જમ્મુ-કાશ્મીરના ઉધમપુરમાં રવિવારે સવારે એક પોલીસ વાનમાં બે પોલીસકર્મીઓના મૃતદેહ મળી આવ્યા હતા. તપાસ કરવા આવેલા અધિકારીઓના જણાવ્યા અનુસાર, પોલીસકર્મીઓએ એકબીજાને ગોળી મારી દીધી હતી. પોલીસનું કહેવું છે કે આ પરસ્પર દુશ્મનાવટ સાથે જોડાયેલો મામલો છે. પોલીસકર્મીઓ જમ્મુ ક્ષેત્રના રિયાસીથી સોપોરથી તલવાડામાં સહાયક તાલીમ કેન્દ્ર જઈ રહ્યા હતા. તેમાંથી એક ડ્રાઈવર હતો અને બીજો હેડ કોન્સ્ટેબલ હતો. હેડ કોન્સ્ટેબલે આત્મહત્યા કરતા પહેલા કોઈ મુદ્દે ડ્રાઈવર પર ફાયરિંગ કર્યું હતું. બંને મૃતદેહોને પોસ્ટમોર્ટમ માટે મોકલી દેવામાં આવ્યા છે. આ ઘટનામાં એક સિલેક્શન ગ્રેડ કોન્સ્ટેબલને થોડી ઈજા થઈ છે, જેને સારવાર માટે મોકલવામાં આવ્યો છે. આ મામલે તેની પૂછપરછ કરવામાં આવી રહી છે. AK-47 વડે હુમલો કર્યો, પછી પોતાને ગોળી મારી પોલીસના જણાવ્યા અનુસાર આરોપીએ ફાયરિંગમાં પોતાની એકે 47 રાઈફલનો ઉપયોગ કર્યો હતો. તે સોપોરમાં પોસ્ટેડ હતો અને કાશ્મીરનો રહેવાસી હતો. પ્રાથમિક માહિતીને ટાંકીને કહેવામાં આવ્યું છે કે આરોપીએ પહેલા તેના સાથીદારની ગોળી મારી હત્યા કરી અને પછી આત્મહત્યા કરી.
