‘બ્યૂટી કોન્ટેસ્ટમાં ભાગ લેવાની વાતથી પિતા થયા હતા ગુસ્સે’:સુષ્મિતાએ કહ્યું- સરોજિની માર્કેટમાંથી પડદાનું કાપડ ખરીદ્યું અને ડ્રેસ બનાવ્યો

વર્ષ 1994માં સુષ્મિતા સેન મિસ યુનિવર્સ જીતનારી પ્રથમ ભારતીય બની હતી અને તેનું નામ ઈતિહાસમાં નોંધાઈ ગયું હતું. જોકે આ સફર તેના માટે સરળ ન હતી. તાજેતરમાં, સુષ્મિતાએ શિપ્રા નીરજના સેશન રાઇઝિંગ અબવ ધ ઓડ્સમાં તેના સફરના સંઘર્ષો વિશે વાત કરી. તેણે જણાવ્યું કે તેના મિસ ઈન્ડિયામાં જવાથી તેના પિતા નારાજ હતા. તેની માતાએ ફાઈનલ ડ્રેસ પડદાના ફેબ્રિકમાંથી બનાવ્યો હતો. સુષ્મિતાએ કહ્યું કે તેણે તેની માતાના આગ્રહ પર મિસ ઈન્ડિયાનું ફોર્મ ભર્યું હતું. જ્યારે તેની માતાએ તેના પિતાને આ અંગે જાણ કરી તો તેણે બે દિવસ સુધી વાત કરવાનું જ બંધ કરી દીધું. તે ઈચ્છતા હતા કે સુષ્મિતા IPS ઓફિસર બનવા માટે અભ્યાસમાં ધ્યાન આપે. સુષ્મિતાએ જણાવ્યું કે તેની માતાએ તેના પિતાને કોઈ રીતે મનાવી લીધા. જો કે, એક શરત મૂકી કે તેઓ જે બજેટ આપી રહ્યા છે તેની અંદર સંપૂર્ણ તૈયારીઓ કરવી પડશે. સુષ્મિતાએ કહ્યું, મને જે બજેટ મળ્યું તેમાં હું સરોજિની નગરથી જ શોપિંગ કરી શકું તેટલું હતું. અમે શેરીઓમાં હેંગરની દુકાનો પર ગયા, ત્યાંથી મારી માતાએ મને પૂછ્યા વિના કેટલાક કપડાં ખરીદ્યા, જેમાં પડદાના કાપડનો સમાવેશ થાય છે. તેણીએ એક અંગ્રેજી મેગેઝિન ઉપાડ્યું અને બિલ્ડિંગની નીચે પેટીકોટ સ્ટીચર પર ગઈ. તેણે એક તસવીર બતાવી અને કહ્યું, મારી દીકરી માટે આ ડ્રેસ બનાવો છે. પેટીકોટ સ્ટીચ કરનાર વ્યક્તિએ મારું ગાઉન બનાવ્યું, જેમાં મેં મિસ ઈન્ડિયાનો ખિતાબ જીત્યો. મમ્મીએ મોજામાં ઈલાસ્ટીક નાખીને મારા મોજા તૈયાર કર્યા. સુષ્મિતા શરૂઆતના તમામ રાઉન્ડ હારી હતી
સુષ્મિતાએ જણાવ્યું કે મિસ ઈન્ડિયાના પહેલા 4 રાઉન્ડમાં તે કંઈ ખાસ કરી શકી ન હતી, જ્યારે ઐશ્વર્યા દરેક રાઉન્ડમાં જીતી રહી હતી. તેની માતા તેને જોવા માટે ગોવા જવાની હતી ત્યારે તેણે ફોન કરીને ના પાડી. સુષ્મિતાએ કહ્યું કે તે તમામ રાઉન્ડ હારી ગઈ છે, તે સ્પર્ધામાં ક્યાંય જોવા નહીં મળે, તેથી જો તેની માતા તેની સામે હશે તો તેને તે ગમશે નહીં. સુષ્મિતાની સલાહને અનુસરીને તેની માતા બોમ્બેમાં રહી. સુષ્મિતા સ્પર્ધામાં ટોપ-5માં પહોંચી હતી, પરંતુ તેને ખાતરી હતી કે તે જીતશે નહીં. જ્યારે તેણે સાંભળ્યું કે ઐશ્વર્યા રાય બીજા ક્રમે આવી છે ત્યારે સુષ્મિતાએ અફસોસ વ્યક્ત કરતા કહ્યું કે તે બીજા નંબર પર પણ ન આવી શકી. જોકે બાદમાં તેનું નામ વિનર તરીકે અનાઉન્સ કરવામાં આવ્યું હતું. મિસ ઈન્ડિયા જીત્યા બાદ સુષ્મિતા સેન મિસ યુનિવર્સનો ખિતાબ જીતનાર પ્રથમ ભારતીય બની ગઈ છે.