ઐશ્વર્યા રાય અને અભિષેક બચ્ચન આ દિવસોમાં તેમના છૂટાછેડાની અફવાઓને કારણે ચર્ચામાં છે. તાજેતરમાં જ કપલની દીકરી આરાધ્યા 13 વર્ષની થઈ. દંપતીની પુત્રી આરાધ્યાનો જન્મદિવસ 16 નવેમ્બરે હતો. તેના જન્મદિવસ પર ઐશ્વર્યાએ આરાધ્યા સાથેની કેટલીક તસવીરો સોશિયલ મીડિયા પર શેર કરી હતી, જેમાં અભિષેક બચ્ચન દેખાતા ન હતા. તસવીરો પરથી લોકોએ અનુમાન લગાવવાનું શરૂ કરી દીધું હતું કે અભિષેક દીકરીની બર્થડે પાર્ટીમાં ગયો નહોતો. અભિષેક અને ઐશ્વર્યાએ સાથે મળીને આરાધ્યાનો 13મો જન્મદિવસ ઉજવ્યો હતો. સોલો વિડીયો બનાવીને આભાર માન્યો
આરાધ્યાના જન્મદિવસની પાર્ટીનું આયોજન કરનારા આયોજકોએ તાજેતરમાં સોશિયલ મીડિયા પર કેટલાક વીડિયો શેર કર્યા છે. આ વીડિયોમાં અભિષેક બચ્ચન પણ પાર્ટીમાં જોવા મળી રહ્યો છે. બંનેએ આરાધ્યાના જન્મદિવસની પાર્ટીનું આયોજન કરવા બદલ ઈવેન્ટ પ્લાનર્સનો આભાર માનતા અલગ-અલગ વીડિયો બનાવ્યા. અભિષેક બચ્ચન વીડિયોમાં કહી રહ્યો છે કે આ ઈવેન્ટ પ્લાનર્સ આરાધ્યાની બર્થડે પાર્ટીનું આયોજન તે એક વર્ષની હતી ત્યારથી કરી રહ્યા છે. તેમના છૂટાછેડાના સમાચાર વચ્ચે અમિતાભે પોસ્ટ કરી હતી
ઐશ્વર્યાએ 20 નવેમ્બરે દીકરી આરાધ્યાના 13માં જન્મદિવસની ઉજવણીની કેટલીક તસવીરો સોશિયલ મીડિયા પર શેર કરી હતી. તેના એક દિવસ પછી, અમિતાભ બચ્ચને તેમના બ્લોગમાં તેમના પરિવાર અને અંગત મુદ્દાઓ શેર કર્યા. તેમણે લખ્યું હતું કે, ‘હું પરિવાર વિશે બોલવાનું ટાળું છું, પરંતુ કેટલાક લોકો પોતાના ફાયદા માટે આ મુદ્દાઓનો ઉપયોગ કરે છે.’ અમિતાભે પોસ્ટમાં તેમના પુત્ર અને પુત્રવધૂનો ઉલ્લેખ કર્યો નથી, પરંતુ તેમની પોસ્ટને છૂટાછેડાના મુદ્દા સાથે જોડવામાં આવી રહી છે. છૂટાછેડાના સમાચારને કેવી રીતે વેગ મળ્યો?
જુલાઈમાં, અભિષેક બચ્ચને તેના પરિવાર સાથે અનંત-રાધિકાના લગ્નમાં હાજરી આપી હતી. રેડ કાર્પેટ પર અભિષેકનો આખો પરિવાર હાજર હતો, જોકે તે સમયે ઐશ્વર્યા અને પુત્રી આરાધ્યા તેની સાથે ન હતી. અભિષેકના આગમનના થોડા સમય બાદ ઐશ્વર્યા તેની પુત્રી સાથે રેડ કાર્પેટ પર પહોંચી અને પાપારાઝી માટે પોઝ આપ્યો. અલગ-અલગ એન્ટ્રી લેવા સિવાય આખા લગ્ન દરમિયાન તેઓ સાથે જોવા મળ્યા ન હતા. આ પછી ઐશ્વર્યા રાય તેની પુત્રી સાથે વેકેશન પર ગઈ હતી, ત્યારે પણ અભિષેક તેની સાથે હાજર નહોતો. ત્યારથી તેમના છૂટાછેડાની અફવાઓ સામે આવી રહી છે.
આરાધ્યાના જન્મદિવસની પાર્ટીમાં અભિષેક હાજર રહ્યો હતો:પાર્ટીના અનસીન વીડિયો સામે આવ્યા, કપલે આયોજકોનો આભાર માન્યો હતો
