સ્પેસમાંથી પહેલીવાર સ્માર્ટફોનથી કોલ કરી શકાશે:ભારત અમેરિકન કંપનીનો સેટેલાઇટ લોન્ચ કરશે; એન્ટેના ફૂટબોલના અડધા મેદાન જેવડું હશે

ટૂંક સમયમાં જ સ્પેસથી સીધા મોબાઈલથી ફોન કરી શકાશે. ભારતની સ્પેસ એજન્સી ISRO આમાં મહત્વની ભૂમિકા ભજવશે. ISRO આ વર્ષે ફેબ્રુઆરી-માર્ચમાં એક અમેરિકન કોમ્યુનિકેશન સેટેલાઇટ લોન્ચ કરશે, જેની મદદથી કોઈપણ સ્માર્ટફોન દ્વારા સ્પેસમાંથી સીધા ફોન કરી શકાશે. આ સંપૂર્ણપણે કોમર્શિયલ લોન્ચિંગ છે. ISROની કોમર્શિયલ વિંગ ન્યૂ સ્પેસ ઈન્ડિયા લિમિટેડ (NSIL) દ્વારા આ કાર્ય કરવામાં આવશે. હાલમાં, સ્પેસમાંથી ઈન્ટરનેટ અને વોઈસ કોલ માટે, વ્યક્તિ પાસે ખાસ હેન્ડસેટ અથવા ખાસ ટર્મિનલ હોવું જરૂરી છે. મીડિયા રિપોર્ટ્સ અનુસાર, ટેક્સાસની કંપની AST સ્પેસમોબાઈલ માટે એક સેટેલાઇટ લોન્ચ કરવા જઈ રહી છે. આ પહેલીવાર છે જ્યારે કોઈ અમેરિકન કંપની ભારતમાંથી વિશાળ કોમ્યુનિકેશન સેટેલાઇટ લોન્ચ કરી રહી છે. ભારતે અત્યાર સુધી અમેરિકન કંપનીઓના માત્ર નાના સેટેલાઇટ લોન્ચ કર્યા છે. બ્લુબર્ડને LVM-3થી પૃથ્વીની નીચી ભ્રમણકક્ષામાં મૂકવામાં આવશે
AST​​​​​​​ સ્પેસમોબાઈલના સીઈઓ એબેલ એવેલને ગયા વર્ષે જિયો-સિંક્રોનસ સેટેલાઇટ લોંચ વ્હીકલ (GSLV) દ્વારા ‘બ્લુબર્ડ’ના ‘બ્લોક 2 સેટેલાઇટ’ના લોન્ચ કરવાની જાહેરાત કરી હતી. બ્લુબર્ડ સેટેલાઇટ એ સેલ્યુલર બ્રોડબેન્ડ (મોબાઈલ ફોન નેટવર્ક) સ્પેસથી સ્માર્ટફોન સુધી કનેક્ટિવિટી આપવા માટે બનેલું સેટેલાઇટ ગ્રુપ છે. આ કંપનીની સ્પેસમોબાઈલ કોમ્યુનિકેશન સિસ્ટમનો એક ભાગ છે. બ્લુબર્ડ સેટેલાઇટમાં 64 ચોરસ મીટરનું એન્ટેના હશે, જે અડધા ફૂટબોલ મેદાન જેટલું છે. સેટેલાઇટનું વજન લગભગ 6 હજાર કિલોગ્રામ હશે. તેને પૃથ્વીની નીચી ભ્રમણકક્ષામાં સ્થાપિત કરવામાં આવશે. સૂત્રોના જણાવ્યા અનુસાર તેને લોન્ચ કરવા માટે લોન્ચ વ્હીકલ માર્ક-3 (LVM-3)નો ઉપયોગ કરવામાં આવશે. દાવો- વિશ્વનું પ્રથમ અંતરિક્ષ- આધારિત સેલ્યુલર બ્રોડબેન્ડ નેટવર્ક આ સેટેલાઇટ આધારિત ડાયરેક્ટ ટુ મોબાઇલ કનેક્ટિવિટી ટેક્નોલોજી સ્ટારલિંક અને વનવેબ જેવા હાલના સર્વિસ પ્રોવાઈડર્સ સાથે સીધો મુકાબલો હશે. બંને કંપનીઓ અવકાશમાં બ્રોડબેન્ડ ઈન્ટરનેટ કનેક્ટિવિટી પ્રદાન કરવા માટે મોટા સેટેલાઇટ નેટવર્કનો ઉપયોગ કરે છે. ઈસરોના નિષ્ણાતોના જણાવ્યા અનુસાર, AST સ્પેસમોબાઈલ મોટા સેટેલાઈટ લોન્ચ કરવા માંગે છે, તેથી કંપની ફક્ત નાના નેટવર્ક સાથે જ કામ કરી શકશે. કંપનીનો દાવો છે કે આ ટેક્નોલોજી સાથે તેઓ વિશ્વનું પ્રથમ અને એકમાત્ર સ્પેસ આધારિત સેલ્યુલર બ્રોડબેન્ડ નેટવર્ક બની જશે. સેલ્યુલર બ્રોડબેન્ડ નેટવર્કનો અર્થ મોબાઇલ ફોન નેટવર્ક છે. સર્વિસ પ્રોવાઈડર બદલવાની કોઈ જરૂર રહેશે નહીં
કંપની કહે છે- અમારું લક્ષ્ય સમગ્ર વિશ્વમાં સેલ્યુલર બ્રોડબેન્ડ પ્રદાન કરવાનું છે. અમે એવા લોકોને કનેક્ટિવિટી પ્રદાન કરવા માંગીએ છીએ જ્યાં પરંપરાગત નેટવર્ક પહોંચી શકતા નથી. આનાથી શિક્ષણ, સોશિયલ નેટવર્કિંગ, હેલ્થકેર સહિતના ઘણા ક્ષેત્રોમાં ઘણી તકો ખુલશે. ‘અમારી સર્વિસનો ઉપયોગ કરવા માટે (સ્પેસમાંથી ડાયરેક્ટ કોલ્સ), કોઈએ સર્વિસ પ્રોવાઈડર્સ (એરટેલ, વોડાફોન જેવી મોબાઈલ નેટવર્ક પૂરી પાડતી કંપનીઓ) બદલવાની જરૂર રહેશે નહીં. આ માટે અમે વિશ્વભરના મોબાઈલ નેટવર્ક ઓપરેટરો સાથે કામ કરી રહ્યા છીએ.