શ્રદ્ધા આર્યા જોડિયાં બાળકોની માતા બની:’કુંડલી ભાગ્ય’ની ફેમ એક્ટ્રેસે બતાવી પ્રથમ ઝલક; સેલેબ્સ અને ફેન્સ તરફથી અભિનંદનની વર્ષા

ટીવીની દુનિયામાંથી એક ખુશીના સમાચાર સામે આવી રહ્યા છે. જો રિપોર્ટ્સનું માનીએ તો ટીવીની સૌથી લોકપ્રિય સિરિયલ ‘કુંડલી ભાગ્ય’માં પ્રીતાનો રોલ કરનાર શ્રદ્ધા આર્યા માતા બની ગઈ છે. નોંધનીય છે કે, શ્રદ્ધાએ જોડિયા બાળકોને જન્મ આપ્યો છે, એક પુત્ર અને એક પુત્રી. તેણે ઈન્સ્ટાગ્રામ પર એક પોસ્ટ શેર કરીને પોતાના બાળકોની પહેલી ઝલક પણ બતાવી છે. તેણે એક વીડિયો શેર કર્યો છે, જેમાં તે તેના જોડિયા બાળકોને ખોળામાં લઈને બેબી બોય અને બેબી ગર્લ લખેલી જોવા મળી રહી છે. તેણે પોસ્ટ પર કેપ્શન લખ્યું – ખુશીના બે બંડલે અમારો પરિવાર સંપૂર્ણ બનાવ્યો. અમારું દિલ બમણી ખુશીઓથી ભરાઈ ગયું છે. નોંધનીય છે કે, શ્રદ્ધાએ 2021માં ઈન્ડિયન નેવી ઓફિસર રાહુલ નાગલ સાથે લગ્ન કર્યા હતા. શ્રદ્ધા તેના પતિ સાથે દિલ્હીમાં રહે છે. શ્રદ્ધા આર્યા પર અભિનંદનનો વરસાદ
ટીવી સેલેબ્સની સાથે ચાહકો પણ શ્રદ્ધા આર્યાને ટ્વિન્સની માતા બનવા બદલ અભિનંદન આપી રહ્યા છે. સંજય ગગનાનીએ લખ્યું- ખૂબ ખૂબ અભિનંદન. તમને શુભેચ્છાઓ. ઘણો પ્રેમ. કૃષ્ણ મુખર્જીએ લખ્યું- ઓહ માય ગોડ! ઘણી બધી શુભેચ્છાઓ. પૂજા બેનર્જીએ લખ્યું- ઓહ માય ખૂબ જ સુંદર..નવા માતા-પિતાને અભિનંદન..બંને એન્જલ્સને ખૂબ પ્રેમ અને આશીર્વાદ. ધીરજ ધૂપરે લખ્યું- ઘણી બધી શુભકામનાઓ. સુપ્રિયા શુક્લાએ લખ્યું- વાહ વાહ…શ્રદ્ધા ડબલ ડબલ ખુશી, હું તમારા માટે ખૂબ જ ખુશ છું. શ્રીતિ ઝા, પૂનમ પ્રીત, મુગ્ધા ચાપેકર, અંજુમ ફકીહે પણ શ્રદ્ધાને અભિનંદન પાઠવ્યા હતા. તેવી જ રીતે ચાહકોએ પણ શ્રદ્ધાને અભિનંદન પાઠવ્યા હતા. શ્રદ્ધાએ 29 નવેમ્બરે જોડિયા બાળકોને જન્મ આપ્યો હતો. શ્રદ્ધા આર્યાની કારકિર્દી
શ્રદ્ધા આર્યાએ 2006માં નયનથારા સાથે એસજે સૂર્યાની તમિલ ફિલ્મ ‘કલાવનિન કાધલી’માં ડેબ્યૂ કર્યું હતું. આ ફિલ્મમાં તે લીડ રોલમાં હતી. તે વૈભવ રેડ્ડી સાથે હિન્દી ફિલ્મ ‘નિ:શબ્દ’ અને તેલુગુ ફિલ્મ ‘ગોડાવા’માં પણ જોવા મળી હતી. તે લાઇફ ઓકેની સિરિયલો ‘મેં લક્ષ્મી તેરે આંગન કી’, ‘તુમ્હારી પાખી’ અને ‘ડ્રીમ ગર્લમાં તેની ભૂમિકાઓ માટે જાણીતી છે. ઝી ટીવીની સિરિયલ ‘કુંડલી ભાગ્ય’માં ડો. પ્રીતા અરોરાની ભૂમિકાએ તેને દરેક ઘરમાં ફેમસ કરી હતી. ચાહકો તેને શ્રદ્ધા કરતાં પ્રીતા તરીકે વધુ ઓળખે છે. 2019માં, તેણે આલમ મક્કર સાથે નચ બલિયે 9’ માં પણ ભાગ લીધો હતો. નોંધનીય છે કે આ પહેલાં 2015માં શ્રદ્ધાની સગાઈ એનઆરઆઈ જયંત રાઠી સાથે થઈ હતી, પરંતુ કોઈ કારણસર તે તૂટી ગઈ હતી. ત્યારબાદ 2021માં તેણે ભારતીય નેવી ઓફિસર રાહુલ નાગલ સાથે લગ્ન કર્યા.