ટીવી અભિનેત્રીદેવોલીના ભટ્ટાચાર્જી માતા બની છે. તેઓએ 18 ડિસેમ્બરે બાળકનું સ્વાગત કર્યું. અભિનેત્રીએ પોતે તેના સોશિયલ મીડિયા હેન્ડલ દ્વારા આ માહિતી આપી હતી. ત્યારથી તેમના મિત્રો અને ચાહકો કપલને અભિનંદન આપી રહ્યા છે. ખરેખર,દેવોલીના ભટ્ટાચાર્જીએ આજે તેના ઇન્સ્ટાગ્રામ એકાઉન્ટ પર એક વીડિયો શેર કર્યો છે. તેના કેપ્શનમાં તેણે લખ્યું, ‘હેલો વર્લ્ડ! અમારા ત્યાં નાનો એન્જલ આવી ગયો છે. દેવોલીના માતા બની કે તરત જ સોશિયલ મીડિયા પર ચાહકો અને સ્ટાર્સ તેને અને તેના પતિને અભિનંદન આપી રહ્યા છે. પારસ છાબરાએ લખ્યું, ‘અભિનંદન.’, દીપિકા સિંહે લખ્યું, ‘ખૂબ અભિનંદન,’ આ સિવાય જય ભાનુશાલી, આરતી સિંહ અને અન્ય ઘણા સ્ટાર્સે પણ તેને અભિનંદન પાઠવ્યા છે. વર્ષ 2022માં જિમ ટ્રેનર સાથે લગ્ન કર્યા
દેવોલિના ભટ્ટાચારીએ 2022માં તેના જિમ ટ્રેનર શાહનવાઝ શેખ સાથે લગ્ન કર્યા હતા. પતિ શાહનવાઝ સાથેનો ફોટો શેર કરતા તેણે લખ્યું હતું કે, ‘હા, હવે હું ગર્વથી કહી શકું છું કે હું પરિણીત છું. દીવો લઈને શોધ્યો હોત તો પણ તારા જેવો કોઈ ન મળ્યો હોત. તમે મારી પ્રાર્થનાનો જવાબ છો. હું તને ખૂબ પ્રેમ કરું છું. આપ સૌને ખૂબ ખૂબ પ્રેમ. અમને તમારી પ્રાર્થનામાં યાદ રાખો. દેવોલિના-શાહનવાઝે બે વર્ષ સુધી ડેટિંગ કર્યા બાદ લગ્ન કર્યાં
મીડિયા રિપોર્ટ્સ અનુસાર, દેવોલિના અને શાહનવાઝ જીમમાં મળ્યા હતા. બંનેએ લગભગ બે વર્ષ એકબીજાને ડેટ કર્યા હતા.
‘સાથ નિભાના સાથિયા’ ફેમ દેવોલીના ભટ્ટાચાર્જી માતા બની:એક્ટ્રેસે આપ્યો છોકરાને જન્મ, કહ્યું- અમારા ત્યાં લિટલ એન્જલ આવી ગયો છે
