‘તેરા બાપ હિંદુસ્તાન’:ભારત-પાકિસ્તાન પર અક્ષય-વીરની વોર ફિલ્મ, ‘સ્કાય ફોર્સ’નું ટ્રેલર રિલીઝ; દેશભક્તિની ઝલક છલકાઈ

બોલિવૂડ સ્ટાર અક્ષય કુમાર વર્ષ 2025માં તેની પ્રથમ ફિલ્મ સાથે સ્ક્રીન પર આવવા માટે તૈયાર છે. એક્ટરની ફિલ્મ ‘સ્કાય ફોર્સ’ પ્રજાસત્તાક દિવસના અવસરે 24 જાન્યુઆરી, 2025ના રોજ થિયેટરોમાં રિલીઝ કરવામાં આવશે. આ ફિલ્મ ભારતના પ્રથમ અને સૌથી ઘાતક હવાઈ હુમલાની સ્ટોરી છે. તે 1965ના ભારત-પાકિસ્તાન યુદ્ધ દરમિયાન પાકિસ્તાનના સરગોધા એરબેઝ પરના જવાબી હુમલાને દર્શાવે છે. ‘સ્કાય ફોર્સ’નું ટ્રેલર રિલીઝ
આજે ‘સ્કાય ફોર્સ’નું ટ્રેલર રિલીઝ થયું છે. આ ફિલ્મમાં એક્ટર એરફોર્સ ઓફિસરની ભૂમિકામાં જોવા મળશે. જેમાં અક્ષય કુમારની સાથે જાહ્નવી કપૂરનો રૂમર્ડ બોયફ્રેન્ડ વીર પહાડિયા પણ જોવા મળશે. બંને કલાકારોએ હેલિકોપ્ટરમાં પોતાની જબરદસ્ત એન્ટ્રી કરીને ચાહકોનું દિલ જીતી લીધું છે. ટ્રેલરમાં જબરદસ્ત એક્શન સિક્વન્સ અને ઈમોશનલ ડ્રામા જોવા મળી રહ્યો છે, જે દર્શકોની અપેક્ષાઓ વધારે છે. ‘સ્કાય ફોર્સ’ માત્ર એક્શન અને રોમાંચથી ભરેલી નથી, પરંતુ તે ભારતીય વાયુસેનાની હિંમત અને બહાદુરીને પણ સલામ કરે છે. ફિલ્મના ટ્રેલરને સોશિયલ મીડિયા પર જબરદસ્ત પ્રતિસાદ મળી રહ્યો છે. દર્શકો અને વિવેચકો બંને દ્વારા તેની પ્રશંસા કરવામાં આવી રહી છે. ફિલ્મની સ્ટાર કાસ્ટ
મેડૉક ફિલ્મ્સના બેનર હેઠળ અભિષેક, અનિલ કપૂર અને સંદીપ કેવલાની દ્વારા ‘સ્કાય ફોર્સ’નું નિર્દેશન કરવામાં આવ્યું છે. આ ફિલ્મ જિયો સ્ટુડિયો હેઠળ દિનેશ વિજન, અમર કૌશિક અને જ્યોતિ દેશપાંડે દ્વારા બનાવવામાં આવી રહી છે. વીર પહાડિયા આ ફિલ્મથી બોલિવૂડમાં ડેબ્યૂ કરવા જઈ રહ્યો છે. ઉપરાંત એક્ટ્રેસમાં સારા અલી ખાન અને નિમરત કૌર પણ મહત્ત્વની ભૂમિકામાં જોવા મળશે. અક્ષય કુમારનું વર્કફ્રન્ટ
એક્ટર પાસે ફિલ્મોની લાઇન છે. ‘સ્કાય ફોર્સ’ પછી, ‘વેલકમ ટુ ધ જંગલ’, ‘હાઉસફુલ 5’ અને ‘જોલી એલએલબી 3’ જેવી ફિલ્મો પાઇપલાઇનમાં છે. આ સિવાય અક્ષયે ડિસેમ્બર 2024માં જ તેની ફિલ્મ ‘ભૂત બંગલા’નું શૂટિંગ પણ શરૂ કર્યું હતું. આ ફિલ્મ 2 એપ્રિલ, 2026ના રોજ સિનેમાઘરોમાં આવશે.