PGVCL સર્કલ ઓફીસ દ્વારા રાજકોટ કોર્પોરેટ ઓફીસના માર્ગદર્શન હેઠળ ત્રણ દિવસીય ઇન્ટર સર્કલ વિમેન્સ ક્રિકેટ ટુર્નામેન્ટનું આયોજન કરવામાં આવ્યું છે. આ ટુર્નામેન્ટનો પ્રારંભ મોરબી નજીકના નાની વાવડી ગામે આવેલ સરદાર પટેલ ક્રિકેટ સ્ટેડીયમ ખાતે આજથી કરવામાં આવ્યો છે. તા. 30 નવેમ્બરથી 2 ડિસેમ્બર સુધી આ વિમેન્સ ક્રિકેટ ટુર્નામેન્ટ યોજાશે. જેનો પ્રારંભ આજે ત્યારે અધિક નિવાસી કલેકટર શિવરાજસિંહ ખાચર, PGVCLના અધિક્ષક ઈજનેર ડી.આર. ઘાડીયા તેમજ એસ.એચ.રાઠોડ, આસિસ્ટન્ટ સેક્રેટરી કે.સી. ડામોર, ડીવાયડીઓ હિરલ વ્યાસ સહિતના હાજરીમાં કરવામાં આવ્યો હતો. આજે પહેલા દિવસે અમરેલી-જૂનાગઢ, પોરબંદર-મોરબી અને અંજાર-ભાવનગર વચ્ચે મેચ યોજાશે અને છેલ્લા દિવસે તા. 2 ડિસેમ્બરના સવારે 11: 30 વાગ્યે કલોઝિંગ સેરેમની રાખવામા આવી છે.
