‘કૌન બનેગા કરોડપતિ 16’ના આગામી એપિસોડનો નવો પ્રોમો સામે આવ્યો છે. આ વખતે શુક્રવારે આગામી ફિલ્મ ‘વનવાસ’ની સ્ટાર કાસ્ટ ‘KBC 16’માં આવશે. હોસ્ટ અમિતાભ બચ્ચન નાના પાટેકર, ઉત્કર્ષ શર્મા, સિમરત કૌર અને લેખક-દિગ્દર્શક અનિલ શર્માનું શોમાં સ્વાગત કરશે. સૌ પ્રથમ, નાના પાટેકર હોટ સીટ પર બેસશે, નામ ફાઉન્ડેશન માટે KBC રમશે અને અમિતાભ બચ્ચન સાથે મજેદાર વાતચીત કરશે. બિગ-બી સાથે ગીત ગાશે નાના પાટેકર
રિલીઝ થયેલા પ્રોમોની શરૂઆત નાના પાટેકરના ગીતથી થાય છે. મોહમ્મદ રફીનું ગીત “મેં જિંદગી કા સાથ નિભાતા ચલા ગયા” ગાતી વખતે નાના પાટેકર બિગ બી પાસે જાય છે અને પછી બંને એકબીજાને ગળે લગાડે છે અને ગીત પર ડાન્સ કરે છે. નાના પાટેકરના ડાયલોગનો બિગ બીએ આપ્યો જવાબ
બીજા પ્રોમોમાં નાના પાટેકર તેમની ફિલ્મ ‘વેલકમ’નો એક ડાયલોગ બોલે છે, “બધું ભગવાને આપ્યું છે – બંગ્લા છે, કાર છે, તમારી પાસે શું છે?” અમિતાભ કહે છે, “આજે મારી પાસે નાના પાટેકર છે.” આ પછી દર્શકો જોર જોરથી હસવા લાગે છે. તેના જવાબમાં નાના પાટેકર કહે છે, “તમે આગામી 25 વર્ષ સુધી KBCને સંભાળો, ત્યાર બાદ હું તેને સંભાળીશ.” ક્યારે પ્રસારિત થશે એપિસોડ?
‘કૌન બનેગા કરોડપતિ 16’ એપિસોડ શુક્રવારે રાત્રે 9 વાગ્યે સોની એન્ટરટેઈનમેન્ટ ટેલિવિઝન પર પ્રસારિત થશે. નાના પાટેકરની ફિલ્મ ‘વનવાસ’ 20મી ડિસેમ્બરે સિનેમાઘરોમાં રિલીઝ થશે.
‘તમે 25 વર્ષ સુધી KBC સંભાળો, પછી હું સંભાળીશ’:નાના પાટેકર અને અમિતાભ વચ્ચે જબરજસ્ત ડાયલોગબાજી, ‘કૌન બનેગા કરોડપતિ 16’નો આગામી એપિસોડનો પ્રોમો રિલીઝ
