પાટણ જિલ્લામાં 3 દિવસમાં ફાયરિંગનો બીજો બનાવ:રાધનપુરમાં 2 રાઉન્ડ ફાયરિંગ કરી રિટાયર્ડ જેલરના ઘરે 6 લોકોના ટોળાએ કાળો કેર વર્તાવ્યો, 2 કાર અને ઘર બહાર તોડફોડ કરી

રાધનપુર રામદેવ સોસાયટીમાં ગત રોજ રિટાયર્ડ જેલર કરશન રબારી ઘરે 5થી 6 ઈસમો રાત્રે દરમિયાન ઘસી આવી આશરે બે રાઉન્ડ ફાયરિંગ કરી 2 જેટલી ગાડીઓને નુકસાન કર્યું હતું. ઘટનાની જાણ થતાં ઘટના સ્થળે પહોંચી પોલીસે વધુ તપાસ હાથ ધરી છે. પાટણ જિલ્લામાં છેલ્લા બે દિવસમાં ફાયરિંગની બે ઘટના સામે આવી હતી. ઘટનાને પગલે પોલીસ કાફલો દોડી ગયો
ગત રાત્રે રાધનપુર શહેરની રામદેવ સોસાયટીમાં રહેતા રિટાયર્ડ જેલરના ઘરે રાત્રીના સમયે 5થી 6 જેટલા ઈસમો આશરે 2 રાઉન્ડ ફાયરિંગ કર્યું હતું. આ સાથે 2 કારને નુકસાન કરવામાં આવ્યું હતું. તો રિટાયર્ડ જેલરના ઘરના બારીના કાચ ફોડી તોડફોડ કરી હતી. ફાયરિંગની ઘટનાની જાણ પોલીસને થતાં ઘટના સ્થળે પહોંચી રાધનપુર પોલીસ દ્વારા વધુ તપાસ હાથ ધરવામાં આવી હતી. આ ઘટનાને લઈ પોલીસ ફરિયાદ નોંધવાની તજવીજ હાથ ધરવામાં આવી છે. હુમલાખોરો એકાદને મારી નાખત
કે.એલ. દેસાઈએ જણાવ્યું હતું કે, છોકરાની બોલાચાલીમાં કેટલાક લુખ્ખા તત્વો દ્વારા ધારિયું, કાતરો લઇ મારા ઘર પર ફાયરિગ કર્યું હતું. ઘરમાં ઘૂસવાની કોશિશ કરી જાળી, બારી તોડી નાખી હતી અને કહેતા હતા કે, તમે બહાર નીકળો? તમને મારી નાખવાના છે. તમારા છોકરાને મારી નાખવાના છે. નીચે નમી જતાં ઈજાઓ થઇ નહતી. મેં બારણું ખોલ્યું નહીં, બારણું ખોલત તો એકાદાને આ લોકો ખસી ઘાલત. હુમલો કરનાર 5 થી 6 લોકો હતા. અમારી માગ છે કે કાયદેસર કાર્યવાહી કરવામાં આવે. આ લોકો સોસાયટીમાં આવી ફાયરિંગ કરતા હોય તો એમને કોઈ કાયદાની બીક નથી.