ભારતીય બેટર શુભમન ગિલે કહ્યું- ‘જો તમે નહીં જીતો તો તમને ડર લાગશે. અમે છેલ્લી વખત અને ભારતમાં પણ જીત્યા હતા. આ પેઢી કોણ બોલિંગ કરી રહ્યું છે તે વિશે વિચારતી નથી અને માત્ર બોલને જુએ છે.’ બ્રિસ્બેનના ગાબા મેદાન પર શનિવાર, 14 ડિસેમ્બરથી શરૂ થઈ રહેલી બોર્ડર-ગાવસ્કર ટ્રોફીની ત્રીજી મેચ પહેલા ગિલ મીડિયા સાથે વાત કરી રહ્યો હતો. તેણે એક દિવસ અગાઉ વર્લ્ડ ચેસ ચેમ્પિયનશિપ જીતનાર ડી ગુકેશને પણ અભિનંદન પાઠવ્યા હતા. ગિલે કહ્યું- ‘હું ભારતીય ક્રિકેટ ટીમ વતી ગુકેશને અભિનંદન આપું છું. સૌથી યુવા વર્લ્ડ ચેસ ચેમ્પિયન બનવું એ પોતાનામાં એક સિદ્ધિ છે.’ ગુકેશે ગુરુવારે રાત્રે ચીનના ડિંગ લિરેનને 7.5-6.5થી હરાવ્યો હતો. ગાબાઃ ગિલમાં જૂની યાદો તાજી થઈ
ગિલે કહ્યું કે 2021માં ગાબામાં ઓસ્ટ્રેલિયા જીત્યા બાદ જ્યારે અમે પહેલીવાર ગાબા ખાતે પ્રેક્ટિસ કરવા આવ્યા ત્યારે જૂની યાદો તાજી થઈ ગઈ હતી. અહીં ભારતીય ટીમે ગત ઓસ્ટ્રેલિયા પ્રવાસમાં 3 વિકેટે વિજય નોંધાવ્યો હતો. ગિલના મુખ્ય મુદ્દાઓ… સિરીઝ 1-1ની બરાબરી પર
5 મેચની ટેસ્ટ સિરીઝ 1-1ની બરાબરી પર છે. ભારતીય ટીમે ઓસ્ટ્રેલિયા સામે પર્થ ટેસ્ટમાં 295 રને જીત મેળવી સિરીઝમાં 1-0ની લીડ મેળવી લીધી છે. ત્યારબાદ ઓસ્ટ્રેલિયાએ એડિલેડ ટેસ્ટ 10 વિકેટે જીતીને સિરીઝમાં પરત ફર્યું હતું.
ગિલે કહ્યું- નવી પેઢી બોલને જુએ છે, બોલરોને નહીં:કહ્યું- પ્રથમ ઇનિંગમાં મોટો સ્કોર બનાવવાની જરૂર; ગુકેશને અભિનંદન આપ્યા
