પંજાબના પૂર્વ ડેપ્યુટી CM પર જીવલેણ હુમલો:ગોલ્ડન ટેમ્પલની બહાર ફાયરિંગ, માંડ-માંડ બચ્યા સુખબીર સિંહ બાદલ

પંજાબના પૂર્વ ડેપ્યુટી સીએમ સુખબીર સિંહ બાદલ પર બુધવારે સુવર્ણ મંદિરની બહાર ફાયરિંગ કરવામાં આવ્યું હતું. જોઓ માંડ માંડ બચ્યા હતા. સુરક્ષાકર્મીઓએ તેમને ઘેરી લીધા હતા. બાદલ સવારે તેઓ સુવર્ણ મંદિરપહોંચ્યા હતા. ત્યારે તેમના પર હુમલો કરવામાં આવ્યો હતો. ફાયરિંગ કરનાર વ્યક્તિની ઓળખ ગુરદાસપુરના ડેરાબાબા નાનકના રહેવાસી નારાયણ સિંહ ચૌડા તરીકે થઈ છે. તે દલ ખાલસાનો સભ્ય છે. 2 ડિસેમ્બરના રોજ, શ્રી અકાલ તખ્ત સાહિબ ખાતે રામ રહીમ કેસમાં 5 સિંહ સાહેબોની બેઠક યોજાઈ હતી, જેમાં તેમને અને અન્ય મંત્રીમંડળના સભ્યોને શિરોમણી અકાલી દળ સરકાર દરમિયાન ધાર્મિક ગેરવર્તણૂકના આરોપમાં સજા કરવામાં આવી હતી. આ મામલામાં, 30 ઓગસ્ટ 2024ના રોજ, શ્રી અકાલ તખ્તે સુખબીર સિંહ બાદલને ‘તનખૈયા’ (ધાર્મિક દુરાચાર માટે દોષિત) જાહેર કર્યા હતા. બાદલ સરકારને 5 કેસમાં સજા થઈ 1. રામ રહીમ વિરુદ્ધ ફરિયાદ પાછી ખેંચીઃ 2007માં ડેરા સચ્ચા સૌદાના વડા ગુરમીત રામ રહીમે સલાબતપુરામાં શીખોના 10મા ગુરુ શ્રી ગુરુ ગોવિંદ સિંહ જીની પરંપરાને અનુસરીને તેમના જેવા કપડાં પહેરીને અમૃત છાંટવાનો ઢોંગ કર્યો હતો. આના પર રામ રહીમ વિરુદ્ધ પોલીસ કેસ નોંધવામાં આવ્યો હતો, પરંતુ તેને સજા આપવાને બદલે બાદલ સરકારે કેસ પાછો ખેંચી લીધો હતો. 2. ડેરા મુખીને સુખબીર બાદલે માફી અપાવી હતી અને શ્રી અકાલ તખ્ત સાહેબે કાર્યવાહી કરી રામ રહીમને શીખ પંથમાંથી હાંકી કાઢ્યો હતો. પોતાના પ્રભાવનો ઉપયોગ કરીને સુખબીરે રામ રહીમને માફી અપાવી હતી. આ પછી અકાલી દળ અને શિરોમણિ સમિતિના નેતૃત્વને શીખોના ગુસ્સા અને નારાજગીનો સામનો કરવો પડ્યો હતો. આખરે શ્રી અકાલ તખ્તે રામ રહીમને માફી આપવાનો નિર્ણય પાછો ખેંચી લીધો. 3. અપવિત્રની ઘટનાઓની યોગ્ય તપાસ કરવામાં આવી નહીં, બાદલ સરકારના કાર્યકાળ દરમિયાન, 1 જૂન, 2015ના રોજ, કેટલાક લોકોએ બુર્જ જવાહર સિંહ વાલા (ફરીદકોટ)ના ગુરુદ્વારા સાહિબમાંથી શ્રી ગુરુ ગ્રંથ સાહિબની બીડની ચોરી કરી હતી. ત્યારપછી 12 ઓક્ટોબર 2015ના રોજ બરગારી (ફરીદકોટ)ના ગુરુદ્વારા સાહિબમાંથી શ્રી ગુરુ ગ્રંથ સાહિબના 110 ભાગોની ચોરી કરીને ફેંકી દેવામાં આવ્યા હતા. જેના કારણે શીખ સમુદાયમાં ભારે રોષ ફેલાયો હતો. અકાલી દળ સરકાર અને તત્કાલીન ગૃહમંત્રી સુખબીર સિંહ બાદલે આ મામલાની સમયસર તપાસ કરી ન હતી. ગુનેગારોને સજા આપવામાં નિષ્ફળ પહ્યા હતા. જેના કારણે પંજાબમાં સ્થિતિ વણસી ગઈ હતી.
અમે આ સમાચારને સતત અપડેટ કરીએ છીએ…