એક્ટ્રેસ રાધિકા આપ્ટે લગ્નના 12 વર્ષ બાદ માતા બની છે. તેણે એક સુંદર પુત્રીને જન્મ આપ્યો છે. તેણે સોશિયલ મીડિયા પર એક તસવીર શેર કરીને આ માહિતી આપી હતી, જેમાં તે તેની પુત્રીને ફીડિંગ કરાવતી જોવા મળી રહી છે. રાધિકાએ 2012માં બ્રિટિશ વાયોલિન પ્લેયર અને સિંગર બેનેડિક્ટ ટેલર સાથે લગ્ન કર્યા હતા. વાસ્તવમાં, રાધિકા આપ્ટેએ તેની પુત્રીને સ્તનપાન કરાવતી વખતે એક ફોટો ઇન્સ્ટાગ્રામ પર શેર કર્યો હતો. આ ફોટોમાં તે લેપટોપ પર કામ કરતી જોવા મળી રહી છે, તે જ સમયે તે પોતાની દીકરીને સ્તનપાન કરાવી રહી છે. કેપ્શનમાં તેણે લખ્યું કે, ‘બાળકના જન્મના એક અઠવાડિયા પછી પહેલી મુલાકાત.’ મિત્રોએ રાધિકાને અભિનંદન પાઠવ્યા
રાધિકાના માતા બનવાની જાહેરાત સાથે જ તેને સોશિયલ મીડિયા પર ખૂબ અભિનંદન મળી રહ્યા છે. ફરહાન અખ્તરે લખ્યું, ‘અભિનંદન અને જન્મદિવસની શુભકામનાઓ.’ દિવ્યેન્દુ શર્મા, વિજય વર્મા, કોંકણા સેન શર્મા અને ઝોયા અખ્તર જેવા સ્ટાર્સની સાથે ઘણા ચાહકોએ પણ તેને માતા બનવા પર અભિનંદન પાઠવ્યા છે. રાધિકાએ 2 મહિના પહેલા પોતાનો બેબી બમ્પ ફ્લોન્ટ કર્યો હતો
રાધિકા આપ્ટે 16 ઓક્ટોબરે BFI લંડન ફિલ્મ ફેસ્ટિવલમાં ફિલ્મ ‘સિસ્ટર મિડનાઈટ’ના સ્ક્રીનિંગમાં હાજરી આપવા પહોંચી હતી. જ્યાં તેણે પોતાના ઈન્સ્ટાગ્રામ પર કેટલીક તસવીરો શેર કરી છે. આ તસવીરોમાં, રાધિકા બ્લેક બોડીકોન ડ્રેસમાં પ્રથમ વખત તેના બેબી બમ્પને ફ્લોન્ટ કરતી જોવા મળી હતી. રાધિકાના લગ્ન 2012માં થયા હતા
રાધિકા આપ્ટેએ વર્ષ 2012માં બ્રિટિશ વાયોલિન પ્લેયર અને સિંગર બેનેડિક્ટ ટેલર સાથે લગ્ન કર્યા હતા. બંનેની મુલાકાત 2011માં થઈ હતી. લગભગ એક વર્ષ લિવિંગ રિલેશનશિપમાં રહ્યા બાદ બંનેએ 2012માં લગ્ન કરી લીધા હતા. આ ફિલ્મોમાં જોવા મળી છે
રાધિકા આ ફિલ્મોમાં જોવા મળી છે તેના કરિયરની વાત કરીએ તો તેણે ‘શોર ઇન ધ સિટી’, ‘વેટ્રી સેલવાન’, ‘બદલાપુર’, ‘માંઝી ધ માઉન્ટેન મેન’, ‘ફોબિયા’, ‘પેડ મેન’ અને ફિલ્મ્સમાં કામ કર્યું છે. ‘અંધાધુન’ જેવી ફિલ્મોમાં કામ કર્યું છે.
‘બદલાપુર’ ફેમ રાધિકા લગ્નના 12 વર્ષ બાદ માતા બની:બાળકને બ્રેસ્ટફીડિંગ કરાવતા ફોટો શેર કર્યો; ચાહકોએ કહ્યું- અભિનંદન
