નો બોલ પર કેચ થયો કેએલ રાહુલ:પંત-રોહિતે કેચ છોડ્યો, કોહલીએ બેલ્સ બદલી, ફ્લડલાઈટ બંધ થતા ગેમ રોકવી પડી; મોમેન્ટ્સ

એડિલેડ ટેસ્ટનો પ્રથમ દિવસ ઓસ્ટ્રેલિયાના નામે રહ્યો હતો. ભારતે ટોસ જીતીને બેટિંગ કરવાનું પસંદ કર્યું, ટીમ 180 રનમાં ઓલઆઉટ થઈ ગઈ. મિચેલ સ્ટાર્કે 6 વિકેટ લીધી હતી. સ્ટમ્પ સુધી ઓસ્ટ્રેલિયાએ 1 વિકેટ ગુમાવીને 86 રન બનાવ્યા હતા. શુક્રવારે ઘણી મોમેન્ટ્સ જોવા મળી હતી. કેએલ રાહુલને એક ઓવરમાં 2 જીવનદાન મળ્યા હતા. ઓસ્ટ્રેલિયાની ઇનિંગ્સ દરમિયાન ફ્લડ લાઇટ બંધ થઈ ગઈ હતી. શોટ રમતી વખતે રાહુલના બેટમાંથી સ્ટીકર નીકળી ગયું હતું. કોહલીએ સ્ટમ્પ બેલ્સ બદલી નાખી. વાંચો પહેલા દિવસની ટોપ-10 મોમેન્ટ્સ… 1. નો બોલ પર રાહુલનો કેચ 8મી ઓવરમાં સ્કોટ બોલેન્ડના બોલ પર કેએલ રાહુલને બે જીવનદાન મળ્યા. રાહુલ પ્રથમ બોલ પર કેચ આઉટ થયો હતો. ફિલ્ડ અમ્પાયરે તેને આઉટ જાહેર કર્યો, રાહુલ પરત ફરવા લાગ્યો, વિરાટ બેટિંગ કરવા મેદાન તરફ આવવા લાગ્યો. ત્યારબાદ થર્ડ અમ્પાયરે બોલેન્ડના બોલને નો બોલ જાહેર કર્યો અને રાહુલ આઉટ થતા બચી ગયો. તે જ ઓવરના પાંચમા બોલ પર તેનો કેચ ઉસ્માન ખ્વાજા કરી શક્યો ન હતો. બોલેન્ડે ફુલ લેન્થ બોલ ફેંક્યો હતો. બોલ રાહુલના બેટની બહારની કિનારી પર વાગ્યો અને સ્લિપમાં ઉભેલા ઉસ્માન ખ્વાજાના હાથમાં ગયો, એવું લાગતું હતું કે તે કેચ થઈ જશે, પરંતુ બોલ ખ્વાજાના હાથમાંથી સરકીને નીચે પડ્યો. જીવનદાન સમયે રાહુલ ખાતું પણ ખોલી શક્યો ન હતો, તેણે 37 રન બનાવ્યા. 2. ફ્લડલાઇટને કારણે ગેમ બધ 18મી ઓવરમાં ફ્લડલાઈટ બંધ થઈ ગઈ હતી. આ સમયે તમામ ફેન્સે પોતાના મોબાઈલની ટોર્ચ ઓન કરી હતી. હર્ષિત રાણાની ઓવરના પાંચમા બોલ બાદ મેદાનની ફ્લડ લાઇટ બંધ કરી દેવામાં આવી હતી, ત્યારબાદ રમતને થોડો સમય રોકવી પડી હતી. 3. રાહુલના બેટનું સ્ટીકર નીકળ્યું મિચેલ સ્ટાર્ક 9મી ઓવરમાં બોલિંગ કરવા આવ્યો હતો. તેણે આ ઓવરનો ત્રીજો બોલ ઓફ સ્ટમ્પની બહાર ફેંક્યો. અહીં રાહુલે સ્ક્વેર કટ રમ્યો અને બોલ ફોર માટે ગયો. શોટ રમતી વખતે રાહુલના બેટમાંથી એક સ્ટીકર નીકળ્યું હતું, જે પીચની સામે પડ્યું હતું. આ પછી રાહુલે તેને પીચની બહાર ફેંકી દીધું. 4. વિરાટે સ્ટમ્પના બેલ્સ બદલ્યા
