ઇન્ફોસિસના કૌો-ફાઉન્ડર નારાયણ મૂર્તિએ ફરી એકવાર અઠવાડિયામાં 70 કલાક કામ કરવાની વાત કરી છે. તેમણે કહ્યું- યુવાનોએ સમજવું પડશે કે આપણે સખત મહેનત કરવી પડશે અને ભારતને નંબર વન બનાવવા માટે કામ કરવું પડશે. તેમણે કહ્યું, ‘આપણે આપણી આકાંક્ષાઓને ઊંચી રાખવી પડશે કારણ કે 800 મિલિયન (80 કરોડ) ભારતીયોને મફત રાશન મળે છે. મતલબ કે 800 મિલિયન ભારતીયો ગરીબીમાં છે. જો આપણે સખત મહેનત કરવાની સ્થિતિમાં નથી, તો પછી કોણ મહેનત કરશે. મૂર્તિએ કહ્યું, ‘ઇન્ફોસિસમાં, મેં કહ્યું હતું કે અમે શ્રેષ્ઠ કંપનીઓમાં જઈશું અને શ્રેષ્ઠ વૈશ્વિક કંપનીઓ સાથે અમારી સરખામણી કરીશું. એકવાર આપણે આપણી જાતને શ્રેષ્ઠ વૈશ્વિક કંપનીઓ સાથે સરખાવીએ, તો હું તમને કહી શકું કે આપણે ભારતીયો પાસે કરવા માટે ઘણું છે. તેમણે કહ્યું કે તેઓ એક સમયે ડાબેરી હતા, જ્યારે જવાહરલાલ નેહરુ વડાપ્રધાન હતા અને ઈન્ડિયન ઈન્સ્ટિટ્યૂટ ઓફ ટેક્નોલોજી વાસ્તવિકતા બની ગઈ હતી. મૂર્તિ રવિવારે કોલકાતા પહોંચ્યા હતા. તેમણે ઈન્ડિયન ચેમ્બર ઓફ કોમર્સના શતાબ્દી સમારોહના ઉદ્ઘાટન કાર્યક્રમમાં હાજરી આપી હતી. મૂર્તિએ કહ્યું- વિશ્વ ભારતને તેના પ્રદર્શન માટે સન્માન આપે છે. પ્રદર્શનથી ઓળખ મળે છે, ઓળખથી સન્માન મળે છે, સન્માનથી શક્તિ મળે છે. હું યુવાનોને કહેવા માંગતો હતો કે અમારા સ્થાપકોના સપનાને સાકાર કરવાની અમારી મોટી જવાબદારી છે. આ માટે આપણે બધાએ સખત મહેનત કરવી પડશે. અમે બધા નેહરુ અને સમાજવાદના પ્રશંસક હતા RPSG ગ્રુપના ચેરમેન સંજીવ ગોએન્કા સાથે વાત કરતાં મૂર્તિએ કહ્યું- મારા પિતા તે સમયે દેશમાં થઈ રહેલી અસાધારણ પ્રગતિ વિશે વાત કરતા હતા. અમે નેહરુ અને સમાજવાદના પ્રશંસક હતા. તેમણે કહ્યું કે મને 70ના દાયકાની શરૂઆતમાં પેરિસમાં કામ કરવાનો મોકો મળ્યો, પરંતુ હું મૂંઝવણમાં હતો. પશ્ચિમના દેશો ભારત કેટલું ગંદુ અને ભ્રષ્ટ છે તેની વાતો કરતા હતા. મારા દેશમાં ગરીબી હતી અને રસ્તાઓ પર ખાડાઓ હતા. મૂર્તિએ કહ્યું કે પશ્ચિમી દેશોમાં દરેક વ્યક્તિ ખૂબ સમૃદ્ધ છે. ટ્રેનો સમયસર ચાલતી હતી. મને લાગ્યું કે આ ખોટું ન હોઈ શકે. હું ફ્રેન્ચ કોમ્યુનિસ્ટ પાર્ટીના નેતાને મળ્યો અને તેમણે મારા બધા પ્રશ્નોના જવાબ આપ્યા, પણ હું સંતુષ્ટ નહોતો. ઉદ્યોગસાહસિકો રાષ્ટ્રનું નિર્માણ કરે છે મૂર્તિએ કહ્યું- મને સમજાયું કે દેશ ગરીબી સામે ત્યારે જ લડી શકે છે જો તે રોજગારનું સર્જન કરે જે ખર્ચકરવા લાયક આવક તરફ દોરી જાય. ઉદ્યોગસાહસિકતામાં સરકારની કોઈ ભૂમિકા નથી. મને એ પણ સમજાયું કે ઉદ્યોગસાહસિકો રાષ્ટ્રોનું નિર્માણ કરે છે કારણ કે તેઓ નોકરીઓનું સર્જન કરે છે. તેઓ તેમના રોકાણકારો માટે સંપત્તિ બનાવે છે અને કર ચૂકવે છે. તેમણે કહ્યું કે જો કોઈ દેશ મૂડીવાદ અપનાવશે તો તે સારા રસ્તા, સારી ટ્રેન અને સારી ઈન્ફ્રાસ્ટ્રક્ચર બનાવશે. ભારત જેવા ગરીબ દેશમાં જ્યાં મૂડીવાદે તેના મુળ પણ જમાવ્યા નહોતા, મને સમજાયું કે મારે પાછા આવીને ઉદ્યોગસાહસિકતાનો પ્રયોગ કરવો પડશે. પ્રદર્શનથા ઓળખ મળે છે અને ઓળખથી સન્માન મૂર્તિએ કહ્યું કે માણસ વિચારી શકે છે અને વ્યક્ત કરી શકે છે. ભગવાને આપણને વિચારવાની ક્ષમતા આપી છે અને આ આપણને આપણા કરતાં ઓછા ભાગ્યશાળી લોકો વિશે વિચારવાનો અધિકાર આપે છે. એ નક્કી કરવું પડશે કે બાકીની દુનિયાએ ભારતનું સન્માન કરવું જોઈએ. તેમણે કહ્યું કે અહીં કોઈએ મને કહ્યું કે ચીની કર્મચારીઓ ભારતીય કરતા 3.5 ગણા વધુ પ્રોડક્ટિવ છે. આપણા માટે બકવાસ લખવું, દુઃખી, ગંદા અને ગરીબ અને દુનિયાથી અળગા રહેવું ખૂબ જ સરળ છે. ગયા વર્ષે પણ 70 કલાક કામ કરવાની સલાહ આપવામાં આવી હતી ગયા વર્ષે 2023માં નારાયણ મૂર્તિએ દેશના યુવાનોને અઠવાડિયામાં 70 કલાક કામ કરવાની સલાહ આપી હતી. આ પછી સોશિયલ મીડિયા ઘણા જુદા જુદા જૂથોમાં વહેંચાઈ ગયું હતું. આ નિવેદન પછી મૂર્તિને જેટલી ટીકા થઈ તેટલું જ સમર્થન પણ મળ્યું. જો કે, નિષ્ણાતો માને છે કે લોકોના સ્વાસ્થ્ય પર તેની ખરાબ અસર પડશે.
