દિલ્હી ચૂંટણી પહેલા કોંગ્રેસ અને આમ આદમી પાર્ટી વચ્ચે તણાવ વધી ગયો છે. સૂત્રોના જણાવ્યા અનુસાર, હવે આમ આદમી પાર્ટી (AAP) કોંગ્રેસને ઈન્ડિયા બ્લોકમાંથી બહાર કરવા માગે છે. આ માટે તે અન્ય પક્ષો સાથે વાત કરશે. દિલ્હીના મુખ્યમંત્રી આતિશી અને આમ આદમી પાર્ટીના વરિષ્ઠ નેતા સંજય સિંહ બપોરે 1 વાગ્યે આ મુદ્દે પ્રેસ કોન્ફરન્સ કરશે. આમ આદમી પાર્ટી સાથે જોડાયેલા સૂત્રોના જણાવ્યા અનુસાર, AAP નેતાઓમાં કોંગ્રેસને લઈને ભારે નારાજગી છે. તેથી, હવે AAP કોંગ્રેસને ઈન્ડિયા એલાયન્સમાંથી બહાર કરવા માટે અન્ય પક્ષો સાથે વાત કરશે. AAPનો આરોપ છે કે કોંગ્રેસ ભાજપ સાથે મળીને કામ કરી રહી છે. AAP નેતાઓમાં કોંગ્રેસ સામે નારાજગી
સૂત્રોના જણાવ્યા અનુસાર, AAP નેતાઓ કોંગ્રેસના નેતાઓના સતત નિવેદનોથી નારાજ છે. એક દિવસ પહેલા જ દિલ્હી યુથ કોંગ્રેસે અરવિંદ કેજરીવાલ વિરુદ્ધ FIR દાખલ કરી હતી. આ અંગે AAP નેતાઓમાં પણ ભારે નારાજગી જોવા મળી રહી છે. AAP પર ગેરમાર્ગે દોરવાનો આરોપ
વાસ્તવમાં, દિલ્હી યુથ કોંગ્રેસના અધ્યક્ષ અક્ષય લાકરાએ 25 ડિસેમ્બરની સાંજે સંસદ સ્ટ્રીટ પોલીસ સ્ટેશનમાં અરવિંદ કેજરીવાલ વિરુદ્ધ ફરિયાદ નોંધાવી હતી. આરોપ લગાવ્યો હતો કે AAPએ તેની યોજનાઓ દ્વારા લોકોને ગેરમાર્ગે દોર્યા છે અને છેતર્યા છે. કેજરીવાલ સામે કાર્યવાહીની માગ
દિલ્હી સરકારના કેટલાક વિભાગોએ AAPની યોજનાઓની પ્રામાણિકતા પર સવાલ ઉઠાવ્યા છે ત્યારે યુથ કોંગ્રેસે આ ફરિયાદ નોંધાવી છે. આ યોજનાઓને ગેરમાર્ગે દોરનારી ગણાવીને જનતાને તેનાથી સાવધ રહેવાની ચેતવણી આપવામાં આવી છે. કોંગ્રેસે આ મુદ્દાને પકડી લીધો છે અને કેજરીવાલ સામે કાયદાકીય કાર્યવાહી કરવાની માંગ કરી છે.
INDIA ગઠબંધનમાંથી કોંગેસ બહાર થશે?:દિલ્હી વિધાનસભા ચૂંટણી પહેલા આમ આદમી પાર્ટીની માગ, અન્ય પક્ષો સાથે કરશે વાતચીત