ઓસ્ટ્રેલિયાની બેટિંગની 29મી ઓવર પૂરી થયા બાદ વિરાટ કોહલીએ સ્ટમ્પની ગિલ્લીઓ બદલી નાખી હતી. અહીં માર્નસ લાબુશેન અને નાથન મેકસ્વીની વચ્ચે સારી ભાગીદારી હતી. જે બાદ વિરાટે ગિલ્લીઓ બદલી હતી. જોકે, તેનો કોઈ ફાયદો થયો ન હતો અને બંને નોટઆઉટ પરત ફર્યા હતા. 5. રિવર્સ સ્કૂપ પર નીતિશના છગ્ગા ભારતે બેટિંગ કરતા 42મી ઓવરમાં 21 રન બનાવ્યા હતા. સ્કોટ બોલેન્ડની આ ઓવરના બીજા બોલ પર રિવર્સ સ્કૂપ શોટ રમતી વખતે નીતિશે થર્ડ મેન પર સિક્સર ફટકારી હતી. ત્યારપછી તેણે બીજા જ બોલ પર કવર તરફ ચોગ્ગો ફટકાર્યો. આ ઓવરના ત્રીજા બોલ પર તેણે ડીપ મિડવિકેટ પર સિક્સર પણ ફટકારી હતી. આ પહેલા 41મી ઓવરમાં નીતીશે પણ સ્ટાર્કને કવર પર સિક્સ ફટકારી હતી. 6. પંતની આંખમાં જીવાત આવી
ભારતીય ઇનિંગ્સની ત્રીજી ઓવરમાં રિષભ પંતની આંખમાં જીવાત આવી હતી. અહીં, ઓવરનો ચોથો બોલ ખ્વાજાએ લેફ્ટ કર્યો હતો, જેને પંતે તેના ગ્લોવ્સ વડે કેચ કરવાનો પ્રયાસ કર્યો હતો, પરંતુ તે જ સમયે, તેની આંખમાં જીવાત વાગી અને બોલ પકડી ન શક્યો. 7. પંત-રોહિતે મેકસ્વીનીનો કેચ છોડ્યો ઓસ્ટ્રેલિયન ઓપનર નાથન મેકસ્વીનીને 7મી ઓવરના પ્રથમ બોલ પર જ જીવનદાન મળ્યું હતું. જસપ્રિત બુમરાહની ઓવરનો ત્રીજો બોલ મેકસ્વીનીના બેટની બહારની કિનારી અડીને વિકેટકીપર અને સ્લિપની વચ્ચે ગયો. પંત અને રોહિત બંનેએ તેને પકડવાનો પ્રયાસ કર્યો, પરંતુ તે કેચ કરી ન શક્યા. 8. મેચના પહેલા બોલ પર જ જયસ્વાલ આઉટ યશસ્વી જયસ્વાલ એડિલેડ ટેસ્ટના પહેલા જ બોલ પર આઉટ થયો હતો. તે મિચેલ સ્ટાર્કના સ્વિંગ સાથે અંદર આવતા બોલને ફ્લિક કરવા ગયો હતો, પરંતુ બોલ તેના પેડ્સ સાથે અથડાયો હતો. ઓસ્ટ્રેલિયન ટીમે LBW માટે અપીલ કરી અને ફિલ્ડ અમ્પાયરે તેને આઉટ આપી દીધો. યશસ્વીએ રિવ્યુ લીધો ન હતો અને પેવેલિયન પરત ફર્યો હતો. 9. મેકસ્વિનીએ પંતનો કેચ છોડ્યો નાથન મેકસ્વિનીએ 26મી ઓવરના પહેલા બોલ પર રિષભ પંતનો કેચ છોડ્યો હતો. અહીં બોલેન્ડે ફુલ લેન્થ બોલ ફેંક્યો હતો. જેના પર પંતે ડ્રાઈવ કરી હતી. બોલ ગલી પોઝિશનમાં ઉભેલા મેકસ્વીની પાસે ગયો. તેણે ડાઇવ લગાવી, પરંતુ કેચ પકડી શક્યો નહીં. આ સમયે પંત 5 રન પર રમી રહ્યો હતો. આ ઓવરના પાંચમા બોલ પર કેપ્ટન રોહિત શર્મા LBW આઉટ થયો હતો. તેણે 3 રન બનાવ્યા હતા. 10. કમિન્સે બાઉન્સર પર વિકેટ લીધી ભારતની છઠ્ઠી વિકેટ 33મી ઓવરમાં પડી હતી. વિકેટકીપર બેટર રિષભ પંત પેટ કમિન્સની ઓવરના 5માં બોલ પર આઉટ થયો હતો. તે વધારાના બાઉન્સ બોલને સંભાળી શક્યો ન હતો અને ગલી પર માર્નસ લાબુશેન દ્વારા કેચ આઉટ થયો હતો. પંતે 21 રન બનાવ્યા હતા.