સુરતમાં દેશની સૌથી ઊંચી સરકારી વહીવટી ઇમારત:28 માળના બે ટ્વિન ટાવર્સ, 107.6 મીટરની ઊંચાઈ; જુઓ ભારતના આઇકોનિક પ્રોજેક્ટનો ડ્રોન VIDEO

સુરત શહેરમાં ભારતની સૌથી ઊંચી સરકારી વહીવટી ઇમારત બની રહી છે, જેની કામગીરી ઝડપથી પ્રગતિ કરી રહી છે. G+27 માળના બે ટ્વિન ટાવર્સ સાથે આ પ્રોજેક્ટ 35% પૂર્ણતાની કસોટી પાર કરી ચૂક્યો છે, જેમાં છ માળ લગભગ તૈયાર થઈ ગયા છે. આકાશીય દૃશ્યો બતાવે છે કે બાકીનું બાંધકામ પણ ઝડપી ગતિએ આગળ વધી રહ્યું છે. આ પ્રોજેક્ટ ગુજરાત માટે ખાસ છે, કારણ કે તેમાં વડાપ્રધાન નરેન્દ્ર મોદીના સૂચન મુજબ અનેક ફેરફારો કરવામાં આવ્યા છે. નવા વિચાર અને ગ્રીન બિલ્ડિંગ કન્સેપ્ટ સાથે આ ઇમારત રાષ્ટ્રીય અને આંતરરાષ્ટ્રીય સ્તરે આકર્ષણનું કેન્દ્ર બનવાની તૈયારીમાં છે. મહાનગરપાલિકાની ઓફિસો એકજ સ્થળે કાર્યરત થશે
આ પ્રોજેક્ટ ઈન્ડિયન ગ્રીન બિલ્ડિંગ કાઉન્સિલ (IGBC)ના ધોરણો પર આધારિત છે, જેમાં પાણી અને ઊર્જાની બચત, સોલર પેનલ્સનો ઉપયોગ, અને ઇકો ફ્રેન્ડલી પ્રણાલીઓ જોડવામાં આવી છે. જૂની સબજેલની જગ્યા પર બની રહેલ આ ઇમારતો નિર્માણાધિન મેટ્રો રેલવે જંકશનની નજીક છે. રાજ્ય અને કેન્દ્ર સરકારની વિવિધ કચેરીઓ સાથે મહાનગરપાલિકાની ઓફિસો એકજ સ્થળે કાર્યરત થશે. નાગરિકોને વહીવટ માટે સરળતા અને ગતિ મળશે. મેટ્રો ટ્રાન્સપોર્ટ દ્વારા નાગરિકો અને કર્મચારીઓને આકર્ષક પરિવહન સુવિધાઓ ઉપલબ્ધ થશે. ગુજરાત માટે ગૌરવશાળી પ્રોજેક્ટ
28 માળના આ ટ્વિન ટાવર્સનું આકાશીય દૃશ્ય ગ્રીન ટેકનોલોજી સાથે શહેરી વિકાસમાં નવી સંભાવનાઓનું પ્રતીક છે. આ ઇમારત 107.6 મીટર ઊંચી બનીને માત્ર ગુજરાત માટે જ નહીં, પણ સમગ્ર દેશમાં એક આઈકોનિક સિદ્ધિ તરીકે ચમકે છે. આ પ્રોજેક્ટ પૂર્ણ થતા ગુજરાતની શહેરીય વિકાસ ક્ષમતા અને વહીવટી કાર્યક્ષમતા માટે નવી ઊંચાઈઓ પ્રાપ્ત થશે. સુરતની 107.6 મીટર ઊંચી વહીવટી ઇમારત ભારતનું આઇકોનિક પ્રોજેક્ટ
સુરત મહાનગરપાલિકા દક્ષિણ ગુજરાત અને દેશ માટે નવી ઓળખ ઊભી કરી રહી છે. દેશની સૌથી ઊંચી સરકારી વહીવટી ઇમારતના આ પ્રોજેક્ટમાં 107.6 મીટર ઊંચી, G+27 માળની બે ટ્વિન ટાવર ઈમારતોનો સમાવેશ થાય છે. પ્રોજેક્ટની મુખ્ય વિગતો
• કુલ ખર્ચ: ₹1586 કરોડ (GST સહિત).
• કંપની: PSP Projects Ltd., Ahmedabad અને Unique Construction, Surat ની સંયુક્ત ભાગીદારી હેઠળ કામગીરી. ટ્વિન ટાવર્સ
1. ટાવર- A
• ઉપરના માળ: G+27.
• ઊંચાઈ: 107.6 મીટર.
• વપરાશ: સુરત મહાનગરપાલિકાની ઓફિસો. 2. ટાવર- B
• ઉપરના માળ: G+27.
• ઊંચાઈ: 107.6 મીટર.
• વપરાશ: રાજ્ય અને કેન્દ્ર સરકારની કચેરીઓ. બાંધકામ અને આઈકોનિક ડિઝાઇન
• આગળનો પ્રગતિ દર: 35% બાંધકામ પૂર્ણ, 6 માળ તૈયાર.
• 4 ફ્લોરનું બેઝમેન્ટ પાર્કિંગ.
• G+4 પોડીયમમાં નાગરિકો માટે સીટીંગ એરિયા, મીટિંગ રૂમ, લાઇબ્રેરી અને અન્ય સવલતો.
• G+27 માળના 2 ટાવર્સમાં વિવિધ કચેરીઓ. વિશેષતાઓ અને ટકાઉતા
સંપૂર્ણ રીતે ગ્રીન બિલ્ડિંગ છે, ઈન્ડિયન ગ્રીન બિલ્ડિંગ કાઉન્સિલ (IGBC)ના ધોરણો અનુસાર ડિઝાઇન, STP (250 KLD)થી ટ્રીટેડ પાણીનો પુનઃઉપયોગ કરીને 35% પાણીની બચત, સોલર પેનલથી 6-7% વીજળીની બચત થશે. સાથે ભૂકંપ પ્રૂફ અને સાયક્લોન પ્રૂફ ડિઝાઇન અને સિક્યોરિટી-CCTV સર્વેલન્સ રૂમથી સજ્જ રહેશે. તમામ સરકારી કચેરીઓ એક જ સ્થળે લાવવાથી પ્રવેશદારી સરળતા અને પ્રશાસન કાર્યક્ષમતા વધશે. મેટ્રો રેલવે જંકશન નજીક હોવાથી નાગરિકો અને કર્મચારીઓ માટે પરિવહન સુવિધાઓ સરળ થશે. ગુજરાતની સૌથી ઊંચી ઇમારત
આ બિલ્ડિંગ દક્ષિણ ગુજરાત પ્રદેશમાં સૌથી ઊંચી અને ભારતની સૌથી ઊંચી સરકારી વહીવટી ઇમારત ગણાશે. વડાપ્રધાન નરેન્દ્ર મોદીના સૂચન પર ડિઝાઇનમાં ફેરફાર કરીને આ પ્રોજેક્ટને વધુ સમન્વિત અને આઈકોનિક બનાવાયું છે.