અભિષેક બચ્ચનન તો સ્વીટહાર્ટ છે- વિવેક ઓબેરોય:સલમાન અને ઐશ્વર્યા માટે કહ્યું- ભગવાન બંનેનું ભલું કરે; EX ગર્લફ્રેન્ડના કારણે ભાઈજાન સાથે થયો હતો વિવાદ

વિવેક ઓબેરોયે હાલમાં જ સલમાન ખાન, ઐશ્વર્યા રાય અને અભિષેક બચ્ચન વિશે વાત કરી છે. એક ઈન્ટરવ્યુમાં જ્યારે અભિનેતાને સલમાન અને ઐશ્વર્યા વિશે પૂછવામાં આવ્યું તો તેણે કહ્યું કે ભગવાન બંનેનું ભલું કરે. સાથે જ તેણે અભિષેક બચ્ચનને સ્વીટહાર્ટ અને ખૂબ જ સારો વ્યક્તિ ગણાવ્યો હતો. જાનેમન યુટ્યુબ ચેનલને આપેલા ઈન્ટરવ્યુમાં વિવેકે ઐશ્વર્યા સાથેના બ્રેકઅપ વિશે પણ વાત કરી હતી. તેણે કહ્યું- તમારું બ્રેકઅપ વિશ્વ સમાચાર બની જાય છે. જો કોઈ તમારી જીંદગી છોડીને જતું હોય તો આ રીતે વિચારો કે બાળક તેની લોલીપોપ માટીમાં નાખે છે, તો તેની માતા તેને લોલીપોપ ખાવા દેતી નથી. કારણ એ છે કે તે લોલીપોપ ગંદી થઈ જાય છે. વિવેકે કહ્યું- મને ધમકીભર્યા ફોન આવતા હતા
વિવેકે આગળ પોતાના જીવનના સૌથી ખરાબ તબક્કા વિશે વાત કરી. તેણે કહ્યું- એક સમય હતો જ્યારે હું મારા કરિયરમાં સંઘર્ષ કરી રહ્યો હતો. હું ખૂબ જ તણાવમાં હતો. મને અંડરવર્લ્ડમાંથી ફોન આવતા હતા. મને ધમકીઓ મળતી હતી. મેં મારા જીવનમાં આ બધું ક્યારેય અનુભવ્યું ન હતું. મારા માતા-પિતાને પણ ધમકીભર્યા ફોન આવ્યા હતા. બહેનની સલામતીની ચિંતા હતી. શરૂઆતમાં એવું લાગતું હતું કે આ એક પ્રેંક કોલ હતો, પરંતુ બાદમાં પોલીસે કહ્યું કે તે ખરેખર ધમકીભર્યો કોલ હતો. વિવેકના સલમાન ખાન સાથેના પરોક્ષ વિવાદ વિશે પણ વાત કરી. તેણે કહ્યું- તે સમયે હું ઘણો નાનો હતો. મારી ક્રિયાના પરિણામો મને બહુ પછી સમજાયું. આ સમયે હું મારા સંબંધોમાં પણ ખરાબ તબક્કામાંથી પસાર થઈ રહ્યો હતો. વિવેક અને સલમાન વચ્ચે કેમ શરૂ થયો વિવાદ?
રિપોર્ટ્સ અનુસાર, સલમાન ખાન અને વિવેક ઓબેરોય વચ્ચે લડાઈનું કારણ ઐશ્વર્યા રાય હતી. ખરેખર, ઐશ્વર્યા સાથે સલમાનનું અફેર ‘હમ દિલ દે ચૂકે સનમ’ (1999)ના સેટ પર શરૂ થયું હતું. લગભગ બે વર્ષ સુધી રિલેશનશિપમાં રહ્યા બાદ બ્રેકઅપ થઇ ગયું, તે સમયે ઐશ્વર્યાએ સલમાન પર મારપીટનો આરોપ લગાવ્યો હતો. બાદમાં જ્યારે ઐશ અને વિવેક નજીક આવ્યા તો સલમાન તે સહન ન કરી શક્યો. સલમાને વિવેકને ફોન કરીને ખૂબ અપશબ્દો બોલ્યા અને જાનથી મારી નાખવાની ધમકી પણ આપી. આ કારણે વિવેક ઓબેરોયે પ્રેસ કોન્ફરન્સ બોલાવીને મીડિયાને સલમાનની હરકતો વિશે જણાવ્યું. જોકે, પરિણામ એ આવ્યું કે ઐશ્વર્યા પણ તેને ઇગ્નોર કરવા લાગી. ઐશ્વર્યાના કહેવા પ્રમાણે, વિવેકે આ મામલો આ રીતે જાહેરમાં ન લાવવો જોઈતો હતો. એટલું જ નહીં ફિલ્મ ઈન્ડસ્ટ્રીના મોટાભાગના લોકોએ વિવેકને કામ આપવાનું બંધ કરી દીધું હતું. જોકે, સલમાને ઘણા ઈન્ટરવ્યુમાં કહ્યું છે કે તેને વિવેક સાથે કોઈ અંગત સમસ્યા નથી અને તેણે કોઈને પણ તેને કામ આપવાની ના પાડી નથી.