ઓસ્ટ્રેલિયાના ફાસ્ટ બોલર જોશ હેઝલવુડ બોર્ડર-ગાવસ્કર ટ્રોફીમાંથી બહાર થઈ શકે છે. ત્રીજી મેચ દરમિયાન તે ઈજાગ્રસ્ત થયો હતો. હેઝલવુડને ઘણી ઈજા થઈ છે. ભારત સામેના ચોથા દિવસે વોર્મ-અપ દરમિયાન તેને જમણા પગમાં ઈજા થઈ હતી. હેઝલવુડ બ્રિસબેન ટેસ્ટમાં ચોથા દિવસે માત્ર એક જ ઓવર નાખી શક્યો અને મેદાનની બહાર ચાલ્યો ગયો. તે પછી તેને સ્કેન માટે જવું પડ્યું. સ્કેન્સે પુષ્ટિ કરી કે તેના પગની પિંડીમાં દુખાવો છે. આવી સ્થિતિમાં, તે સિરીઝની બાકીની મેચમાંથી બહાર થવાની સંભાવના છે. હેઝલવુડ ઈજામાંથી પરત ફરી રહ્યો હતો
33 વર્ષીય હેઝલવુડ બ્રિસ્બેન ટેસ્ટમાં ઈજામાંથી સાજા થયા બાદ પુનરાગમન કરી રહ્યો હતો. પર્થમાં રમાયેલી પ્રથમ ટેસ્ટ બાદ જોશ હેઝલવુડ સાઇડ હેમસ્ટ્રિંગના કારણે બીજી ટેસ્ટમાંથી બહાર થઈ ગયો હતો. તેના સ્થાને સ્કોટ બોલેન્ડને એડિલેડ ટેસ્ટ માટે ટીમમાં સામેલ કરવામાં આવ્યો હતો. હેઝલવૂડ બ્રિસ્બેન ટેસ્ટ માટે ફિટ થઈ જતાં, બોલેન્ડને પ્લેઇંગ-11માંથી બહાર કરવામાં આવ્યો હતો. સિરીઝ 1-1ની બરાબરી પર
5 મેચની ટેસ્ટ સિરીઝ 1-1ની બરાબરી પર છે. ભારતીય ટીમે ઓસ્ટ્રેલિયા સામે પર્થ ટેસ્ટમાં 295 રને જીત મેળવી સિરીઝમાં 1-0ની લીડ મેળવી લીધી છે. ત્યારબાદ ઓસ્ટ્રેલિયાએ એડિલેડ ટેસ્ટ 10 વિકેટે જીતી હતી.
હેઝલવુડ BGTની બાકીની સિરીઝમાંથી બહાર થઈ શકે:જમણા પગમાં દુખાવાની ફરિયાદ કરી; ભારત સામેની ત્રીજી ટેસ્ટમાં માત્ર 6 ઓવર જ ફેંકી શક્યો
