ભારત અને આયર્લેન્ડ વચ્ચે 3 વનડે મેચની શ્રેણી આગામી 10 જાન્યુઆરીથી રાજકોટના નિરંજન શાહ સ્ટેડિયમ ખાતે રમાનાર છે. ત્યારે આજથી બન્ને ટીમના ખેલાડીઓ દ્વારા મેદાન પર નેટ પ્રેક્ટિસ શરૂ કરી દેવામાં આવી છે. ગઇકાલે બન્ને ટીમના ખેલાડીઓનું રાજકોટમાં આગમન થયું હતું અને ભારત અને આયર્લેન્ડના ખેલાડીઓ સ્ટેડિયમ ખાતે પહોંચી પ્રેક્ટિસ કરવામાં આવી હતી. આજના પ્રથમ દિવસે સવારના 11 વાગ્યાથી 5 વાગ્યા સુધી પ્રેક્ટિસ સેશન રાખવામાં આવ્યું હતું. જેમાં બન્ને ટીમના ખેલાડીઓ દ્વારા વોર્મઅપ, ફિલ્ડિંગ, કેચ તેમજ બેટિંગ તથા બોલિંગની નેટ પ્રેક્ટિસ કરી હતી. ઉલ્લેખનીય છે કે, પ્રથમ વખત મહિલા ટીમનું રાજકોટમાં આગમન થયું છે અને બન્ને ટીમના મહિલા ખેલાડીઓ પ્રથમ વખત આ મેદાન પર મેચ રમનાર છે. ત્યારે સૌરાષ્ટ્ર ક્રિકેટ એસોસિએશન દ્વારા પણ તમામ તૈયારીઓ પૂર્ણ કરી દેવામાં આવી છે. બંને ટીમોએ મેદાનમાં પ્રેક્ટીઝ કરી
ભારત અને આયર્લેન્ડ વચ્ચે 3 મેચની વનડે સિરીઝ આગામી 10 જાન્યુઆરીને શુક્રવારથી રાજકોટના નિરંજન શાહ ક્રિકેટ સ્ટેડિયમ ખાતે રમાનાર છે. જેને લઇ આજે બન્ને ટીમો દ્વારા નેટ પ્રેક્ટિસ કરવામાં આવી રહી છે. જેમાં સવારના 11 વાગ્યાથી સાંજના 5 વાગ્યા સુધી બન્ને ટીમના ખેલાડીઓ દ્વારા નેટ વોર્મઅપ, ફિલ્ડિંગ, કેચ તેમજ બેટિંગ તથા બોલિંગની પ્રેક્ટિસ કરવામાં આવી રહી છે. બન્ને ટીમ પ્રથમ વખત આ મેદાનમાં રમવા માટે ઉતરવાની છે ત્યારે જીત માટે સતત 3 દિવસ નેટ પ્રેક્ટિસ કરી સામ સામે ટકરાશે. ત્યારે હાલમાં ભારતીય મહિલા ક્રિકેટ ટીમ ફોર્મમાં ચાલી રહી છે અને આયર્લેન્ડની ટીમની સરખામણીમાં ભારતીય ટીમના ખેલાડીઓ વધુ અનુભવી હોવાનું માનવામાં આવી રહ્યું છે. ટીમનું ફુલહાર તેમજ બુકે આપી સ્વાગત
રાજકોટમાં ગઇકાલે બંને ટીમોનું આગમન થતા શહેરના કાલાવડ રોડ પર આવેલ હોટલ સયાજી ખાતે તેમનું ભારતીય સંસ્કૃતિ મુજબ અને ફુલહાર તેમજ બુકે આપી સ્વાગત કરવામાં આવ્યું હતું. ઉલ્લેખનીય છે કે, આયર્લેન્ડ સામેની આ ત્રણ મેચની સિરીઝમાં હરમનપ્રિત કૌરને રેસ્ટ આપવામાં આવ્યો છે આ સિરીઝની અંદર ટીમનું સુકાન સ્મૃતિ મંધાનાને સોંપવામાં આવ્યું છે. ભારતીય મહિલા ક્રિકેટ ટીમ સ્કવોડ
સ્મૃતિ મંધાના (કેપ્ટન), દિપ્તી શર્મા (વાઇસ કેપ્ટન), પ્રતિકા રાવલ, હરલિન દેઓલ, જેમિમાહ રોડ્રિગ્સ, ઉમા છેત્રી, રિચા ઘોસ, તેજલ હસબનીસ, મીન્નુ મણી, પ્રિયા મિશ્રા, તનુજા કંવર, તિતાસ સાધુ, સાયમા ઠાકોર અને સયાલી સતઘરેનો સમાવેશ કરવામાં આવ્યો છે. આયર્લેન્ડ મહિલા ક્રિકેટ ટીમ સ્ક્વોડ
ગેબી લેવિસ (કેપ્ટન), અવા કેનિંગ, ક્રિસ્ટીના કુલ્ટર રીલી, અલાના ડાલઝેલ, લૌરા ડેલની, જ્યોર્જિના ડેમ્પસી, સારાહ ફોર્બ્સ, આર્લિન કેલી, જોના લોઘરન, ઈમી મગુરી, લેહ પોલ, ઓર્લા પ્રિન્ડરગાસ્ટ, ફ્રેયા સાર્જન્ટ અને રેબેકા સ્ટોકેલનો સમાવેશ કરવામાં આવ્યો છે.
રાજકોટમાં પ્રથમ વખત વનડે મહિલા ક્રિકેટ શ્રેણીનું આયોજન:ભારત અને આયર્લેન્ડની ખેલાડીઓએ મેદાનમાં પ્રેક્ટિસ કરી, સ્મૃતિ મંધાનાની આગેવાનીમાં ટીમ ઇન્ડિયા રમશે
