ભાસ્કર ગ્રાઉન્ડ રિપોર્ટ:મણિનગર, અસારવા, વટવા ખાતે ટ્રેનો શિફ્ટ કરવા જાહેરાત, એકે ય સ્ટેશને પાયાની સુવિધા ઊભી કરવામાં ઠાગાઠૈયા ચાલે છે

ઓમકારસિંહ ઠાકુર
કાલુપુર સ્ટેશનના રિડેવલપમેન્ડની કામગીરી ચાલી રહી છે. રેલવેએ કાલુપુરથી ઉપડતી અનેક ટ્રેનો મણિનગર, વટવા, અસારવા તેમજ સાબરમતી સ્ટેશને શિફ્ટ કરવાનું આયોજન હાથ ધરાયું છે. હાલમાં આ તમામ સ્ટેશનો પર ડેવલપમેન્ટની સાથે પેસેન્જરો માટે પાયાની સુવિધા ઊભી કરવામાં ઠાગાઠૈયા ચાલે છે. આ તમામ સ્ટેશનો પર પેસેન્જરો માટે જરૂરી પીવાના પાણીની સુવિધા, વેઇટિંગ હોલ, બેઠક વ્યવસ્થા, પુરતા પ્લેટફોર્મ શેલ્ટર, લાઈટ પંખા, ટાઈમટેબલ ડિસ્પ્લે સિસ્ટમ, એનાઉન્સમેન્ટ સિસ્ટમ સહિતની સુવિધાઓ ઉપલબ્ધ થયા બાદ જ ટ્રેનો જે તે સ્ટેશને શિફ્ટ કરાશે.મણિનગર, વટવા, અસારવા સ્ટેશન પર પ્લેટફોર્મ લંબાવવાની સાથે શેલ્ટર લગાવવા, પાણીની સુવિધા માટે કામગીરી પૂરજોશમાં ચાલી રહી છે. મણિનગર : પ્લેટફોર્મ કવર શેડ કામનું બાકી { સ્ટેશનના આગળનો ભાગ { સરક્યુલેટિંગ એરિયા { પ્લેટફોર્મ રિસર્ફેશ { ટોઈલેટ બ્લોક { નવા પ્લેટફોર્મ કવર શેડ { પાર્કિંગ એરિયા { વેઈટિંગ હોલ { બીજો એન્ટ્રી ગેટ. વટવા : નવા સ્ટેશન બિલ્ડિગનું કામ ચાલે છે { સ્ટેશનના આગળનો ભાગ { સરક્યુલેટિંગ એરિયા { પ્લેટફોર્મ રિસરફેશ { ટોઈલેટ બ્લોક { નવા પ્લેટફોર્મ કવર શેડ { પાર્કિંગ એરિયા { નવું સ્ટેશન બિલ્ડિંગ. અસારવા : વેઈટિંગ હોલનું કામ અદ્ધરતાલ { સ્ટેશનના આગળનો ભાગ { સરક્યુલેટિંગ એરિયા { પ્લેટફોર્મ રિસર્ફેશ { ટોયલેટ બ્લોક { નવા પ્લેટફોર્મ કવર શેડ
{ પાર્કિંગ એરિયા { વેઈટિંગ હોલનું કામ હજુ ચાલી રહ્યું છે.