ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફી (BGT)ની ત્રીજી ટેસ્ટ 14 ડિસેમ્બરથી રમાશે. મેચ બ્રિસ્બેનના ધ ગાબા સ્ટેડિયમમાં સવારે 5:50 વાગ્યે શરૂ થશે. 5 મેચની ટેસ્ટ સિરીઝ 1-1 થી બરાબરી પર છે. પહેલી મેચ ભારત અને બીજી મેચ ઓસ્ટ્રેલિયાએ જીતી હતી. આ મેચમાં બંને ટીમ પોતાની પ્લેઇંગ-11માં ફેરફાર સાથે પ્રવેશ કરી શકે છે. સ્ટોરીમાં જાણો ભારતની બીજી ટેસ્ટ માટે સંભવિત પ્લેઇંગ-11… બેટિંગ ક્રમમાં ફેરફારનો ઓછો અવકાશ
આ મેચમાં ભારતીય ટીમના બેટિંગ ક્રમમાં ફેરફારને બહુ ઓછો અવકાશ છે. કેપ્ટન રોહિત શર્મા ત્રીજી મેચમાં પણ મિડલ ઓર્ડરમાં બેટિંગ કરી શકે છે. યશસ્વી જયસ્વાલ જ ઓપનિંગ કરશે. કેએલ રાહુલ તેની સાથે ઉતરશે. શુભમન ગિલ નંબર-3, વિરાટ કોહલી નંબર-4, રિષભ પંત નંબર-5 અને રોહિત નંબર-6 પર રહેશે. ત્રીજી મેચ પહેલા પ્રેક્ટિસ સેશનમાં ખેલાડીઓએ આ જ ક્રમમાં બેટિંગ કરી હતી. સુંદર પરત ફરી શકે છે
એડિલેડમાં ભારતનો એકમાત્ર સ્પિનર રવિચંદ્રન અશ્વિન હતો, જોકે તેને આ મેચમાંથી બહાર બેસવું પડી શકે છે. વોશિંગ્ટન સુંદર તેમના સ્થાને પરત આવી શકે છે. એડિલેડ ટેસ્ટમાં અશ્વિને પ્રથમ દાવમાં 18 ઓવરમાં 53 રન આપીને માત્ર 1 વિકેટ લીધી હતી. તેણે બંને દાવમાં બેટિંગ કરીને 29 રન બનાવ્યા હતા. ભારત માટે વર્તમાન ટીમના રિષભ પંત, શુભમન ગિલ અને વોશિંગ્ટન સુંદરે બ્રિસ્બેનમાં ફિફ્ટી ફટકારી છે. સુંદરના નામે અહીં એક મેચની બે ઇનિંગ્સમાં 84 રન છે. સુંદરની હાજરીથી ટીમને લેફ્ટ-રાઇટ કોમ્બિનેશનનો વિકલ્પ પણ મળશે અને ભારતની બેટિંગમાં ઉંડાણ આવશે. સુંદર અને અશ્વિન સિવાય રવીન્દ્ર જાડેજાનો પણ વિકલ્પ છે, પરંતુ ભૂતકાળના રેકોર્ડને જોતા સુંદર પ્લેઇંગ-11નો ભાગ બની શકે છે. અન્ય ઓલરાઉન્ડર નીતિશ રેડ્ડી હશે, જે સતત બેટથી સારું પ્રદર્શન કરી રહ્યો છે. પ્રસિદ્ધ-આકાશમાં ત્રીજા પેસરની જંગ
વાઇસ કેપ્ટન જસપ્રીત બુમરાહ અને મોહમ્મદ સિરાજ પ્રથમ 2 પેસર હશે. આ બંનેને છોડીને બોલિંગ ઓલરાઉન્ડર હર્ષિત રાણાએ એડિલેડ ટેસ્ટમાં નિરાશ કર્યો હતો. બંને ઇનિંગ્સમાં તેને એક પણ વિકેટ મળી ન હતી. ઉપરાંત, તે બંને ઇનિંગ્સમાં પોતાનું ખાતું પણ ખોલી શક્યો ન હતો. આવી સ્થિતિમાં, શક્ય છે કે હર્ષિત ગાબા ટેસ્ટમાંથી બહાર બેસી શકે. તેના સ્થાને ઝડપી બોલર પ્રસિદ્ધ ક્રિષ્નાને તક મળી શકે છે. જમણા હાથનો ઝડપી બોલર આકાશ દીપ પણ દાવેદાર છે. ગ્રાફિક્સમાં ઈન્ડિયાની પોસિબલ-11 જુઓ ઓસ્ટ્રેલિયા ટીમના પ્લેઇંગ-11માં એક ફેરફાર
ફાસ્ટ બોલર જોશ હેઝલવુડની ત્રીજી મેચ માટે ઓસ્ટ્રેલિયાની ટીમમાં પરત ફર્યો છે. ટીમે શુક્રવારે ગાબા ટેસ્ટ માટે પ્લેઇંગ-11ની જાહેરાત કરી હતી. હેઝલવુડ સાઇડ સ્ટ્રેનને કારણે એડિલેડ ટેસ્ટમાં રમી શક્યો નહોતો. હેઝલવુડના પરત ફરવાની સાથે, સ્કોટ બોલેન્ડ પ્લેઇંગ-11માંથી બહાર છે. ગાબા ટેસ્ટ ગૂગલ ટ્રેન્ડમાં આવ્યો
બોર્ડર-ગાવસ્કર ટ્રોફીની ત્રીજી મેચ શનિવાર 14 ડિસેમ્બરથી બ્રિસ્બેનમાં રમાશે. આ મેચ ઐતિહાસિક ગાબા મેદાન પર રમાશે. ગાબા ટેસ્ટને ગૂગલમાં ખૂબ સર્ચ કરવામાં આવી રહ્યું છે. નીચે ગૂગલ ટ્રેન્ડ જુઓ… સંદર્ભ: Google Trends BGT સંબંધિત આ સમાચાર પણ વાંચો… જોશ હેઝલવુડ ઓસ્ટ્રેલિયાના પ્લેઇંગ-11માં પરત ફર્યો ઓસ્ટ્રેલિયાનો ફાસ્ટ બોલર જોશ હેઝલવુડ સંપૂર્ણ રીતે ફિટ છે. તે બોર્ડર-ગાવસ્કર ટ્રોફીની ત્રીજી મેચમાં ઓસ્ટ્રેલિયન ટીમ સાથે ભાગ લેશે. હેઝલવુડ બ્રિસ્બેન ટેસ્ટમાં સ્કોટ બોલેન્ડનું સ્થાન લેશે. સંપૂર્ણ સમાચાર વાંચો.
બ્રિસ્બેન ટેસ્ટ માટે ભારતની સંભવિત પ્લેઇંગ-11:પ્રસિદ્ધ અથવા આકાશમાંથી કોઈ એકને તક; બંને ટીમ પોતાની પ્લેઇંગ-11માં ફેરફાર કરી શકે
