મહારાષ્ટ્ર વિધાનસભાના વિશેષ સત્રનો આજે બીજો દિવસ છે. આજે વિપક્ષના બાકીના 115 ધારાસભ્યો શપથ લેશે. આ તમામે 7 ડિસેમ્બરે ઈવીએમ મુદ્દે શપથ લેવાનો ઈન્કાર કરીને વોકઆઉટ કર્યું હતું. શનિવારે 173 ધારાસભ્યોએ શપથ લીધા. જો કે સમાજવાદી પાર્ટીના ધારાસભ્યો અબુ આઝમી અને રઈસ શેખ પણ તેમાં સામેલ હતા. મહારાષ્ટ્રમાં મહાવિકાસ આઘાડી (MVA)માં સપાનો સમાવેશ થાય છે. અહીં ગત વિધાનસભામાં સ્પીકર રહી ચૂકેલા રાહુલ નાર્વેકરે આજે આ પદ માટે ઉમેદવારી નોંધાવી છે. જો આ પદ માટે અન્ય કોઈ દાવેદાર નહીં હોય તો રાહુલ ફરીથી મહારાષ્ટ્ર વિધાનસભાના સ્પીકર બનશે. મહારાષ્ટ્ર વિધાનસભા ભવનની આજની તસવીરો… 9 ડિસેમ્બરે વિધાનસભા સ્પીકરની ચૂંટણી થશે 6 ડિસેમ્બરના રોજ, ધારાસભ્ય કાલિદાસ કોલંબકરને વિધાનસભાના વિશેષ સત્ર માટે પ્રોટેમ સ્પીકર તરીકે ચૂંટવામાં આવ્યા હતા. રાજભવન ખાતે રાજ્યપાલ સીપી રાધાકૃષ્ણને તેમને શપથ લેવડાવ્યા હતા. 9 ડિસેમ્બરે વિધાનસભાના અધ્યક્ષની ચૂંટણી થશે. આ માટે પૂર્વ વિધાનસભા અધ્યક્ષ રાહુલ નાર્વેકર અને ભાજપના ધારાસભ્ય સુધીર મુનગંટીવારના નામ ચર્ચામાં છે. રાહુલ આજે સ્પીકર પદ માટે અરજી ભરશે. અગાઉ એવા સમાચાર હતા કે તેઓ નવી સરકારમાં મંત્રી બનવા માગે છે. આવી સ્થિતિમાં સુધીર મુનગંટીવાર સ્પીકર પદના પ્રબળ દાવેદાર માનવામાં આવતા હતા. ધારાસભ્યોના શપથ અને સ્પીકરની ચૂંટણી બાદ જ રાજ્યપાલનું સંબોધન 9 ડિસેમ્બરે થશે.
