માટે ઇનપુટ ટેક્સ ક્રેડિટ (ITC) દાવામાં અનિયમિતતા માટે કંપનીને આ કારણ બતાવો નોટિસ મોકલી છે. નોટિસ અનુસાર ટેક્સ ઓથોરિટીએ આરોપ લગાવ્યો છે કે, કંપનીએ ટેક્સ ચૂકવ્યો નથી. જેના કારણે કંપનીને કુલ રૂ. 2.74 કરોડની ડિમાન્ડ નોટિસ મોકલવામાં આવી છે. આ સિવાય કંપનીએ 2.27 કરોડ રૂપિયાનું વ્યાજ પણ ચૂકવવું પડશે. હ્યુન્ડાઈ મોટર ઈન્ડિયાએ SEBI (લિસ્ટિંગ ઓબ્લિગેશન્સ એન્ડ ડિસ્ક્લોઝર રિક્વાયરમેન્ટ્સ) રેગ્યુલેશન્સ 2015ની કલમ 30 હેઠળ NSE અને BSEને આપવામાં આવેલી નોટિસમાં સ્પષ્ટતા કરી છે કે કંપની નિયત સમય મર્યાદામાં નોટિસનો જવાબ આપશે. આ નોટિસ કંપનીની નાણાકીય પ્રવૃત્તિઓ પર કોઈ અસર કરશે નહીં
હ્યુન્ડાઈ મોટર ઈન્ડિયાએ વધુમાં જણાવ્યું હતું કે, આ નોટિસથી કંપનીની નાણાકીય ઓપરેશનલ અને અન્ય પ્રવૃત્તિઓ પર કોઈ અસર થશે નહીં. આ મુદ્દો નિયમિત પાલન સાથે સંબંધિત છે. હ્યુન્ડાઈ અધિકારીઓ સાથે યોગ્ય ચેનલો દ્વારા આ મામલાને ઉકેલવાની યોજના ધરાવે છે. હ્યુન્ડાઇ મોટર ઇન્ડિયાનું મુખ્યાલય ગુરુગ્રામ, હરિયાણામાં છે. તે દક્ષિણ કોરિયન ઓટોમોટિવ જાયન્ટ હ્યુન્ડાઈ મોટરની ભારતીય પેટાકંપની છે. હ્યુન્ડાઈ ભારતીય ઓટોમોબાઈલ માર્કેટમાં એક મોટી કંપની છે. હ્યુન્ડાઈ ઈન્ડિયાનો બીજા ક્વાર્ટરનો નફો 16% ઘટ્યો
હ્યુન્ડાઇ મોટર ઇન્ડિયાએ નાણાકીય વર્ષ 2024-25 ના બીજા ક્વાર્ટરમાં રૂ. 1,375 કરોડનો એકીકૃત ચોખ્ખો નફો કર્યો છે. વાર્ષિક ધોરણે તેમાં 16.5%નો ઘટાડો થયો છે. કંપનીએ એક વર્ષ અગાઉના સમાન ક્વાર્ટરમાં રૂ. 1,628 કરોડનો નફો કર્યો હતો. હ્યુન્ડાઈ ઈન્ડિયાએ BSE-NSE પર લિસ્ટિંગ પછી પ્રથમ વખત ત્રિમાસિક પરિણામો જાહેર કર્યા છે. જુલાઈ-સપ્ટેમ્બર ક્વાર્ટરમાં ઓપરેશનલ આવક રૂ. 17,260 કરોડ હતી. એક વર્ષ અગાઉ સમાન ક્વાર્ટરમાં તે રૂ. 18,639 કરોડ હતો. વાર્ષિક ધોરણે તેમાં 7.39%નો ઘટાડો થયો છે. હ્યુન્ડાઈ ઈન્ડિયાની કુલ આવકમાં 8.34%નો ઘટાડો
જુલાઈ-સપ્ટેમ્બર ક્વાર્ટરમાં હ્યુન્ડાઈ ઈન્ડિયાની કુલ આવક વાર્ષિક ધોરણે 8.34% ઘટીને રૂ. 17,452 કરોડ થઈ છે. નાણાકીય વર્ષ 2023-24 ના બીજા ક્વાર્ટરમાં કંપનીની કુલ આવક 19,042 લાખ કરોડ રૂપિયા હતી. હ્યુન્ડાઈ ઈન્ડિયાનો શેર આજે રૂ. 1,882 પર બંધ રહ્યો હતો
હ્યુન્ડાઈ ઈન્ડિયાનો શેર આજે મંગળવારે (26 નવેમ્બર) 1.57% વધીને રૂ. 1,882.45 પર બંધ થયો હતો. કંપનીનું માર્કેટ કેપ 1.53 લાખ કરોડ રૂપિયા છે. હ્યુન્ડાઈ ઈન્ડિયાના શેર 22 ઓક્ટોબરે BSE-NSE પર લિસ્ટ થયા હતા. કંપનીનો IPO 15 ઓક્ટોબરે ખુલ્યો હતો અને 17 ઓક્ટોબરે બંધ થયો હતો. કંપનીએ તેની પ્રાઇસ બેન્ડ 1,865-1,960 રૂપિયા નક્કી કરી હતી. કંપનીએ આ IPO દ્વારા રૂ. 27,870 કરોડ એકત્ર કર્યા હતા.