ચશ્માનું ઉત્પાદન કરતી કંપની લેન્સકાર્ટ વિશ્વની સૌથી મોટી આઇવેર મેન્યુફેક્ચરિંગ બનાવવાની ફેક્ટરી બનાવવા જઈ રહી છે. તેલંગાણામાં બનેલી આ ફેક્ટરી માટે કંપની રૂ. 1,500 કરોડનું રોકાણ કરી રહી છે. લેન્સકાર્ટનો આ પ્લાન્ટ અંદાજે 2100 નોકરીઓનું સર્જન કરશે. લેન્સકાર્ટના સહ-સ્થાપક અમિત ચૌધરીએ આજે એટલે કે રવિવારે (8 ડિસેમ્બર) જણાવ્યું હતું કે, આ ફેક્ટરીમાં આઇવેર, લેન્સ, સનગ્લાસની સાથે-સાથે એસેસરીઝ અને અન્ય પ્રોડક્ટ્સ પણ બનાવવામાં આવશે. આ ઉત્પાદન સુવિધામાંથી લેન્સકાર્ટ દક્ષિણ-પૂર્વ એશિયા અને મધ્ય પૂર્વમાં ઉત્પાદનોની નિકાસ પણ કરશે. કંપનીએ કહ્યું- અમે તેલંગાણાના વિકાસથી પ્રભાવિત છીએ 8 ડિસેમ્બરના રોજ રેવન્થ રેડ્ડીની આગેવાની હેઠળની સરકારે એક વર્ષ પૂર્ણ થવા પર કંપની સાથે આ સમજૂતી કરાર (MOU) પર હસ્તાક્ષર કર્યા. કાર્યક્રમમાં અમિત ચૌધરીએ કહ્યું કે, કંપની ઘણા રાજ્યોમાં આ માટે શક્યતાઓ શોધી રહી છે, પરંતુ તેઓ તેલંગાણાના વિકાસથી પ્રભાવિત થયા હતા અને તેમણે સરકાર સાથે આ ડીલ કરી છે. લેન્સકાર્ટ 2010માં બનાવવામાં આવ્યું હતું 2010 માં લેન્સકાર્ટના સ્થાપક પિયુષ બંસલે કોલકાતાના તેમના મિત્ર અમીત ચૌધરી સાથે મળીને એક એવી કંપની બનાવવાની યોજના બનાવી જે ભારતના લોકોની ચશ્મા ન પહેરવાની આદતને બદલી શકે. તેને લિંકડિન પર અન્ય કો-ફાઉન્ડર સુમીત કપાહી મળ્યો. સુમીતે થોડા મહિના પહેલા આઇવેર કંપનીમાં નોકરી છોડી દીધી હતી. ત્રણેય મળીને 2010માં વેલ્યુ ટેક્નોલોજીની રચના કરી, જેમાં અલગ ઈ-કોમર્સ વેબસાઈટ હતી. તેમાં લેન્સકાર્ટ, જ્વેલકાર્ટ, બાગકાર્ટ અને વોચકાર્ટ વેબસાઇટ્સ હતી. થોડા સમય પછી ચશ્માના બજારમાં સંભવિતતા જોઈને ત્રણેય માત્ર લેન્સકાર્ટ પર ધ્યાન કેન્દ્રિત કરવા લાગ્યા. ઓટોમેટિક મેન્યુફેક્ચરિંગ યુનિટ કંપનીએ રાજસ્થાનના ભીવાડીમાં વિશ્વનું પ્રથમ ઓટોમેટિક મેન્યુફેક્ચરિંગ યુનિટ શરૂ કર્યું. હાલમાં કંપનીના દિલ્હી, ગુરુગ્રામ તેમજ ચીનના ઝેંગઝોઉમાં ઉત્પાદન એકમો છે. કંપની બેંગલુરુમાં 1600 કરોડના ખર્ચે નવો પ્લાન્ટ સ્થાપવા જઈ રહી છે. આગામી 18 મહિનામાં ઉત્પાદન શરૂ થશે.
