પુરુષોએ હંમેશા પત્નીની વાત સાંભળવી જોઈએ:અભિષેક બચ્ચને આપી પરણિત પુરુષોને સલાહ; તાજેતરમાં કર્યા હતા ઐશ્વર્યાના વખાણ

ઐશ્વર્યા રાય અને અભિષેક બચ્ચન આ દિવસોમાં તેમના છૂટાછેડાની અફવાઓને કારણે ચર્ચામાં છે. દરમિયાન, અભિષેક બચ્ચને રવિવારે રાત્રે મુંબઈમાં એક એવોર્ડ શોમાં હાજરી આપી હતી. આ ઇવેન્ટનો એક વીડિયો સોશિયલ મીડિયા પર વાઇરલ થઈ રહ્યો છે. એવોર્ડ શોમાં હોસ્ટે તેને પૂછ્યું કે, પરિણીત પુરુષે શું કરવું જોઈએ? આના જવાબમાં અભિનેતાએ કહ્યું, પરિણીત પુરુષે તેની પત્ની કહે તેમ કરવું જોઈએ. અભિષેકે પરિણીત પુરુષોને સલાહ આપી
અભિષેક બચ્ચનનો વાઇરલ વીડિયો મુંબઈમાં યોજાયેલા ફિલ્મફેર OTT એવોર્ડનો છે. વીડિયોમાં અભિનેતા પરિણીત પુરુષોને સલાહ આપી રહ્યો છે. શો દરમિયાન હોસ્ટ અભિષેકને પૂછે છે કે, ‘મારે તમારા માટે એક નાનકડો પ્રશ્ન છે, તમે એટલું સારું પર્ફોર્મન્સ આપો છો કે વિવેચકો પણ કોઈ સવાલ ઉઠાવતા નથી, તમે આ કેવી રીતે કરો છો?’ આ સવાલના જવાબમાં અભિનેતાએ કહ્યું કે, તે ખૂબ જ સરળ છે, તેને અમારી સાથે કોઈ લેવાદેવા નથી. અમે ફક્ત તે જ કરીએ છીએ જે ડિરેક્ટર અમને કહે છે. તેઓ ચૂપચાપ તેમનું કામ પૂરું કરીને ઘરે આવે છે. ‘પત્ની કહે તેમ કરવું જોઈએ’
અભિષેક બચ્ચન સાથે રમૂજી રીતે પરિસ્થિતિની તુલના કરતી વખતે, હોસ્ટે પૂછ્યું કે શું તે તેની પત્નીના નિયમોને તે જ રીતે ફોલો કરે છે જે રીતે તે ડિરેક્ટરની સલાહને અનુસરે છે? અભિનેતાએ હસીને જવાબ આપ્યો અને કહ્યું- હા, બધા પરિણીત પુરુષોએ તેમની પત્નીઓ કહે તેમ કરવું જોઈએ. અભિષેકે આ વાત ત્યારે કહી છે જ્યારે તેની અને ઐશ્વર્યા વચ્ચે છૂટાછેડાની અફવાઓ ચાલી રહી છે. થોડા દિવસો પહેલા અભિષેકે ઐશ્વર્યાના વખાણ કર્યા હતા
થોડા દિવસો પહેલા છૂટાછેડાના સમાચાર વચ્ચે અભિષેક બચ્ચને ઐશ્વર્યા રાયના વખાણ કર્યા હતા. ‘ધ હિન્દુ’ સાથેની વાતચીતમાં અભિનેત્રીના પતિ અભિષેક બચ્ચને તેમની પુત્રી આરાધ્યાને ઉછેરવા બદલ તેમનો આભાર માન્યો હતો. અભિષેકે કહ્યું, ‘હું નસીબદાર છું કે મને બહાર જઈને ફિલ્મો કરવાનો મોકો મળ્યો કારણ કે હું જાણું છું કે ઐશ્વર્યા આરાધ્યા સાથે ઘરે છે અને તે માટે હું તેનો ખૂબ ખૂબ આભાર માનું છું.’ છૂટાછેડાના સમાચારે કેવી રીતે વેગ પકડ્યો?
જુલાઈમાં, અભિષેક બચ્ચને તેના પરિવાર સાથે અનંત-રાધિકાના લગ્નમાં હાજરી આપી હતી. રેડ કાર્પેટ પર અભિષેકનો આખો પરિવાર હાજર હતો, જોકે તે સમયે ઐશ્વર્યા અને પુત્રી આરાધ્યા તેની સાથે ન હતી. અભિષેકના આગમનના થોડા સમય બાદ ઐશ્વર્યા તેની પુત્રી સાથે રેડ કાર્પેટ પર પહોંચી અને પાપારાઝી માટે પોઝ આપ્યો. બંનેએ લગ્નમાં અલગ-અલગ એન્ટ્રી લીધી હતી અને આખા લગ્ન દરમિયાન તેઓ સાથે જોવા મળ્યા ન હતા. આ પછી ઐશ્વર્યા રાય પણ દીકરી સાથે વેકેશન પર ગઈ હતી, ત્યારે પણ અભિષેક તેની સાથે હાજર નહોતો. ત્યારથી તેમના છૂટાછેડાની અફવાઓ સામે આવી રહી છે.