આજથી IND Vs AUS ડે-નાઈટ ટેસ્ટ:એડિલેડમાં ભારતે 2 મેચ જીતી, રોહિત અને ગિલ ટીમમાં કમબેક કરશે

બોર્ડર-ગાવસ્કર ટ્રોફીની બીજી ટેસ્ટ આજથી એડિલેડમાં રમાશે. ભારત સિરીઝમાં 1-0થી આગળ છે. ટીમે પર્થ ટેસ્ટમાં ઓસ્ટ્રેલિયાને 295 રનથી હરાવ્યું હતું. એડિલેડમાં બંને ટીમ વચ્ચે અત્યાર સુધીમાં 13 મેચ રમાઈ છે, જેમાં ભારતે 2માં જીત મેળવી છે. 2020-21ની જેમ આ વખતે પણ ડે-નાઈટ ટેસ્ટ એડિલેડમાં રમાશે. પિંક બોલ ટેસ્ટ માટે પ્રેક્ટિસ કરવા માટે, ભારતે ઓસ્ટ્રેલિયા PM-11 સાથે બે દિવસીય પ્રેક્ટિસ ગેમ રમી હતી. જે ભારતે 6 વિકેટે જીતી લીધી હતી. ભારતીય કેપ્ટન રોહિત શર્મા અને શુભમન ગિલ આજની મેચમાંથી પરત ફરશે. બંનેએ પ્રેક્ટિસ મેચમાં બેટિંગ કરી હતી. મેચની ડિટેઇલ્સ… તારીખ- 6 ડિસેમ્બર સ્થળ- એડિલેડ ઓવલ, એડિલેડ સમય- ટૉસ- 9:00 AM, મેચ શરૂ- 9:30 AM રોહિત શર્મા મિડલ ઓર્ડરમાં રમશે
કેપ્ટન રોહિત શર્મા બીજી મેચમાંથી પરત ફરશે. તેણે પ્રેસ કોન્ફરન્સમાં પુષ્ટિ કરી કે તે મિડલ ઓર્ડરમાં મેદાનમાં ઉતરશે. પર્થ ટેસ્ટની બીજી ઇનિંગમાં યશસ્વી જયસ્વાલ અને કેએલ રાહુલે બેવડી સદીની ભાગીદારી કરી હતી. બંને બીજી ટેસ્ટમાં પણ ઓપનિંગ કરશે. માત્ર શુભમન ગિલ નંબર-3 પર ઉતરશે. વિરાટ બાદ રોહિત મિડલ ઓર્ડરમાં બેટિંગ કરી શકે છે. દેવદત્ત પડિકલ અને ધ્રુવ જુરેલ બહાર થશે. ઓવરઓલ રેકોર્ડમાં ઓસ્ટ્રેલિયા આગળ યશસ્વી-વિરાટ શાનદાર ફોર્મમાં
પ્રથમ ટેસ્ટમાં વિરાટ કોહલીનું ફોર્મમાં પરત આવવું એ ભારત માટે સૌથી મોટી સકારાત્મક બાબત હતી. વિરાટ કોહલી અને યશસ્વી જયસ્વાલે બીજી ઇનિંગમાં સદી ફટકારી હતી. જયસ્વાલે 161 રન અને કોહલીએ અણનમ 100 રન બનાવ્યા હતા. ભારતની કેપ્ટનશિપ કરી રહેલા જસપ્રીત બુમરાહે આ મેચમાં 8 વિકેટ ઝડપી હતી. તે પ્લેયર ઓફ ધ મેચ રહ્યો હતો. પ્રથમ ટેસ્ટમાં ઓસ્ટ્રેલિયાના ટોચના બેટર્સ
પર્થ ટેસ્ટની બીજી ઇનિંગમાં ઓસ્ટ્રેલિયા માટે ટ્રેવિસ હેડે શાનદાર 89 રન બનાવ્યા હતા. તે બુમરાહની બોલિંગમાં કેચ આઉટ થયો હતો. બોલિંગમાં જોશ હેઝલવુડે ટીમ તરફથી સૌથી વધુ 5 વિકેટ ઝડપી હતી. છેલ્લી ડે-નાઈટ ટેસ્ટમાં ભારત 36 રનમાં ઓલઆઉટ થયું હતું
ગત વખતે ઓસ્ટ્રેલિયા અને ભારત વચ્ચેની ડે-નાઈટ ટેસ્ટ ઓસ્ટ્રેલિયાએ 8 વિકેટે જીતી હતી. આ મેચમાં ભારતીય ટીમે પહેલી ઇનિંગમાં 244 રન બનાવ્યા હતા. આ પછી ઓસ્ટ્રેલિયા 191 રનમાં ઓલઆઉટ થઈ ગયું હતું. જેના કારણે ભારતને 53 રનની લીડ મળી હતી. જોકે, ભારતીય ટીમ બીજી ઇનિંગમાં માત્ર 36 રનમાં ઓલઆઉટ થઈ ગઈ હતી અને ઓસ્ટ્રેલિયાએ 90 રનનો ટાર્ગેટ 2 વિકેટ ગુમાવીને ચેઝ કરી લીધો હતો. હવામાન અને પિચ રિપોર્ટ
બીજી ટેસ્ટમાં એડિલેડની પિચ અંગે ક્યુરેટર ડેમિયન હોગ કહે છે કે તે વિકેટને સંતુલિત કરવાનો પ્રયાસ કરી રહ્યા છે. પિચ પર 6 એમએમ ઘાસ હશે અને અહીં બોલ સ્વિંગ અને સીમ થશે. મેચના ત્રીજા અને ચોથા દિવસે સ્પિનરોને પણ ટર્ન મળી શકે છે. મેચના પહેલા દિવસે વરસાદની 88 ટકા શક્યતા છે. ડે-નાઈટ ટેસ્ટમાં, ત્રીજા સેશન દરમિયાન સ્વિંગ વધુ જોવા મળે છે. ટૉસનો રોલ
એડિલેડમાં ટૉસ જીતનારી ટીમ પહેલા બેટિંગ કરી શકે છે. અત્યાર સુધીમાં અહીં 82 મેચ રમાઈ છે, જેમાં પ્રથમ બેટિંગ કરનારી ટીમે 35 મેચ જીતી છે. પ્રથમ બોલિંગ કરનાર ટીમે 28 મેચ જીતી છે. બન્ને ટીમની સંભવિત પ્લેઇંગ-11
ભારત (IND): રોહિત શર્મા (કેપ્ટન), યશસ્વી જયસ્વાલ, કેએલ રાહુલ, શુભમન ગિલ, વિરાટ કોહલી, રિષભ પંત (વિકેટકીપર), નીતિશ કુમાર રેડ્ડી, વોશિંગ્ટન સુંદર/રવિચંદ્રન અશ્વિન, હર્ષિત રાણા, જસપ્રીત બુમરાહ (વાઇસ કેપ્ટન) અને મોહમ્મદ સિરાજ. ઓસ્ટ્રેલિયા: પેટ કમિન્સ (કેપ્ટન), નાથન મેકસ્વીની, ઉસ્માન ખ્વાજા, માર્નસ લાબુશેન, સ્ટીવ સ્મિથ, ટ્રેવિસ હેડ, મિચેલ માર્શ, એલેક્સ કેરી (વિકેટકીપર), મિચેલ સ્ટાર્ક, નાથન લાયન અને સ્કોટ બોલેન્ડ.