ક્રિકેટર યુઝવેન્દ્ર ચહલ હાલ પોતાના અંગત જીવનના કારણે ચર્ચામાં છે. થોડાં દિવસો પહેલાં ક્રિકેટરે તેની પત્ની ધનશ્રીને ઈન્સ્ટા પરથી અનફોલો કરી દીધી, એટલું જ નહીં તેણે ધનશ્રી સાથેની તમામ તસવીરો પણ ડિલીટ કરી દીધી હતી. યુઝવેન્દ્ર ચહલ નશામાં જોવા મળ્યો
જ્યારથી યુઝવેન્દ્ર ચહલ અને ધનશ્રીના છૂટાછેડાના સમાચાર આવ્યા છે, ત્યારથી આ કપલના નવા અને જૂના વીડિયો પણ ચર્ચામાં આવ્યા છે. હાલમાં જ યુઝવેન્દ્ર ચહલનો એક થ્રોબેક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં જોઈ શકાય છે કે યુઝવેન્દ્ર ચહલ નશામાં જોવા મળે છે. તેણે એટલો દારૂ પીધો છે કે તેને કારમાં બેસવા માટે પણ બીજાની મદદ લેવી પડી. સોશિયલ મીડિયા પર આ વીડિયો જોઈને ફેન્સનું દિલ તૂટી ગયું છે. યુઝવેન્દ્ર ચહલનો વીડિયો જોઈને ચાહકોનું દિલ તૂટી ગયું
યુઝવેન્દ્ર ચહલના આ વીડિયો પર યૂઝર્સ તરફથી ભારે પ્રતિક્રિયા આવી રહી છે. તેના પર ટિપ્પણી કરતા એક યુઝરે કહ્યું- તમે કેવા પ્રકારની પરિસ્થિતિમાં આવી ગયા છો? જ્યારે બીજાએ લખ્યું- યુઝવેન્દ્ર ચહલ હિંમત રાખો, બધું સારું થઈ જશે. જ્યારે ત્રીજા યુઝરે લખ્યું- હમણાં જ હાર્દિકના છૂટાછેડાના સમાચારે મને ચોંકાવી દીધો હતો અને હવે મેં યુઝવેન્દ્ર ચહલના સમાચાર સાંભળ્યા છે, શું થઈ રહ્યું છે. શું છે વાઈરલ વીડિયોનું સત્ય?
યુઝવેન્દ્ર ચહલનો જે વીડિયો સોશિયલ મીડિયા પર વાઇરલ થઈ રહ્યો છે તે એપ્રિલ 2023માં ક્રિકેટર રોહિત શર્માની બર્થડે પાર્ટીનો છે. અમને યુટ્યૂબ પર આ વાઇરલ વીડિયોની લિંક મળી જેનાથી સ્પષ્ટ થાય છે કે ડિવોર્સની અફવા વચ્ચે ચહલના જૂના વીડિયોને લોકો આજનો જણાવીને વાઇરલ કરી રહ્યા છે. જૂનો યુટ્યૂબ પર અપલોડ થયેલો જૂનો વીડિયો યુઝવેન્દ્ર ચહલ અને ધનશ્રીના ડિવોર્સની અફવાઓ વહેતી થઈ હતી
આ બધું જોયા પછી ચાહકો ખૂબ જ મૂંઝવણમાં પડી ગયા કારણ કે બંનેના લગ્નને માત્ર 4 વર્ષ થયા છે અને છેલ્લા ચાર વર્ષથી તેમના સંબંધો હેડલાઇન્સમાં છે. આ બધાની વચ્ચે ચહલે ધનશ્રીને અનફોલો કર્યા પછી, યુઝવેન્દ્ર ચહલે તેના ઇન્સ્ટા હેન્ડલ પર એક રહસ્યમય પોસ્ટ શેર કરી હતી. જેમાં તે પોતાના દર્દ, સંઘર્ષ અને માતા-પિતાને ગર્વ આપતા જોવા મળ્યો હતો. બંનેના લગ્નને 4 વર્ષ થયાં
તમને જણાવી દઈએ કે બંનેએ વર્ષ 2020માં લગ્ન કર્યા હતા. લગ્નના ચાર વર્ષ પૂરા થવા છતાં બંનેએ એકબીજાને લગ્નની શુભકામનાઓ પાઠવી ન હતી. આ વખતે બંનેએ સોશિયલ મીડિયા પર કોઈ પોસ્ટ શેર કરી નથી.
ડિવોર્સની અફવાઓ વચ્ચે નશામાં ધૂત જોવા મળ્યો ચહલ:પાર્ટીમાંથી દારૂ પીધેલી હાલતમાં બહાર આવ્યો, ચહલની આ સ્થિતિ જોઈને ફેન્સનું દિલ તૂટ્યું, વાઇરલ વીડિયોનું Fact Check
