બોર્ડર-ગાવસ્કર ટ્રોફી- બ્યૂ વેબસ્ટર ઓસ્ટ્રેલિયન ટીમમાં સામેલ:માર્શની ફિટનેસ પર શંકા; બીજી ટેસ્ટ 6 ડિસેમ્બરથી એડિલેડમાં રમાશે

ઓલરાઉન્ડર મિચેલ માર્શ સંપૂર્ણપણે ફિટ ન હોવાને કારણે ઓસ્ટ્રેલિયાએ તસ્માનિયાના ઓલરાઉન્ડર બ્યૂ વેબસ્ટરને ટીમમાં સામેલ કર્યો છે. વેબસ્ટર સ્પિન અને મીડિયમ પેસ બોલિંગ સાથે બેટિંગ કરી શકે છે. 30 વર્ષીય વેબસ્ટરે કહ્યું- ‘મજબૂત ભારતીય ટીમ સામે (ઓસ્ટ્રેલિયા-A માટે) કેટલાક રન અને વિકેટ મેળવીને સારું લાગ્યું. જ્યારે પણ તમે ‘A’ ટીમ માટે રમો છો, તે ટેસ્ટથી એક સ્તર ઓછું હોય છે. ન્યૂ સાઉથ વેલ્સ (NSW) સામેની મેચ બાદ ‘બેલ્સ’ (પુરુષ પસંદગી સમિતિના અધ્યક્ષ જ્યોર્જ બેઈલી) તરફથી ફોન આવવો એ મારા માટે ગર્વની ક્ષણ હતી. હું ટીમમાં જોડાવા માટે આતુરતાથી રાહ જોઈ રહ્યો છું.’ વેબસ્ટરે ઈન્ડિયા-A સામેની અનઑફિશિયલ ટેસ્ટની ચાર ઇનિંગ્સમાં બે વખત અણનમ રહીને 145 રન બનાવ્યા હતા. સાત વિકેટ પણ લીધી હતી. આટલું જ નહીં તેણે સિડનીમાં શેફિલ્ડ શીલ્ડમાં ન્યૂ સાઉથ વેલ્સ સામે 61 અને 49 રન બનાવ્યા અને 5 વિકેટ પણ લીધી. પર્થ ટેસ્ટ બાદ મિચેલ માર્શ પીડામાં હતો
ઓલરાઉન્ડર મિચેલ માર્શના સ્થાને ઓસ્ટ્રેલિયન ટીમમાં વેબસ્ટરની પસંદગી કરવામાં આવી છે. પર્થ ટેસ્ટ બાદ માર્શને સ્નાયુમાં ખેંચાણ હતી. માર્શની ઈજા પર ઓસ્ટ્રેલિયાના મુખ્ય કોચ એન્ડ્ર્યુ મેકડોનાલ્ડે કહ્યું હતું – ‘માર્શની ફિટનેસ પર થોડી શંકા છે.’ ઓસ્ટ્રેલિયન કેપ્ટન પેટ કમિન્સે પણ માર્શની ફિટનેસ અંગે ચિંતા વ્યક્ત કરી હતી. જો માર્શ પર્થ ટેસ્ટમાં દસથી વધુ ઓવર બોલિંગ કર્યા પછી એડિલેડની રમત માટે સમયસર સ્વસ્થ ન થઈ શકે તો વેબસ્ટર પાસે ઓસ્ટ્રેલિયાનો 468મો મેન્સ ટેસ્ટ ક્રિકેટર બનવાની તક હશે. BGTમાં ભારત 1-0થી આગળ
બોર્ડર-ગાવસ્કર ટ્રોફીમાં ભારતીય ટીમ 1-0થી આગળ છે. ટીમે ઓસ્ટ્રેલિયાને પ્રથમ ટેસ્ટમાં ચાર દિવસમાં 295 રનથી હરાવ્યું હતું. બોર્ડર-ગાસ્કર ટ્રોફીની બીજી મેચ 6 ડિસેમ્બરથી એડિલેડમાં રમાશે. BGT સંબંધિત આ સમાચાર પણ વાંચો… બુમરાહે કહ્યું- મારી નજરમાં યશસ્વી પ્લેયર ઓફ ધ મેચ ભારતીય કેપ્ટન જસપ્રીત બુમરાહે પર્થમાં યશસ્વી જયસ્વાલની સદીને તેની સર્વશ્રેષ્ઠ ટેસ્ટ ઇનિંગ્સ ગણાવી હતી. કેપ્ટને કહ્યું કે તેની નજરમાં યશસ્વી પ્લેયર ઓફ ધ મેચ છે. તેણે વિરાટ કોહલીની પણ પ્રશંસા કરી હતી. ભારતની બીજી ઇનિંગમાં યશસ્વીએ 161 રન અને કોહલીએ અણનમ 100 રન બનાવ્યા હતા. સંપૂર્ણ સમાચાર વાંચો…