બોક્સ ઓફિસ પર પુષ્પ’રાજ’!:રવિવારે હિન્દી વર્ઝને રેકોર્ડ બનાવ્યો, વર્લ્ડ વાઈડ કમાણીનો આંકડો 800 કરોડને પાર

અલ્લુ અર્જુનની ફિલ્મ ‘પુષ્પા-2’ કમાણીના મામલે તમામ રેકોર્ડ તોડી રહી છે. હિન્દી વર્ઝનમાં ફિલ્મે રવિવારે જ 86 કરોડ રૂપિયાનું કલેક્શન કર્યું હતું. તે જ સમયે, ફિલ્મે અત્યાર સુધી ભારતીય બોક્સ ઓફિસ પર 529.45 કરોડ રૂપિયાની કમાણી કરી છે. ઈન્ડસ્ટ્રી ટ્રેકર Sacanilc અનુસાર, ફિલ્મે તેની રિલીઝના ચાર દિવસમાં વિશ્વભરમાં 800 કરોડ રૂપિયાનું કલેક્શન કર્યું છે. ‘પુષ્પા 2’ એ ભારતીય બોક્સ ઓફિસ પર તેના પહેલા રવિવારે 141.5 કરોડ રૂપિયાની કમાણી કરી છે. આ સાથે દેશભરમાં ચાર દિવસમાં ફિલ્મની કુલ કમાણી 529.45 કરોડ રૂપિયા પર પહોંચી ગઈ છે. ટ્રેડ એક્સપર્ટ તરણ આદર્શ અનુસાર, ‘પુષ્પા 2’ એ રવિવારે માત્ર હિન્દી વર્ઝનમાં 86 કરોડ રૂપિયાની કમાણી કરી હતી. ‘પુષ્પા 2’ ફિલ્મના ઓપનિંગ ડે કલેક્શનની વાત કરીએ તો તેણે વિશ્વભરમાં 294 કરોડ રૂપિયાની કમાણી કરી હતી. જેમાં ભારતીય બોક્સ ઓફિસ પર ફિલ્મનું કલેક્શન 175.1 કરોડ રૂપિયા હતું. ‘પુષ્પા-2’ એ હિન્દી વર્ઝનમાં 72 કરોડ રૂપિયાની કમાણી કરી હતી. ભારતીય બોક્સ ઓફિસ પર કલેક્શનની વાત કરીએ તો ‘પુષ્પા-2’ એ એસએસ રાજામૌલીની ફિલ્મ RRRનો રેકોર્ડ પણ તોડી નાખ્યો. RRR એ ભારતીય બોક્સ ઓફિસ પર રૂ. 133 કરોડની કમાણી કરી હતી. હિંદીમાં ‘પુષ્પા-2’ કમાણી આ ફિલ્મ 5 ભાષાઓમાં રિલીઝ થઈ છે
‘પુષ્પા-2′ 5 ભાષાઓમાં રિલીઝ થઈ છે – તમિલ, તેલુગુ, મલયાલમ, કન્નડ અને હિન્દી. અલ્લુ અર્જુન ફરી એકવાર ફિલ્મમાં પુષ્પરાજના રોલમાં જોવા મળશે. રશ્મિકા મંદન્ના પણ શ્રીવલ્લીના અવતારમાં જોવા મળે છે. ફિલ્મની સ્ટોરી જબરદસ્ત છે અને ક્લાઈમેક્સ પણ વધુ અદભૂત છે. આ કારણથી દર્શકોને આ ફિલ્મ ઘણી પસંદ આવી રહી છે. બોક્સ ઓફિસ પર પુષ્પ’રાજ’! 500 કરોડનું બજેટ, 200 મિનિટનો રનટાઈમ, થિયેટરોમાં રિલીઝ ફિલ્મ 2022માં રિલીઝ થવાની હતી
અલ્લુ અર્જુને વર્ષ 2019માં ‘પુષ્પાઃ ધ રાઇઝ’ (પ્રથમ ભાગ)નું શૂટિંગ શરૂ કર્યું હતું. આ સમયે દિગ્દર્શક સુકુમારે જાહેરાત કરી હતી કે તેઓ આ ફિલ્મને બે ભાગમાં રિલીઝ કરશે. તેઓ પહેલો ભાગ 2021માં અને બીજો ભાગ 2022માં રિલીઝ કરવા માગતા હતા. મીડિયા રિપોર્ટ્સ અનુસાર, અલ્લુ અર્જુન અને ડિરેક્ટર સુકુમાર વચ્ચે મતભેદને કારણે ફિલ્મનું શૂટિંગ અધવચ્ચે જ રોકવું પડ્યું હતું. 2 વર્ષ સુધી વિલંબ થયા પછી આ ફિલ્મ 15 ઓગસ્ટના રોજ રિલીઝ થવાની હતી, પરંતુ એ ફરીથી મોકૂફ રાખવામાં આવી હતી. ‘પુષ્પા’ 2021ની સૌથી વધુ કમાણી કરનારી ફિલ્મ હતી
2021માં રિલીઝ થયેલી ‘પુષ્પાઃ ધ રાઇઝ’ એ વર્ષની સૌથી વધુ કમાણી કરનાર ભારતીય ફિલ્મ હતી. તમામ સંસ્કરણો સહિત આ ફિલ્મે ભારતમાં 313 કરોડ રૂપિયા અને વિશ્વભરમાં 350 કરોડ રૂપિયાનો બિઝનેસ કર્યો હતો. સૌથી વધુ કમાણી કરનાર તેલુગુ ફિલ્મોની યાદીમાં એ છઠ્ઠા નંબર પર છે.